Apríl 2024 | ||||||
S | M | Þ | M | F | L | |
31 | 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | 1 | 2 | 3 | 4 |
Fyrri | Núna | Næsti |
Holtavörðuh. | 19:31 | 0 | 0°C |
Laxárdalsh. | 19:31 | 0 | 0°C |
Vatnsskarð | 19:31 | 0 | 0°C |
Þverárfjall | 19:31 | 0 | 0°C |
Kjalarnes | 19:31 | 0 | 0°C |
Hafnarfjall | 19:31 | 0 | 0°C |
13. apríl 2024 Klúðrið er víðaKlúðrið og bullið er víða í samfélaginu okkar og er af mörgu að taka. Ætla ég að nefna aðeins nokkur atriði. Landsbankaklúðrið í kringum kaupin á TM. Alveg er það merkilegt þegar embættis- menn telja sig geta tekið ákvarðanir um hvað sem þeim dettur í hug. ::Lesa |
Hræddist ekki græðgisgný
glott né yggling brúnar –
þar til lögðust unnir í
efstu sigluhúnar
orti Miðfirðingurinn Sigurður Gíslason eftir annan skáldmæltan Húnvetning, Jón S. Bergmann sem ól aldur sinn suður í Hafnarfirði, út á sjó, við kennslu o.fl.
Kristleifur Þorsteinsson frá Húsafelli, hinn snjalli borgfirski fræðaþulur segir frá Húnvetningum í söguritinu Troðningar og tóftarbrot. Þar nefnir hann niðja Húsafellsbræðra: séra Sigvalda á Húsafelli, séra Illuga á Borg og Bjarna sýslumanns á Þingeyrum. Kristleifi finnst merkilegt hvað Húnvetningar voru fengsælir á niðja þessara þriggja bræðra og tilgreinir fjölda nafnkenndra manna komnum út af þeim og ólust upp í Húnaþingi. Sjá neðar.
Og Illugi á Borg var afi Jóns Árnason sem minnst verður við messu á Hofi 28. ágúst. Hefur messudeginum verið seinkað um viku en afmælisdagur þjóðsagnasafnarans frá Hofi er 17. ágúst.
Húnaflói - Kvæða- og vísnasafn á líka afmæli þessa daga, en ævin sú telur aðeins tvö ár. En hefur heldur vaxið!
Ég hef kysst og ég hef misst
ég hef girnst og tapað
sál mín þyrst í ljóð og list
lyft mér fyrst – en hrapað.
Þessa vísu kvað Björn G. Björnsson smiður og organisti á Hvammstanga og magnað ljóð um kraft viljans – og fátæki viljaleysis:
En viljalaus ertu sem visið strá
er velkist í fjörugrjóti
sem kulið og nóttin hvíslast á
að kaffæra í ölduróti
þinn tilveruréttur tapast þá
í tímans breiða fljóti.
Ólöf frá Hlöðum var móðursystir Björns, þær systurnar ólust upp úti á Vatnsnesi, bernskuheimili þeirra á Sauðadalsá lýsir Ólöf í minningum sínum. Björn yrkir um frænku sína:
Þú fæddist í fátæktar hreysi;
þig fóstraði örbirgð slík
við andþrengsli og umkomuleysi;
þó ertu samt gjöful og rík.
Þú drakkst af dýrum veigum
þann draum í vöggugjöf
að æðri köllun vér eigum
en eilífa moldargröf.
Ljúkum Stökuspjalli með upphafsvísunni um Jón Sigfússon Bergmann:
Liðin Bergmanns ævi er
enduð hetjusaga
manns sem átti andbyr hér
alla sína daga.
Meðal niðja Húsafellsbræðra eru:
Læknarnir: Guðmundur Magnússon prófessor,
Guðmundur Björnsson landlæknir
Sæmundur Bjarnhéðinsson læknir
Ólafur Sigvaldason héraðslæknir í Strandasýslu.
Sr. Bjarni Sigvaldason Lundi og Stað í Steingrímsfirði
Arnljótur Ólafsson prestur á Bægisá og Sauðanesi
Jón Árnason landsbókavörður
Jón Þorláksson ráðherra
Sigurður Nordal prófessor og
Jón Eyþórsson veðurfræðingur
Ritari getur ekki setið á sér að bæta við upptalningu Kristleifs nöfnum þeirra Sigrúnar Haraldsdóttur frá Litladal og Jóa í Stapa, skáldmæltra beggja.
Sig. Gíslason um Jón S. Bergmann; http://bragi.info/hunafloi/ljod.php?ID=5108
Björn G. Björnsson: http://bragi.info/hunafloi/hofundur.php?ID=17475
Bernskuheimili mitt: http://timarit.is/view_page_init.jsp?gegnirId=000561632
Snæbirningar, komnir út af Sigvalda Halldórssyni: http://stikill.123.is/blog/2015/11/24/740226/
Eldra stökuspjall
Að læra af þeim sem lífsins tónum náðu: http://www.huni.is/index.php?pid=58&cid=12975
Undir penna sestur: http://www.huni.is/index.php?pid=32&cid=12944
Vatn í læk og á http://www.huni.is/index.php?cid=12820
Öxlin gnæfir yfir Þingið: http://www.huni.is/index.php?cid=12707
Ingi Heiðmar Jónsson
02. apríl 2023 Sjö leiðir til að létta þér þrifin í vor og sumarNú er vorið komið og sumarið framundan og þá er ekki úr vegi að koma með nokkur góð húsræða. ::Lesa |
03. febrúar 2023 Á ferðalagiGuðmundur var að spjalla við Tóta, bróður sinn í Kaliforníu. ::Lesa |