Fimmtudaginn 31. júlí var í Morgunblaðinu lítil forsíðufrétt um að Landsvirkjun hyggist reisa í nánustu framtíð 3 virkjanir á veituleið Blönduvirkjunar. Ég fletti á blaðsíðu 20 þar sem tekin voru viðtöl við forsvarsmann Landsvirkjunar og stöðvarstjóra stöðvarstjóra Blönduvirkjunar og fjallað ítarlega um málið. Ã� umfjölluninni segir ennfremur að takmarkað framboð raforku standi orkufrekri atvinnuuppbyggingu á Sauðárkróki og á Eyjafjarðarsvæðinu fyrir þrifum. Með virkjununum á veituleið Blönduvirkjunar á að bæta úr því. Engin viðtöl voru tekin við forsvarsmenn sveitarfélaganna í Húnaþingi vegna fréttarinnar. Það var og. Ég þurfti að lesa þetta yfir aftur: Með virkjununum í Blöndu á að bæta úr  atvinnuuppbyggingu á Sauðárkróki og Eyjafjarðarsvæðinu.

Ég var barn á Blönduósi þegar umræðan um virkjun Blöndu hófst. Ég man sérstaklega eftir her góðra hugsjónarmanna sem fjölmenntu á palla Alþingis til að berjast fyrir virkjuninni. Og svo var virkjað. Mikil bjartsýni ríkti um að tilkoma virkjunarinnar myndi auka atvinnu í héraði og bæta lífskjör. Því miður er var sú ekki raunin til lengri tíma þótt vissulega hafi verið mikil umsvif á svæðinu á meðan framkvæmdir áttu sér stað og bændur fengu greiddar bætur vegna lands sem fór undir vatn. Varanleg störf vegna virkjunarinnar eru sárafá. Ég segi ekki engin en allt að því.

En þrátt fyrir framangreinda frétt er ekki öll nótt úti. Þann 15. janúar sl. var á Alþingi samþykkt eftirgreind þingsályktunartillaga: „Alþingi ályktar að fela ríkisstjórninni að koma á samstilltu átaki stjórnvalda og sveitarfélaga í Austur-Húnavatnssýslu um eflingu atvinnulífs og sköpun nýrra starfa á Norðurlandi vestra með nýtingu raforku sem framleidd er í Blönduvirkjun. Markmiðið með átakinu er að efla samkeppnishæfni svæðisins og undirbúa það fyrir þá uppbyggingu sem fylgir orkunýtingu Blönduvirkjunar og jafnframt vinna að markaðssetningu svæðisins sem iðnaðarkosts, svo sem fyrir gagnaver.�

Virkjum strax þessa þingsályktunartillögu. Það tók Alþingi tvö löggjafarþing að samþykkja jafn sjálfsagða ályktun og að framan greinir en málið komst fyrst á dagskrá þingsins í desember 2012. � greinargerð með þingsályktuninni segir: ,,Frá því að byggingu Blönduvirkjunar lauk árið 1991 hafa sveitarfélög í Austur-Húnavatnssýslu unnið að því að laða orkufrekan iðnað í héraðið. Orka frá Blönduvirkjun er ekki nýtt á svæðinu en veruleg hagkvæmni er í því fólgin að nýta orkuna sem næst virkjunarstað og komast þannig hjá flutningstapi orku.�

� 23 ár hefur verið unnið að því án árangurs að laða orkufrekan iðnað í héraðið. � því ljósi er tilefni til að spyrja hvernig og sérstaklega hvenær ríkisstjórnin ætlar að koma á því samstillta átaki stjórnvalda og sveitarfélaga í Húnaþingi (sem því miður búa við krónískt samstöðuleysi eins og allir vita) sem nauðsynlegt er svo tillagan verði að veruleika? � allur nýr orkufrekur iðnaður að eiga sér stað á Grundartanga sem er við höfuðborgarsvæðið? Hvað segja alþingismenn Norðvesturkjördæmis um það eða þingmenn yfirleitt? Hvað segir ráðherra byggðamála? Hvað segja heimamenn?Ég vona að sveitarstjórnarmönnum í Húnaþingi beri gæfa til baráttu, ákveðni og samstöðu í svona stóru máli og taki málið föstum tökum þegar í stað. Fyrir fólkið. Hagsmunirnir eru miklir. Núna er tíminn til að snúa vörn í sókn.

Höfundur er Húnvetningur búsettur í Reykjavík