Húnaþing vestra hefur gefið út menntastefnu sveitarfélagsins en hún er afrakstur fjölþættrar samvinnu fag- og hagsmunaaðila á svæðinu. Menntastefnunni er ætlað að vera lifandi stefna sem tekur breytingum í takt við þarfir og lög og reglu hverju sinni. Hún er fyrst og fremst stefnumörkun um framtíðarsýn sveitarfélagsins og út frá henni eru lagðar fram árlegar framkvæmdaáætlanir.

Stefnan gildir um allt skólastarf í Húnaþingi vestra og nær því yfir leik-, grunn- og tónlistarskóla auk frístundastarfs. Einnig var haft samráð við félagsmiðstöð, íþróttastarf og dreifnám við mótun stefnunnar. Fjölmargir höfðu beina aðkomu að gerð stefnunnar meðal annars starfsfólk skóla, foreldrar og nemendur í gegnum bekkjarþing, ungmennaráð, öldungaráð, íbúar og að lokum sveitarstjórn.

Á vef Húnaþings vestra má lesa stutt yfirlit yfir menntastefnuna og stefnuna í heild sinni.