Samstarfsyfirlýsing um samvinnu gegn ofbeldi og öðrum brotum, og um bættrar þjónustu fyrir jaðarsetta hópa, undir heitinu Öruggara Norðurland vestra, hefur verið undirrituð af Lögreglustjóranum á Norðurlandi vestra, Sýslumanninum á Norðurlandi vestra, sveitarfélögunum Húnaþingi vestra, Húnabyggð, Skagabyggð Skagaströnd og Skagafirði, Húnavatns- og Skagafjarðarprófastdæmi, Heilbrigðisstofnunum Norðurlands og Vesturlands, Fjölbrautaskóla Norðurlands vestra og ungmennasamböndunum USAH, USVH og UMSS. Þetta kemur fram í tilkynningu frá lögreglunni á Norðurlandi vestra.

Með samstarfsyfirlýsingunni hafa ofangreindir aðilar ákveðið að vinna saman gegn ofbeldi og öðrum brotum og að stuðla að bættri þjónustu fyrir jaðarsetta hópa. Nýverið fór fram í Félagsheimilinu á Blönduósi samráðsfundur undir heitinu Öruggara Norðurland vestra og tóku tæplega 1% íbúa á svæðinu þátt. Þátttakendur fengu kynningu á verkefnum einstakra samstarfsaðila og lögðu línur um áherslur verkefnisins næstu mánuðina en þær snúa að farsæld barna og ungmenna, ofbeldi í nánum samböndum og einstaklingum í viðkvæmri stöðu. Þá var skipað framkvæmdateymi um verkefnið í heild sinni ásamt því að tilnefndir voru verkefnastjórar áhersluverkefna.

„Vinnustofan er hluti af afbrotavarnaáætlun embættisins en afbrotavarnir eru einn þáttur löggæslu. Afbrotavarnir þurfa að vera skipulagðar, markvissar og byggja á vísindum og gögnum. Þá þurfa afbrotavarnir einnig að vera aðgengilegar og unnar í samstarfi við hagsmunaaðila,“ að því er segir í tilkynningunni.

Sjá má samstarfsyfirlýsinguna hér.