Með grein sinni sem birt var á heimasíðu sveitarfélagsins Skagaströnd, lagði sveitarstjórnarfulltrúi og frambjóðandi í komandi kosningum, fram hugmynd að framboðsfundi. Sú hugmynd kann að virka eins og boð í hanaat á gamaldags máta við fyrstu sýn, en er þó hið ágætasta boð. Boð sem �-listinn Við Öll fær um að koma málefnum sínum á framfæri verður ekki hafnað úr hendi nema að mjög vel athuguðu máli. Sú vinna sem lögð hefur í stefnumótun af hálfu þess sem framboðinu standa verður að koma á framfæri með öðrum persónulegri hætti en bara með orðum á blaði eða í slíku fundarformi.

Við Öll teljum þó að ekki sé því best farið að sækja fram í einhverskonar sameiginlegu fundarformi. Það er ekki andi íbúalýðræðis að búa til hringleikahús fyrir fjöldann, við getum ekki treyst að yfirveguð umræða fari þar fram og því er okkur einn kostur að afþakka boðið.

� Matteusarguðspjalli má finna fyrirsögn greinar þessar. Sú aðferð að nota dæmisögur til að koma málstað sínum á framfæri er vel þekkt í gegnum mannkynssöguna og gildir einu í dag hvort að vitnað er í guðspjöllin, dæmisögur Esóps eða jafnvel þemu úr háðsglósum Nasreddins þá nema menn oftar betur skilaboðin ef þeim er búinn umgjörð sem hefur mögulega skírskotun til skemmtanagildis eða hreyfir við öðrum tilfinningum þess sem les.

Taka má því þetta tilvitnað boð sveitarstjórnarfulltrúa um að mætast og ræða málin á opnum fundi sem tilraun til að bera í bætifláka fyrir fyrri vinnubrögð. Gildishlaðin fyrirsögnin er því með vilja sett fram sem svar við grein þeirri er vitnað er til.

Rétt er að reynsla fleytir manni áleiðis við ný verk en orð eru ódýr þegar kemur að því að meta raunverulegan ávinning af verkunum. Reynslan er bara hluti af menginu sem ræður útkomunni þegar dæmið er reiknað. Því ef reynslan byggir á röngum vinnubrögðum er útkoman aldrei góð. Ef reynslan kemur líka í veg fyrir aðlögun að breyttu umhverfi af því að reynslan á að ráða þá verður útkoman ennþá verri en ella. Væri þá nær að taka upp ný verkfæri og endurskoða vinnubrögðin, því það er óumdeilt að nýir vendir sópa betur.

Þegar hefur �-listinn, Við Öll, sigrað í kosningum árið 2014 og þeim er ekki einu sinni lokið. Þetta kann að virka hrokafull yfirlýsing en reyndin er að hún er sett fram af meiri auðmýkt en hitt. Sigurinn er fólginn í því aðhaldi sem veitt er með frjálsri umræðu um bæjarmál. Sigurinn er fólginn í því að veita bæjarbúum öllum val um næstu 4 ár. Sigurinn er fólginn í því að vekja fólk til umhugsunar um hvað hefur áorkast í fortíðinni og hvernig má búa í haginn fyrir framtíðina.

Því er vert að gæta þess að áður en í gáttirnar er gengið sem kosningar eru vissulega, að skoða vel næstu skref, skyggnast fyrir hornið og stíga gætilega til jarðar eins og 1. erindi Gestaþáttar Hávamála býður.

Spurningin er ekki hvað á ég að kjósa þegar að valinu er komið, heldur hverju get ég treyst.

Get ég treyst því að loforð um aukið íbúalýðræði og virkari þáttöku bæjarbúa haldi þegar reynsla mín sýnir annað af verkum sitjandi sveitarstjórnar?

Get ég treyst því að næsta sveitarstjórn uppfylli öll lagaleg skilyrði sem sett eru um sveitarstjórnir og bæti með því aðgengi mitt að upplýsingum?

Get ég treyst því að óháð öllu verði teknar skynsamlegar ákvarðanir fyrir opnum tjöldum um framtíð bæjarins og hlutleysis gætts í framkvæmdum bæjarins?

Get ég treyst því að börnunum mínum eða barnabörnum verði veitt öll þau tækifæri til þroska og menntunar sem veitast í nútímasamfélagi án þess að þau verði metin sem kostnaðarliðir í ársskýrslum?

Svar �-listans við þessum spurningum er það að þú kemst ekki að því fyrr en að á reynir. En spurningin sem við spyrjum þig að er sú hver ávinningurinn er af því að sópa áfram með þessum kústi?

Kristín Björk Leifsdóttir