Sveitarstjórn Húnabyggðar er óánægð með að áform um stækkun urðunarsvæðis í Stekkjarvík komi ekki formlega inn á hennar borð áður en stjórn Norðurár samþykkir framkvæmdina endanlega. Þá setur sveitarstjórnin spurningarmerki við að ekki þurfi sérstakt framkvæmdaleyfi frá henni enda áformaðar framkvæmdir umfangsmiklar.

Sveitarstjórn telur eðlilegt að skoðaðar verði aðrar leiðir til að minnka umfang urðunar í Stekkjarvík áður en ráðist verði í stækkun urðunarsvæðisins og er brennsla nefnd sem dæmi.