Guðrún Ósk Steinbjörnsdóttir hefur verið ráðin í starf aðstoðarskólastjóra Grunnskóla Húnaþings vestra. Hún er með B.Ed. gráðu frá Háskóla Íslands og hefur starfað við kennslu í Grunnskóla Húnaþings vestra frá árinu 2011. Árin 2019-2020 starfaði hún sem ráðgjafi á fjölskyldusviði þar sem hún stýrði m.a. málum nemenda sem glímdu við skólaforðun.

Einnig var hún verkefnastjóri við gerð nýrrar menntastefnu Húnaþings vestra sem nýlega leit dagsins ljós. Á síðasta skólaári var Guðrún Ósk starfandi aðstoðarskólastjóri Grunnskóla Húnaþings vestra.