Apríl 2024 | ||||||
S | M | Þ | M | F | L | |
31 | 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | 1 | 2 | 3 | 4 |
Fyrri | Núna | Næsti |
Holtavörðuh. | 23:48 | 0 | 0°C |
Laxárdalsh. | 23:48 | 0 | 0°C |
Vatnsskarð | 23:48 | 0 | 0°C |
Þverárfjall | 23:48 | 0 | 0°C |
Kjalarnes | 23:48 | 0 | 0°C |
Hafnarfjall | 23:48 | 0 | 0°C |
13. apríl 2024 Klúðrið er víðaKlúðrið og bullið er víða í samfélaginu okkar og er af mörgu að taka. Ætla ég að nefna aðeins nokkur atriði. Landsbankaklúðrið í kringum kaupin á TM. Alveg er það merkilegt þegar embættis- menn telja sig geta tekið ákvarðanir um hvað sem þeim dettur í hug. ::Lesa |
Með þessum línum hér vil ég vekja athygli á mikilvægum málefnum sem varða samfélagið miklu til framtíðar og vona að sem flestir leiði hugann að þessum málum og leggi sitt til stefnumótunar inn í framtíðina.
Ferðaþjónusta hefur vaxið atvinnugreina mest á síðastliðnum árum. Bæjarfélagið okkar hefur að mörgu leyti lagt góðan grunn að tækifærum fyrir einkaaðila til að stofna og reka fyrirtæki í ferðaþjónustu. Almenn þjónusta er hér góð, íþróttaaðstaða til fyrirmyndar og umhverfismál í ásættanlegum farvegi. Alltaf má þó gera betur og verður leitast við það á komandi árum að viðhalda því sem gott er og gera betur.
Aðilar í ferðaþjónustu hafa sýnt vaxandi frumkvæði að samstarfi og sókn til aukins markaðsstarfs. Greinin er meðvitaðri um nauðsyn þess að skapa afþreyingu, náttúruskoðun og byggja upp söfn og setur til þess að ferðamenn geti dvalið í héraði og notið fjölbreyttrar og ánægjulegrar upplifunar á þeim tíma. Rannsóknir sína að náttúruupplifun hvers konar er það sem ferðamenn helst leita að, skipulagning ferða og ekki síst leiðsagnarkunnátta með tilheyrandi staðhátta og söguþekkingu auk getu til að tjá sig á erlendum tungumálum er því meðal brýnna verkefna til að bæta úr. Samfélagið getur stutt við þetta með því að taka þátt í verkefnum sem miða að úrbótum, svo sem gert hefur verið. Ástæða er til að vekja athygli á að enn betur má nýta menntastofnanir sem við eigum aðild að og ráðgjafastofnanir, til stuðningsverkefna við framtakssama aðila á þessu sviði.
Hafíssetrið, Laxasetrið, Textílsetur Íslands og flaggskipið Heimilisiðnaðarsafnið eru mikilvægar stofnanir fyrir ferðaþjónustu. Tilkoma þeirra og rekstrarform er þó með mjög ólíkum hætti en Heimilisiðnaðarsafnið starfar á grunni safnalaga og er sjálfseignarstofnun með bráðum 40 ára sögu sjálfboðaliðastarfs kvennahreyfinga og einstaklinga í héraði. Textílsetrið er samstarfsverkefni sveitarfélaga, félaga og stofnana um eflingu textílmenntar og rannsókna. Hafíssetrið er stofnað og rekið af bænum. Laxasetrið er framtak einstaklinga og rekið af þeim. Til þess að starfsemi þessi eflist og eigi sér sem næst sjálfbæra fjárhagslega framtíð þurfa allir hlutaðeigandi að vinna saman að framtíðarsýn sem þarf að einkennast af samstarfi og samstillingu krafta. Huga þarf að mögulegri sameiningu setra og taka þarf afstöðu til hugmynda um að færa þessar stofnanir á sama svæði út við Kvennaskólann þar sem þær gætu myndað öfluga heild. Eða sameiningu Laxaseturs og Hafísseturs á öðrum stað. Staða textílstofnananna er mjög í deiglunni, hvernig á að efla faglega getu ? Hvernig má betur stilla saman strengi?
Mikil tækifæri eru á þessu sviði en þau munu ekki nýtast nema með mikilli vinnu og miklum vilja allra til þess að þoka málum fram veginn. Þekkingarsetrið vinnur nú náið með þessum söfnum og setrum og á vettvangi þess er kannski lykillinn að frekari samstillingu og samvinnu allra aðila til hagsbóta fyrir stofnanirnar, gesti þeirra og samfélagið allt.
Sem fyrr segir er tilgangur þessara skrifa að hvetja alla til að hugsa um þessi mál því hér verða margir að koma að málum og eyða þarf tíma í samstillingu.
02. apríl 2023 Sjö leiðir til að létta þér þrifin í vor og sumarNú er vorið komið og sumarið framundan og þá er ekki úr vegi að koma með nokkur góð húsræða. ::Lesa |
03. febrúar 2023 Á ferðalagiGuðmundur var að spjalla við Tóta, bróður sinn í Kaliforníu. ::Lesa |