Enginn er nú í einangrun á Norðurlandi vestra vegna kórónuveirusmits en átta eru í sóttkví. Alls greindust 46 kórónuveirusmit innanlands í gær, þar af 21 utan sóttkvíar. Ekki hafa greinst færri innanlandssmit síðan 19. júlí síðastliðinn, við upphaf fjórðu bylgju. Óvenju hátt hlutfalla þeirra sem greindust í gær voru óbólusettir eða 34. Norðurland vestra er eini landshlutinn þar sem enginn er í einangrun vegna veirunnar.

Nýgengi smita á landinu lækkar jafnt og þétt og er 14 daga nýgengi á hverja 100.000 íbúa nú í 294. Nýgengið hefur lækkað mikið síðan 9. ágúst þegar það var hæst 433. Sjá nánar á www.covid.is.