Margir brottfluttir Blönduósingar eru að gera það gott, bæði innanlands sem utan. Þar með er talinn ungur maður að nafni Snævar Njáll Albertsson, en hann flutti frá Blönduósi til Danmerkur aðeins 12 ára gamall.

Fyrir þá sem ekki þekkja til Snævars, þá á hann ennþá mjög sterkar rætur á Blönduósi. Hann á afa og ömmu á Hólabrautinni, Njál og Grétu, og fósturafa og ömmu á Húnabrautinni, Bótu og Davíð. Flestir þekkja líka frænkur hans, Önnu Kristínu og Selmu ökukennara.

Þegar Snævar fermdist, fékk hann rafmagnsgítar í fermingargjöf frá frænda sínum Gumma Reyr, það var gítar sem notaður var í hinni geysivinsælu hljómsveit BCLB. Þetta var upphaf  tónlistarferils hans og stofnaði hann hljómsveitina Mímas þann 1. ágúst 2004.

Ã� Mimas hefur Snævar, ásamt félögunum Lasse, Gert og Daníel náð vinsældum erlendis og gefið út þrjár breiðskífur. Hands Will Carry þann 1.4.2005 gefin út í Englandi, The Worries  Ã¾ann 1.10.2008 gefin út í Danmörk og Englandi og Lifejackets þann 1.10.2010 gefin út í Danmörk, Englandi, Þýskalandi, Austurríki og Sviss.  Nokkrar tónleikaferðir erlendis hafa komið í kjölfar plötuútgáfunnar og leiðin legið nokkrum sinnum í gengum Evrópu, þar sem plöturnar hafa verið gefnar út.

Snævar lét sér nú ekki hljómsveitina nægja og steig fram á sjónarsviðið einn síns liðs þann 1.10. 2009 með listamannsnafnið Dad Rocks. Hann er pabbinn sem rokkar, en hugmyndin af nafninu fékk hann frá barnungri dóttur sinni sem einnig er hans helsti innblástur og andargift.

Snævar blandar saman órafmögnuðum gítar, píanói, harmonikku, trompet, klappi og stappi og örlitlu hip-hoppi til að framkalla afar áhugaverða blöndu af psych-folk og lo-fi kántrí tónlist.

Sem Dad Rocks nefnir Snævar nokkra helstu áhrifavalda, svo sem tónlistafólkið Bill Callahan, Owen, Why, Akron/Family og Do Make Say Think. 

Sem Dad Rocks hefur Snævar gefið út þrjár breiðskífur, Digital Age þann 1.4.2010, gefin út í Danmörk og Englandi, Big Scary Covers þann 1.10.2010 gefin út í Englandi og Mount Modern þann 8.10.2011 gefin út í Danmörk, Englandi, USA og �slandi.

Platan Mount Modern er gefin út hér á landi af Father Figure Records í samvinnu við jaðarútgáfuna Kimi Records.

Sem Dad Rocks hefur Snævar safnað í kringum sig 8 manna hljómsveit og komið fram á virtum tónlistarhátíðum undanfarna mánuði, meðal annars Great Escape í Brighton, Spot hátíðinni í Danmörku og PopKomm hátíðinni í Berlín. Einnig mun hún koma fram á hinni virtu hátíð CMJ í New York í lok október mánaðar.

Dad Rocks kemur fram á Iceland Airwaves þann 15. október kl. 22:30 í Kaldalónssal Hörpunnar. Hann lætur það þó ekki nægja og heldur einnig tónleika á Iceland Airwaves með hljómsveit sinni Mímas og verða fyrstu tónleikar þeirra þann 16. október kl. 18:30 í Tjarnarbíói.

Snævar er búsettur í �rósum ásamt unnustu sinni Lise Werngreen Zachariassen, 3 ára dóttur sinni Elvu og 9 mánaða syni sínum �sbirni. Hann stúderar fegurðar- og listafræði í háskólanum í �rósum og er nýbúin að stofna plötuútgáfufyrirtæki Father Figure Records.

Það er óhætt að segja að Snævar Njáll sé atorkusamur ungur maður sem við eigum örugglega eftir að heyra meira af í framtíðinni og jafnvel sjá bregða fyrir á götum Blönduóss, þar sem rætur hans liggja.