Samgöngu- og sveitarstjórnarráðuneytið og Samtök sveitarfélaga á Norðurlandi vestra bjóða til rafræns samráðsfundar um stöðu samgöngumála á Norðurlandi vestra á morgun, þriðjudaginn 16. mars klukkan 10-12. Á fundinum verður fjallað um samgöngumál í landshlutanum, helstu áskoranir og tækifæri og valkosti til framfara. Boðið verður upp á fjölbreytta dagskrá með erindum og umræðum í minni hópum.

Fundurinn er öllum opinn en gestir eru beðnir um að skrá þátttöku á skráningarsíðu fundarins. Allir sem skrá sig fá hlekk á veffundinn. Fundurinn er hluti af fundaröð um allt land í tilefni af undirbúningi grænbókar um stöðu samgöngumála. Sjá nánar á vef um grænbók um samgöngumál.

Dagskrá

10:00–11:00 - Erindi

Unnur Valborg Hilmarsdóttir, framkvæmdastjóri SSNV Samgönguáætlun Norðurlands vestra.
Ólafur Guðmundsson, umferðaröryggissérfræðingur Öryggisúttekt á vegum á Norðurlandi vestra.
Arnheiður Jóhannsdóttir, framkvæmdastjóri Markaðsstofu Norðurlands Samgöngur og ferðaþjónustan

11:00–12:00 – Umræður

Fundargestum er skipt upp í umræðuhópa sem fjalla um einstök viðfangsefni. Hver hópur kynnir niðurstöður sínar stuttlega í lok fundar.

Fundarstjóri er Gissur Jónsson, varaformaður samgönguráðs