�gætu Blönduósingar.

Jæja þá er komið að kosningum enn einu sinni. Ã� þetta sinn eru tvö framboð sem bjóða fram krafta sína og þurfa íbúar að ákveða hver fyrir sig hvor sé betri kostur til að stýra sveitarfélaginu næstu 4 árin. Það er mitt mat að kosningarbaráttan hafi farið drengilega fram þetta árið og vil ég þakka báðum framboðum fyrir það.  Það er ekki neinum til gagns að setja lítið sveitarfélag í hatrammar fylkingar á 4 ára fresti.  Samfélag sem virkilega stendur þétt saman þegar áföll skella á íbúa þess, nýlegt dæmi um samstöðu þegar erfið veikindi hrjá einn íbúa okkar sanna mitt mál.  Höldum því þannig.

Ég hef nú starfað í sveitarstjórn í átta ár, ár sem hafa verið mér athyglisverð og lærdómsrík en nú hyggst ég stíga til hliðar.  Það er mitt mat að vel hafi tekist til við að raða á L-listann og vil ég hér nefna tvo sérstaklega, en það er Zophonias Ari Lárusson sem mér finnst hafa staðið sig með eindæmum vel sem formaður bæjarráðs, og endurkoma Valgarðs Hilmarssonar sem ég tel mjög mikilvæga, sérstaklega í ljósi samstarfs nágrannasveitarfélaganna og þeirri margra ára reynslu sem hann býr yfir. Ég sit mitt traust á þá báða og mæli með að þú gerir það líka.  Ég vona að fólk hafi séð að Vilko hefur verið á ansi góðri siglingu undanfarin ár og þeirri siglingu ætla ég að halda áfram. Við viljum jú öll Vilko :). 

� dag starfa sjö starfsmenn hjá Vilko og þau verkefni sem nú eru á teikniborðinu kalla á aukinn mannskap og stærra húsnæði í framtíðinni, að þessu vil ég vinna og með því leggja mitt að mörkum í atvinnumálum bæjarsins.

Mig langar að nefna eina hetju í þessum pistli mínum sem steig fram í þessum sveitarstjórnarkosningum, hetju sem steig á stokk og sagði margt sem margir hafa hugsað en aldrei þorað að segja upphátt.  Hér á ég við pistil Ólafs Magnússonar frá  Sveinsstöðum.  Ég hef lengi verið þeirrar skoðunar að sameina ætti þessi tvö sveitarfélög og þá sérstaklega skólana. Til að setja þetta í tölulegan samanburð þá er þetta staðan á fjölda barna á grunn- og leikskólaaldri, á Blönduósi og í Húnavatnshreppi, 1 jan 2014 samkvæmt vef Hagstofunnar, www.hagstofa.is.

Ég ætla mér ekki að eyða fleiri orðum í þetta mál en hvet fólk til að ræða þetta með hagsmunum heildarinnar í hug og tek undir orð Óla um von um jákvæða niðurstöðu úr skoðunarkönnun um sameiningu sveitarfélaganna sem fer fram samhliða kosningum í Húnavatnshreppi.

            Farið vel með ykkur og gangi ykkur vel á kosningardaginn.

                                               Kári Kárason