Veðurstofan hefur gefið út gula veðurviðvörun fyrir Norðurland vestra á morgun, nýársdag. Gular viðvaranir verða í öllum landshlutum á morgun en á Suðurlandi verður viðvörunin appelsínugul. Víða er spáð norðaustan stormi eða roki með snjókomu eða éljum. Á Norðurlandi vestra er spáð norðaustan 18-23 m/s og snörpum vindhviðum við fjöll. Búast má við éljum og skafrenningi með lélegu skyggni og mjög slæmu ferðaveðri.

Sjá nánar á vef Veðurstofu Íslands.