Á miðvikudaginn klukkan 16-18 verður opið hús í Höfðaskóla á Skagaströnd þar sem nemendur ætla að taka á móti gestum og kynna ýmislegt er snýr að tæknikennslu. Hægt verður að skoða hin ýmsu smáforrit, tæknidót og heimasíður sem nemendur eru að nota í námi sínu. Nemendur í 10. bekk verða með Vilko vöfflur og kaffi eða djús til sölu á 500 krónur og er það hluti af fjáröflun þeirra vegna fyrirhugaðs skólaferðalags næsta vor.

Sagt er frá þessu á Skagastrandarvefnum og þar kemur fram að nemendur í skólanum hafi undanfarin ár tekið virkan þátt í þeirri tækniþróun sem átt hefur sér stað í námi og kennslu. Forráðamenn, ættingjar og velunnarar skólans eru hjartanlega velkomin.