Breski auðmaðurinn Sir Richard Georg hefur keypt íslenska hesta fyrir í kringum 100 milljónir kr. Þeir eru staðsettir á bænum Lækjarmóti II í Víðidal í Húnaþingi. Eins og kunnugt er af fréttum hefur Sir Richard ákveðið að leggja til um hálfan milljarð króna í uppbygginu á hesthúsi og reiðhöll við bæinn.

Jónas Skaftason, vert á Ljóninu, vill koma því á framfæri að hann hefði varpað fram hugmund um fuglaskoðunarhús við bæjaryfirvöld á Einarsnesi og fengið svæðið á leigu til þess m.a.

Ársreikningur sveitarsjóðs og stofnana Sveitarfélagsins Skagastrandar árið 2012 var til umræðu á fundi sveitarstjórnar í vikunni. Í ársreikningi kemur fram að rekstrarniðurstaða samstæðunnar var neikvæð um 134,7 m.kr. en árið 2011 var hún jákvæð um 17,6 m.kr. Ástæðan taprekstrar nú er framlag til hitaveituframkvæmda sem gjaldfært er í ársreikningnum. Án þess hefði rekstrarniðurstaðan verið jákvæð um 45,3 m.kr.

Sumarið er komið á Hvammstanga og Verslunarminjasafn Bardúsa hefur opnað. Nýjar vörur handverksfólks streyma inn í Bardúsa og er opið alla daga. Opnunartími Verslunarminjasafn Bardúsa í sumar er eftirfarandi:

Skólaslit og afhending prófskírteina fyrir skólaárið 2012-2013 fara fram í Blönduóskirkju laugardaginn 18. maí n.k. kl. 15:00. Fram koma nemendur sem hafa lokið stigsprófum og nemendur 10. bekkja sem kveðja skólann. Allir velkomnir.

Samningur um lagningu og rekstur ljósleiðara á Skagaströnd var nýlega undirritaður milli Mílu ehf. og Sveitarfélagsins Skagastrandar. Tímamót eru framundan í fjarskiptamálum á Skagaströnd þegar öll hús í bænum verða kominn meðljósleiðaratenginu. Frá þessu er sagt í Morgunblaðinu í dag.

Þekkingarsetrið á Blönduósi hefur farið af stað með þarfagreiningu náms á Norðurlandi vestra. Þarfagreiningin á að varpa ljósi á námsþarfir og námsóskir íbúa á Norðurlandi vestra og þannig vera leiðarvísir fyrir uppbyggingu fjar- og staðnáms á komandi árum.

Slysavarnafélagið Landsbjörg, í samvinnu við Alcoa Fjarðarál, Dynjanda ehf, EFLA verkfræðistofu, Eflingu stéttafélag, HB Granda, Isavia, Landsvirkjun, Neyðarlínuna, Tryggingamiðstöðina, Umferðarstofu og Þekkingu, gefa þessa dagana öllum skólum á landinu endurskinsvesti til að nota í vettvangsferðum barna í 1. bekk.

Ársreikningur sveitarsjóðs Húnaþings vestra og fyrirtækja fyrir árið 2012 var samþykktur á fundi sveitarstjórnar í gær. Í ársreikningnum kemur m.a. fram að afgangur frá rekstri samstæðu A- og B-hluta sé samtals 51,2 millj. kr. samanborið við neikvæða afkomu ársins 2011 að fjárhæð kr. 69,7 millj. kr.

Í síðustu viku fóru nemendur í náttúrufræðivali Blönduskóla ásamt kennara í vettvangsferð í Vatnahverfi. Tilgangur ferðarinnar var að veiða hornsíli til að setja í fiskabúr í skólanum en ferðin breyttist fljótt úr veiðiferð í björgunarleiðangur er nemendur sáu tvo fugla berjast um í vatnsborðinu.

Hreppsnefnd Húnavatnshrepps hefur samþykkt að taka tilboði frá iCell, sem er rekstraraðili Emax, í nýtt internetsamband fyrir hreppinn. Áætlaður kostnaðarhluti Húnavatnshrepps er tæplega 4,3 milljónir króna samkvæmt tilboðinu. Gert er ráð fyrir að nýja kerfið verði sett upp í sumar.

Haldið verður Pub Quiz kvöld á Pottinum næstkomandi föstudagskvöld, 17. maí og hefst það klukkan 20:30. Spyrill kvöldsins verður Höskuldur B. Erlingsson og lofar hann skemmtilegum og krefjandi spurningum. Nú er um að gera að safna liðum en tveir eru saman í liði í svona keppni.

Vilko ehf. á Blönduósi leitar að frjóu og hugmyndaríku fólki til að taka þátt í vöruhönnun fyrir nýja vörulínu sem áætlað er að setja á markað í vetur. Í auglýsingu í nýjasta tölublaði Gluggans auglýsir Vilko eftir slíku fólki og biður það að hafa samband við fyrirtækið.

Menningar- og fegrunarnefnd Blönduósbæjar hefur borist erindi frá Markvert ehf. þar sem fram kemur að fyrirtækið segir sig frá því að vera umsjónaraðili að Húnavökunni í ár. Nefndin þarf því að leita að nýjum aðila til að taka að sér umsjón Húnavökunnar.