Þegar ég sé fyrir mér það sveitarfélag sem ég vil búa í til frambúðar þarf það að vera ákveðnum kostum búið. Mér finnst mjög mikilvægt að kjör barnafólks séu tryggð, kostnaði við dagvistun, fæði og tómstundir sé haldið í lágmarki og að skóli og leikskóli vinni vel saman. 

Atvinnuástand þarf að vera gott, um leið og meiri eftirspurn verður eftir starfsfólki batna launakjör fólks og með góðu atvinnuástandi og hærri launum á svæðinu fáum við unga fólkið okkar frekar til baka eftir að það menntar sig. 

Ég tel að með því að reka bæjarfélagið á sem hagkvæmastan hátt megi fjárfesta í aukinni atvinnuuppbyggingu sem kemur svo til að skila auknum tekjum til Blönduósbæjar. Með auknum tekjum má svo styðja við barnafólk sem og bæta alla almenna þjónustu á vegum bæjarins. Ég vil því leita leiða til þess að auka hagkæmni í öllum rekstri bæjarins án þess þó að skerða þjónustu sem nokkru nemi.