Flottir og frábærir krakkar frá UMF. Fram á Skagaströnd kepptu á Akureyrarmóti UFA og Norðlenska sem var haldið á Akureyri laugardaginn 11. mars.

Umf. Fram átti 4 iðkendur á þessu móti, en í heildina voru 39 krakkar frá USAH að keppa. Árangurinn var einstaklega frábær og mikið var um persónulegar bætingar. Einhverjir voru að stíga sín fyrstu skref í keppni sem er mikið gleðiefni.

Má þá nefna að Lárey Mara fékk gullverðlaun í kúluvarpi og skutlukasti, Katrín Heiða fékk silfurverðlaun í 60 m hlaupi og Katrín Sara fékk bronsverðlaun í kúluvarpi. Anton Logi var einnig að bæta persónuleg met meðal annars í grind og langstökki.

Framtíðin er björt hjá frjálsíþróttakrökkunum í Umf. Fram. Sjá nánar á facebook síðu félagsins https://www.facebook.com/umffram.skagastrond.