Öflugur jarðskjálfti reið yfir Reykjanesskaga og höfuðborgarsvæðið um tíu leytið í morgun. Hann var 3,3 kílómetra suðsuðvestur af Keili og var 5,7 að stærð. Hann fannst víða um land, meðal annars í Húnavatnssýslum. Annar skjálfti varð tæpum hálftíma síðar um 3,5 kílómetra norðnorðvestur af Krýsuvík sem var 5 að stærð. Þriðji stóri skjálftinn varð síðan um hálf eitt. Hann varð 4,6 kílómetra norðaustur af Reykjanestá og var 4,9 að stærð. Alls hefur 51 jarðskjálfti orðið í dag yfir 3 að stærð og fleiri en tíu sem voru yfir 4 að stærð.

Hættustigi hefur verið lýst yfir á höfuðborgarsvæðinu og Reykjanesskaga.