Gólfklúbburinn Ós á Blönduósi og Golfklúbbur Skagastrandar héldu í sameiningu Texas Scramble golfmót í blíðskaparveðri á golfvöllum félaganna í gær en það er orðinn árlegur viðburður. Keppendur, sem voru 32 talsins, hófu leik á Vatnahverfisvelli og enduðu síðan á Háagerðisvelli við Skagaströnd. Góður rómur var gerður að mótinu í gær og allir sammála um að þetta sé skemmtilegasta mót sumarsins.