Maí 2024 | ||||||
S | M | Þ | M | F | L | |
28 | 29 | 30 | 1 | 2 | 3 | 4 |
5 | 6 | 7 | 8 | 9 | 10 | 11 |
12 | 13 | 14 | 15 | 16 | 17 | 18 |
19 | 20 | 21 | 22 | 23 | 24 | 25 |
26 | 27 | 28 | 29 | 30 | 31 | 1 |
Fyrri | Núna | Næsti |
Holtavörðuh. | 12:12 | 0 | 0°C |
Laxárdalsh. | 12:12 | 0 | 0°C |
Vatnsskarð | 12:12 | 0 | 0°C |
Þverárfjall | 12:12 | 0 | 0°C |
Kjalarnes | 12:12 | 0 | 0°C |
Hafnarfjall | 12:12 | 0 | 0°C |
13. apríl 2024 Klúðrið er víðaKlúðrið og bullið er víða í samfélaginu okkar og er af mörgu að taka. Ætla ég að nefna aðeins nokkur atriði. Landsbankaklúðrið í kringum kaupin á TM. Alveg er það merkilegt þegar embættis- menn telja sig geta tekið ákvarðanir um hvað sem þeim dettur í hug. ::Lesa |
Gamla læknishúsið á Aðalgötu 5 og gamli spítalinn á Aðalgötu 7 á Blönduósi hafa fengið andlitsupplyftingu. Húsið á Aðalgötu 5 var reist árið 1903 sem læknisbústaður og húsið á Aðalgötu 7 var byggt árin 1922-23 sem sjúkraskýli. Búið er að skipta um klæðningu á húsunum og hefur ásýnd þeirra breyst töluvert. Til fróðleiks þá var Skáksamband Íslands stofnað á Aðalgötu 5 árið 1925.
Í Húsakönnun á Blönduósi 2015 má lesa fróðleik um þessi tvö hús og þar segir:
Um Aðalgötu 5:
Húsið var byggt sem læknisbústaður af Júlíusi Halldórssyni héraðslækni árið 1903. En 1906 tekur við af honum Jón Jónsson (Jón pína). Hann lét af störfum 1922 og kaupir sýslunefnd Austur-Húnavatnssýslu húseignir hans við Aðalgötu og fleiri eignir, eins og sagt er frá í inngangi, í því skyni að hýsa þar læknisbústað héraðsins með hæfilegum viðbyggingum og sjúkrahús. Gegndi húsið því hlutverki fyrir Blönduóshérað til 1955, þegar starfsemin var flutt í Héraðsheimilið. Lyfjabúð var um árabil í kjallara hússins. Á tímabili eftir 1955 var það nýtt sem skrifstofuhúsnæði á vegum Húnfjörðs hf. Skáksamband Íslands var stofnað í því 1925. Húsið er nú nýtt til íbúðar og skilgreint sem parhús í fasteignamati. Hinn hluti parhússins er Aðalgata 7 (gamli spítalinn). En húsin standa á sameiginlegri lóð.
Húsið er í „Norrænum, stíl“. Húsið er einnar hæðar timburhús með risi á steyptum kjallara. Inngangur í húsið er á norðurhlið um útitröppur og bíslag. Handrið á svölum og útitröppum er úr smíðajárni, sömuleiðis bekkur neðan á skyggni. Ekki er vitað hvenær það var gert. Skraut þetta stingur nokkuð í stúf við stíl hússins. Krosspóstar hafa verið í húsinu frá upphafi, en gluggafögum hefur fækkað. Gluggarammar hafa einnig verið fjarlægðir nema í opnanlegum fögum. Upphaflega var húsið bárujárnsklætt, en nú er það klætt trapesulaga blikk klæðningu. Reykháfur var fjarlægður 1989, þegar gert var við þak hússins og kvistur að Aðalgötu var stækkaður.
Um Aðalgötu 7:
Húsið var reist nokkru seinna en læknisbústaðurinn og var frá upphafi sambyggt því (Aðalgötu 5). Frá 1940 hefur inngangur í húsið verið um inngönguskúr á suðurgafli en var upphaflega gengið upp tröppur frá Aðalgötu. Húsin nr. 5 og 7 standa á stórri gróinni lóð og virðast hafa sameignlegt garðsvæði. Húsið var byggt sem sjúkraskýli eins og áður er getið 1922-´23. Sex árum síðar var húsið lengt meðfram götunni. Þá hafði verið rifið hús sem þar stóð. Í því húsi hafði verið líkhús. Húsið er nú nýtt til íbúðar.
Húsið er í fábrotnum „Alþýðustíl“. Húsið er einnar hæðar timburhús á steyptum kjallara. Upphaflega húsið var lengt meðfram götunni sex árum eftir að það var reist en annað hús, sem þar stóð hafði verið rifið eins og áður segir. Húsið var klætt bárujárni. Upphaflega var gengið upp timburtröppur inn í húsið frá götuhlið. Tröppurnar voru fjarlægðar 1929 og gluggi settur í stað hurðar. Gluggar eru með krosspóstum, en gluggarammar hafa verið fjarlægðir nema í opnanlegum fögum og í kjallara hafa auk þess nokkrir gluggar verið augnstungnir.
02. apríl 2023 Sjö leiðir til að létta þér þrifin í vor og sumarNú er vorið komið og sumarið framundan og þá er ekki úr vegi að koma með nokkur góð húsræða. ::Lesa |
03. febrúar 2023 Á ferðalagiGuðmundur var að spjalla við Tóta, bróður sinn í Kaliforníu. ::Lesa |