Byggðasafn Húnvetninga og Strandamanna að Reykjum í Hrútafirði opnar á næstunni sýningu þar sem söguefnið er rekaviðanytjar. „Þetta eru nytjar sem skipta miklu máli,“ segir Benjamín Kristinsson, safnstjóri á Reykjum, í viðtali við Morgunblaðið sem fjallaði um málið á mánudaginn. Um aldir hafa kynstrin öll af góðvið borist norðan frá Síberíu í Rússland að Íslandsströndum. Hafstraumar liggja þannig að einkum og helst hefur við þennan rekið á fjörur í norðanverðri Strandasýslu og verið þar gott búsílag.

Fram kemur í Morgunblaðinu að Benjamín, sem er frá Dröngum norðarlega á Ströndum, vinni nú að uppsetningu sýningarinnar um efni sem hann þekkir vel. Að Reykjum er nú búið að draga að rekavið og á næstunni verður þar sett upp sögunarvirki. Þar getur fólk séð hvernig reki var með fyrri aðferðum klofinn og sagaður. Þá kemur fram í umfjölluninni að á Reykjum sé búið að setja upp fræðsluskilti sem segja sögu rekanytja. Titillinn er Frá fræi til asks; það er hvernig trjáfræið verður að við sem svo rekur um höf til Íslands. Varð og verður hér að efnivið.

Sjá nánari umfjöllun í Morgunblaðinu mánudaginn 8. maí.