Maí 2024 | ||||||
S | M | Þ | M | F | L | |
28 | 29 | 30 | 1 | 2 | 3 | 4 |
5 | 6 | 7 | 8 | 9 | 10 | 11 |
12 | 13 | 14 | 15 | 16 | 17 | 18 |
19 | 20 | 21 | 22 | 23 | 24 | 25 |
26 | 27 | 28 | 29 | 30 | 31 | 1 |
Fyrri | Núna | Næsti |
Holtavörðuh. | 18:34 | 0 | 0°C |
Laxárdalsh. | 18:34 | 0 | 0°C |
Vatnsskarð | 18:34 | 0 | 0°C |
Þverárfjall | 18:34 | 0 | 0°C |
Kjalarnes | 18:34 | 0 | 0°C |
Hafnarfjall | 18:34 | 0 | 0°C |
13. apríl 2024 Klúðrið er víðaKlúðrið og bullið er víða í samfélaginu okkar og er af mörgu að taka. Ætla ég að nefna aðeins nokkur atriði. Landsbankaklúðrið í kringum kaupin á TM. Alveg er það merkilegt þegar embættis- menn telja sig geta tekið ákvarðanir um hvað sem þeim dettur í hug. ::Lesa |
Ágætu Blönduósingar.
Eitt af stóru viðfangsefnum flestra sveitarfélaga eru menntamál.
Ég leyfi mér að fullyrða að skólamál í sveitarfélaginu séu til fyrirmyndar, enda er Blönduós eina sveitarfélagið í Austur-Húnavatnssýslu þar sem nemendum í grunn-og leikskóla fjölgar milli ára* og tel ég að það sé m.a. vegna þess hvað grunnskólinn og leikskólinn hér á staðnum eru frábærir. Hér er gott að búa með börn.
Við höfum margt til þess að vera stolt af varðandi skólamál í sveitarfélaginu. Grunnskólinn okkar, Blönduskóli er góður skóli með úrvals starfsfólk. Það hefur lengi verið talað um nauðsyn þess að færa allt skólastarf undir eitt þak og nú loksins er komið ákveðið skrið á það mál. Á kjörtímabilinu hefur verið unnin undirbúningsvinna að því að gera þennan draum að veruleika, stefnt er að því að breyta gamla íþróttasalnum í fjölnota sal og mötuneyti fyrir nemendur. Einnig er í forgangi að útbúa smíðastofu en ekki hefur verið unnt að kenna smíðar við skólann í nokkrun tíma. Næstu skref eru svo að koma öllu list- og verknámi undir sama þak í gömlu sundlauginni og búningsklefum. Framkvæmdir eru hafnar við endurbætur og viðhald skólahúsnæðisins og verður skipt um alla glugga á suðurhlið nýja skóla nú í sumar.
Nú í vor var settur upp hjólabrettargarður á skólalóðinni og einnig verða settar upp körfuboltakörfur og er þetta ágæt viðbót við okkar ágætu skólalóð en ennþá vantar leiktæki fyrir yngstu nemendurna.
Leikskólinn okkar var stækkaður árið 2007 og var þá talið að sú stækkun myndi anna farmtíðareftirspurn eftir leikskólaplássi á staðnum. Með stækkuninni var líka ætlunin að bæta vinnuaðstöðu starfsfólks. Raunin hefur verið sú að leikskólabörnum hefur fjölgað langt umfram allar spár og stöndum við nú frammi fyrir því lúxusvandamáli að plássið dugar ekki fyrir öll börnin. Brugðið var á það ráð síðasta haust að koma upp aðstöðu fyrir elsta árgang leikskólans í félagsheimilinu. Hefur þetta verkefni gengið vonum framar og er það ekki síst að þakka starfsfólkinu á leikskólanum. Eftir stendur að nýrri sveitarstjón bíður það verkefni í samráði við leikskólann að finna framtíðarlausn á því hvernig mögulegt er að nýta húsnæði leikskólans svo það henti starfseminni sem best.
Sveitarfélagið rekur Tónlistaskóla A-Hún. í samstarfi við önnur sveitarfélög í sýslunni. Við á L-listanum viljum breyta fyrirkomulagi tónlistarskólans þannig að hann verði færður í húsnæði skólans og að nemendur geti nýtt sér það að sækja tónlistarnám á skólatíma eins og í nágrannasveitarfélögum okkar.
Dreifnámið fór af stað í vetur í samstarfi við FNV. 13-19 nemendur sóttu nám í vetur og hefur verkefnið gengið vel. Nemendur tóku t.d. þátt í starfsemi leikfélagsins í vetur og hefur hópurinn verið skemmtileg viðbót við bæjarflóruna. Ljóst er að það sem helst hefur vantað hér er öflugara félagslíf fyrir nemendur Dreifnámsins. Nauðsynlegt er að vinna að úrbótum í þeim efnum sem fyrst svo raunhæft sé að halda áfram með dreifnám á Blönduósi.
Námsver er rekið í samstarfi við Farskólann en þar geta nemar í fjarnámi nýtt sér aðstöðu til þess að læra og taka þátt í kennslustundum í gegnum fjarfundarbúnað. Tilgangur námsvers er m.a. að styðja við hækkun menntunarstigs í sveitarfélaginu
Þegar á heildina er litið má segja að sveitarfélagið standi vel þegar kemur að skólamálum en alltaf eru einhver verkefni til staðar og mun L-listinn kappkosta að vinna að þeim á kjörtímabilinu í samráði við starfsfólk og stjórnendur á hverjum stað.
Ég hvet þig til þess að setja X við L á kjördag.
*Samkv. tölum frá Hagstofan.is
02. apríl 2023 Sjö leiðir til að létta þér þrifin í vor og sumarNú er vorið komið og sumarið framundan og þá er ekki úr vegi að koma með nokkur góð húsræða. ::Lesa |
03. febrúar 2023 Á ferðalagiGuðmundur var að spjalla við Tóta, bróður sinn í Kaliforníu. ::Lesa |