Húrra fyrir starfsfólki Heilbrigðisstofnunarinnar á Blönduósi, fyrir frábært framtak í tilefni 60 ára afmælis sjúkrahússins. Fjölmennt var á fjáröflunarbingói sl. sunnudag. Glæsilegir vinningar og ljúffengt vöfflukaffi á eftir. Markmiðið var að safna fyrir nýju sjúkrarúmi og það tókst. Gömlu rúmin eru varla boðleg lengur enda var eitt þeirra boðið upp á staðnum.

�sdís Arinbjörnsdóttir, yfirhjúkrunarfræðingur á heilsugæslu, lét vita af því að ónefndur aðili hefði gefið eitt rúm og svo var það ákveðið á síðasta stjórnarfundi Hollvinasamtaka HSB að gefa rúm.

Húnvetningar, tökum nú höndum saman og stöndum vörð um þessa stofnun okkar. Ekki veit ég hvar við værum stödd án hennar.

Sigurlaug Þóra Hermannsdóttir

Formaður Hollvinasamtaka Heilbrigðisstofnunarinnar á Blönduósi