Í næstu viku fær Heilbrigðisstofnun Norðurlands senda 720 skammta af Pfizer bóluefninu. Það verður nýtt til að bólusetja seinni bólusetningu hjá þeim sem fengu fyrri skammt dagana 2.-5. mars en í þeim hópi eru m.a. þeir sem eru 80 ára og eldri.  

Dagana 29.-31. mars er gert ráð fyrir að bólusetja seinni bólusetningu hjá þeim sem fengu bólusetningu dagana 9.-11. mars og halda áfram að bólusetja aldurshópinn 70-79 ára en meginreglan er að bólusetja þá elstu fyrst.

Stefnt er að því að klára að bólusetja árganga 1944 og 1945 og ef hægt verður þá byrjum á árgangi 1946.

Dagana 6.-9. apríl standa vonir til að halda áfram með að bólusetja a.m.k. árganga 1946, 1947 og 1948. HSN vekur athygli á því að þetta er áætlun og sett fram með fyrirvara um breytingar.

Á heilsugæslum á Norðurlandi (fyrir utan Akureyri) fær fólk boð í bólusetningu annaðhvort með sms skilaboðum eða með símtali þar sem tími og staðsetning kemur fram.

Sjá nánar á vef HSN.