Pistill eftir Guðmund Hauk Jakobsson sem skipar 2 sæti á L-listanum 

Framtíð okkar byggist á að íbúar geti haft vinnu við sitt hæfi. Öll viljum við stefna að því að auka fjölbreytni í atvinnulífi og fjölga störfum sem svo leiðir af sér aukna þjónustu í okkar bæ. Ég hef í gegnum fyrirtæki mitt N1 píparann, ásamt félaga mínum byggt upp þjónustufyrirtæki  og vill nýta góða reynslu mína af þeirri uppbyggingu til að vinna með nýjum aðilum að atvinnuuppbyggingu á Blönduósi. Ã�herslur L-listans eru að auka fjölbreytni og hvetja til sprotastarfsemi sem oft getur leitt af sér öflug fyrirtæki. Okkar möguleikar eru t.d. í ferðaþjónustu, þjónstustörfum og ýmiskonar framleiðslustarfssemi en dæmi um vel heppnaða uppbyggingu slíkra fyrirtækja er Ã�sgel, Léttitækni, Vilkó og SAH afurðir. 

Frumkvæði Ã¾essara fyrirtækja sem hafa vaxið og dafnað á Blönduósi er okkur hvatning. Ferðaþjónustan er vaxandi og sá kraftur sem þar er kom best í ljós þegar haldnar voru vinnustofur á vegum Ferðamálafélags A-Hún í vetur og unnið með góðar hugmyndir að nýjum fyrirtækjum og möguleikum í ferðaþjónstu. Þar sannaðist að krafturinn er mestur í einstaklingnum þegar hann fylgir eftir hugmyndum sínum um ný tækifæri í framboði á þjónustu við ferðamenn. Fyrstu fyrirtækin eftir þessa vinnu eru að líta dagsins ljós og heita Vötnin sem er stangveiðiþjónusta, Una Travel ferðaskrifstofa, útimarkaður og Húnar adventures sem er hugsað sem sérhæfð ferðaþjónusta með jeppaferðir.  Við verðum einnig að hafa langtímamarkmið um uppbyggingu í atvinnumálum með nýtingu á raforku frá Blönduvirkjun en Alþingi Ã�slendinga samþykkti ályktun um uppbyggingu í atvinnumálum í Austur-Húnavatnssýslu á vorþingi sínu. Þessari ályktun munum við fylgja eftir og koma á samstarfi við stjórnvöld og fyrirtæki um markvissa atvinnuuppbyggingu á svæðinu. Ég hvet ykkur, kjósendur góðir til að koma og ræða um atvinnumálin við okkur frambjóðendur L-listans þriðjudaginn 27. Maí á Hótelinu á  Blönduósi. 

Hugmyndir verða aldrei að veruleika nema einhver hafi  trú á þeim. Þetta þekki ég best úr eigin ranni en atvinnumálin hafa alltaf verið mér hugleikin. Ég vona að við eigum samleið á næsta kjörtímabili og hvet ykkur til að kjósa L –listann í kosningum þann 31. maí nk.

Tækifæri okkar felast í að taka þátt og að hafa áhrif á okkar samfélag. Við sem hér búum þekkjum það og ég tel það best þegar við getum sameinast um að halda áfram að efla samfélagið með jákvæðum hætti. Þess vegna gef ég kost á mér til starfa á þessum vettvangi og leita eftir ykkar stuðningi til þess.

Með jákvæðni og bjarstsýni að leiðarljósi

Guðmundur Haukur Jakobsson