Opinn fundur um Prjónagleðina, sem fram fer helgina 7.-9. júní í sumar, verður haldinn í Ósbæ mánudaginn 6. maí klukkan 17. Í auglýsingu um fundinn segir að Húnabyggð taki að þessu sinni beinan þátt í skipulagningu hátíðarinnar og leggi metnað sinn í að viðburðurinn verði líflegur og áhugaverður fyrir gesti og heimafólk.

Allir sem hafa áhuga á að lífga upp á helgina með, t.d. viðburðum, afþreyingu, tilboðum, kynningum, heimboðum eða hafa pláss fyrir næsturgesti þessa helgi eru hvattir til að mæta á fundinn og láta vita af sér. Prjónagleðin er nú haldin í áttunda sinn.