Stefán Vagn Stefánsson hlaut flest atkvæði, eða 580, í fyrsta sæti á lista Framsóknarflokksins í Norðvesturkjördæmi fyrir komandi alþingiskosningar. Póstkosningu lauk í kvöld og var kosningaþátttaka 58% en á kjörskrá voru 1995. Lilja Rannveig Sigurgeirsdóttir hlaut 439 atkvæði í fyrsta og annað sæti. Halla Signý Kristjánsdóttir hlaut 418 atkvæði í fyrsta til þriðja sæti, Friðrik Már Sigurðsson hlaut 526 atkvæði í fyrsta til fjórða sæti og Iða Marsibil Jónsdóttir hlaut 563 atkvæði í fyrsta til fimmta sæti.

Tíu aðilar gáfu kost á sér í póstkosningunni. Kosið var um fimm efstu sæti listans fyrir komandi alþingiskosningar.

Aðrir í fram­boði voru: 

Guðveig Eygló­ar­dótt­ir, sveit­ar­stjórn­ar­maður í Borg­ar­byggð.
Gunn­ar Tryggvi Hall­dórs­son, sveit­ar­stjórn­ar­maður á Blönduósi.
Gunn­ar Ásgríms­son, há­skóla­nemi á Sauðár­króki.
Ragn­heiður Ingi­mund­ar­dótt­ir, versl­un­ar­maður í Stranda­byggð.
Tryggvi Gunn­ars­son, skips­stjóri frá Flat­ey.