Í fyrsta lagi þá er mér ekki kunnugt um að um það hafi staðið sérstakur ágreiningur við okkur um eignarhald á fiskimiðunum eða fiskistofnunum. Kvótinn er fiskveiðiréttur með þeim réttindum og takmörkunum sem lagasetningin hefur markað.

Skagstrendingurinn Ragnar S. Rögnvaldsson hefur ákveðið að bjóða sig fram til formennsku í Sambandi ungra framsóknarmanna. Ragnar, sem er 27 ára, hefur verið formaður Félags ungra framsóknarmanna í Skagafirði síðastliðin tvö ár.

Skákdagur Íslands var haldinn í fyrsta skipti í gær, 26. janúar, en hann var tileinkaður Friðriki Ólafssyni fyrsta stórmeistara Íslendinga. Friðrik sem varð í gær 77 ára var um þónokkurn tíma meðal bestu skákmanna heims. Af þessu tilefni var boðið upp á skákmót fyrir nemendur í 5. – 7. bekk í Blönduskóla.

Ríkiskaup, fyrir hönd sveitarfélagsins Húnaþings vestra, opnaði í dag tilboð í sorphirðu og rekstur gámastöðvar í Húnaþingi vestra. Lesin voru upp nöfn bjóðenda, heildartilboðsfjárhæð og hvort um frávikstilboð væri að ræða. Engar athugasemdir voru gerðar við framkvæmd útboðsins.

Kynningarfundi á Vaxtarsamningi Norðurlands vestra, sem fyrirhugað var að halda í dag klukkan 18:00 að Gauksmýri, er frestað vegna veðurs, færðar og veðurútlits. Áætlað er að halda fundinn að Gauksmýri, þriðjudaginn 31. janúar næstkomandi klukkan 12:00.

Björgunarsveitin Húnar fengu ósk frá Neyðarlínunni í gærkvöldi um að aðstoða vegfarendur sem misst höfðu bíl sinn út af veginu á Hrútafjarðarhálsi. Farið var með fólkið inn á Hvammstanga en skilja þurfti bílinn eftir þar sem hann var bilaður. Á heimleiðinni kom önnur beiðni um aðstoð.

Tveir bílar keyrðu út af í nágrenni við Blönduós í dag. Í öðru tilfellinu var um að ræða bílveltu en ökumaður þess bíls var fluttur með sjúkrabíl til Reykjavíkur. Að sögn lögreglunnar á Blönduósi er ökumaðurinn ekki mikið slasaður en talið var að hann væri með áverka á baki og því var hann fluttur suður með sjúkrabíl.

Svæðamót Norðurlands vestra í sveitakeppni í bridge var háð um síðastliðna helgi en keppt var um réttinn til að spila í undanúrslitum Íslandsmótsins í sveitakeppni. Norðurland vestra á rétt til að senda þrjár sveitir til þátttöku. Sveit Sparisjóðs Siglufjarðar sigraði mótið með yfirburðum.

Vaxtarsamningur Norðurlands vestra óskar eftir umsóknum um styrki. Umsóknarfrestur er til klukkan 17:00, föstudaginn 17. febrúar 2012. Verkefnin sem styrkt verða þurfa að fela í sér eflingu starfsemi viðkomandi aðila og vera til þess fallin að fjölga störfum á Norðurlandi vestra og/eða auka þekkingu innan svæðisins. Styrkupphæð getur að hámarki numið kr. 6.000.000.

Kynningarfundir um Vaxtasamning Norðurlands vestra 2011 til 2013 verða haldnir á næstu dögum á Norðurlandi vestra. Á fundunum verður nýr vaxtarsamningur kynntur og farið yfir umsóknargerð og matsgögn. Þeir sem hyggjast standa fyrir verkefnum á næstu misserum, sem fallið gætu að áherslum vaxtarsamningsins, eru eindregið hvattir til að mæta.

Byggðarráði Húnaþings vestra hafa borist kvartanir frá íbúum í Húnaþingi vestra yfir stuttum opnunartíma lyfjaverslunarinnar Lyfju á Hvammstanga. Afgreiðslutími verslunarinnar er frá klukkan 13 til 17 alla virka daga.

Pókerklúbburinn Ós efnir til stelpukvölds á morgun, miðvikudaginn 25. janúar klukkan 20 í Sjálfstæðishúsinu á Blönduósi. Þar munu stelpur/konur fá kynningu og kennslu í póker og pókermót verður haldið fyrir lengra komnar. Í tilkynningu frá pókerklúbbnum segir að kennslan og kynningin sé í boði hússins.

Við afgreiðslu fjárhagsáætlunar Skagastrandar vegna ársins 2012 tók sveitarstjórn ákvörðun um almennan stuðning við tómstundastarf og nám. Samþykkt var að bjóða upp á frístundarkort og að veita styrki til nemanda á framhalds- og háskólastigi.

RARIK fyrirhugar að halda kynningarfund í Fellsborg, miðvikudaginn 1. febrúar næstkomandi, fyrir íbúa Skagastrandar um fyrirhugaða hitaveitu. Á fundinum verður einkum fjallað um þann þátt framkvæmda er snýr að íbúum í þéttbýlinu á Skagaströnd.