Í tillögu samstarfsnefndar um sameiningu sveitarfélaga í Austur-Húnavatnssýslu er lagt til að fulltrúar í sveitarstjórn verði níu talsins. Gert er ráð fyrir að aðalstarfsstöð stjórnsýslu- og fjármálasviðs, þróunarsviðs og hafnarmála í sameinuðu sveitarfélagi verði á Skagaströnd en að velferðarsvið og framkvæmdasvið verði á Blönduósi ásamt skipulags- og byggingafulltrúa og slökkviliðsstjóra. Sveitarstjóri og annað lykilstarfsfólk mun hafa starfsstöð á báðum stöðum.

Í tillögunni segir að stefna sé að einföldu og skilvirku skipuriti fyrir sameinað sveitarfélag þar sem stafræn stjórnsýsla og upplýsingatækni verði nýtt til að auka aðgengi íbúa að stjórnsýslunni. Áhersla er lögð á að nefndir sveitarfélagsins verði virkar og áhrif íbúa á nærumhverfið og staðbundna hagsmuni verði tryggð.

Þá er lagt til að gerði verði tilraun með ákvæði í samþykktum sveitarfélagsins að um sveitarstjórn verði óheimilt að taka ákvörðun um verulegar breytingar á grunnþjónustu án samráðs við íbúa á viðkomandi stað, s.s. um lokun skóla.

Í tillögunni segir að með sameinuðu sveitarfélagi sé hægt að ná fram betri yfirsýn, ákvarðanatöku og aukinni skilvikni með fækkun samstarfsverkefna. Þannig gefist líka tækifæri til aukinnar hagsmunagæslu með stefnumótun og áætlanagerð vegna nýrra atvinnutækifæra, opinberra framkvæmda og samningagerðar í krafti stærðar sameinaðs sveitarfélags.

Kynningarbækling samstarfsnefndari um sameiningartillögu má sjá hér.