Samkvæmt tilkynningu frá aðgerðastjórn almannavarna á Norðurlandi vestra í gær eru nú tveir einstaklingar í einangrun á Norðurlandi vestra vegna kórónuveirusmits. Báðir voru í sóttkví þegar þeir greindust og hvorugt tilfellið er tilkomið vegna smits í umdæminu. Jafnframt eru tveir einstaklingar í sóttkví. „Höldum vöku okkar áfram, sinnum okkar persónulegu smitvörnum og stefnum að því að halda lágstemmda hátíðir sem framundan eru,“ segir í tilkynningunni.