Harpa Hermannsdóttir heiti ég og sit í 4. sæti á J-listanum, lista umbótasinnaðra Blönduósinga.

Ég ólst upp við þau forréttindi að búa í litlu bæjarfélagi og er mjög þakklát fyrir að ala börn mín upp hér á Blönduósi við svipaðar aðstæður. Einn af frábæru kostum þess að búa í svona litlu sveitarfélagi er samheldnin og náungakærleikurinn, börnin geta leikið úti og farið á milli staða án þess að hafa þurfi áhyggjur af því. Annar kostur þess að búa hér eru góðar menntastofnanir sem eru einar af grunnstoðum hvers samfélags.

Ég hef starfað við skóla s.l. 15 ár og eru fræðslumál mér því hugleikin.

� leikskólanum Barnabæ er unnið faglegt og metnaðarfullt starf, má þar nefna að unnið er markvisst með læsi barna en samkvæmt rannsóknum er fylgni á milli læsisvitundar barna í leikskóla og síðari lestrarfærni þeirra í grunnskóla. Einnig getum við státað okkur af góðri þjónustu við íbúa þar sem tekið er á móti börnum við sex mánaða aldur, fá ef einhver sveitafélög geta það.

� Blönduskóla er einnig unnið metnaðarfullt og faglegt starf þar sem m.a. er lögð áhersla á að koma til móts við þarfir hvers og eins nemanda. Þar er mikið lagt upp úr því að starfið sé í sífelldri þróun og í haust mun áhugavert og spennandi þróunarverkefni sem nefnist orð af orði hefjast en verkefnið hefur þann tilgang að efla læsi og árangur barna í námi.

� nýlegri skýrslu á ytra mati Blönduskóla sem unnið var af Námsmatsstofnun fyrir Mennta- og menningarmálaráðuneytið og Samband íslenskra sveitarfélaga má sjá hve gott starf þar er unnið. Skýrsluna má sjá á heimasíðu Blönduskóla (blondsuskoli.is) undir flipanum skólinn.

Dreifnámi A-hún, námstilboð fyrir framhaldsskólanema, var komið á laggirnar á Blönduósi s.l. haust af sveitafélögunum í Austur Húnavatnssýslu, um er að ræða frábæran valmöguleika sem mikilvægt er að verði áfram í boði svo þeir sem kjósa að vera í heimabyggð hafi kost á því að dvelja lengur heima.

Hvað frekara nám varðar þá er mjög mikilvægt að íbúar sveitafélagsins eigi þess kost að stunda það nám sem þeim hentar hér í heimabyggð. Með því má auka menntunarstig á svæðinu. Ég var þess aðnjótandi að geta stundað nám í heimabyggð er ég var í fjarnámi í leikskólakennarafræðum frá Háskólanum á Akureyri. Við vorum sex konur úr Húnavatnssýslu sem útskrifuðumst sem leikskólakennarar árið 2006, jók þetta menntunarstig og gæði starfsins í leikskólunum á svæðinu til muna.

Við tónlistarskólann er unnið gott starf og stunda margir hæfileikaríkir tónlistarmenn þar nám, mikilvægt er að hlúa að og styðja enn frekar við það góða starf.

Við á J-listanum munum leggja áherslu á að standa vörð um menntastofnanir á svæðinu og styðja við uppbyggingu og þróun þess frábæra starfs sem nú þegar fer þar fram. En lengi má gott bæta . Vegna þess aðhalds í fjármálum sem sveitafélagið hefur staðið fyrir síðustu ár hefur lítið verið hægt að huga að framkvæmdum og uppbyggingu menntastofnana sem er miður. Sem dæmi er mikilvægt að bæta aðstöðu í leikskólanum þar sem ég þekki af eigin reynslu þær þröngu aðstæður sem þar er búið við. Einnig teljum við forgangsmál að koma á fjölbreyttara vali og betri aðstöðu í verkgreinum fyrir nemendur Blönduskóla s.s. smíðakennslu, heimilisfræði o.fl. innan skólalóðar.

Ã� framtíðinni viljum við einnig sjá að tónlistarnám verði stundað á skólatíma barna í Blönduskóla, því væri heppilegast að færa starfsemi tónlistarskólans á skólalóð Blönduskóla.  Þetta er partur af umræðunni sem fram þarf að fara í tengslum við endurskoðun á samþykktum byggðarsamlaganna.

Mikilvægt er að auka fjölbreytni í námsframboði svo sem flestir geti numið í heimabyggð á öllum aldri.

Til að þetta sé hægt verður að endurskoða allan rekstur bæjarins, fókusera á aðalatriði.

Ég hef engra eigin hagsmuna að gæta í þessu framboði nema bættu samfélagi fyrir okkur öll, ég mun gæta hagsmuna bæjarbúa í einu og öllu.