Það var mikið um að vera í Blönduskóla í síðustu viku en þar voru opnir dagar alla vikuna.

Nemendur á yngsta stigi fengu kynningu á stafi Björgunarfélagsins Blöndu en nemendur fengu meðal annars ferð með snjóbíl félagsins, skoðuðu aðstöðu þess og fengu kynningu á nauðsynlegum búnaði björgunarfélagsmanns. Nemendur tóku þátt í fjölbreyttum tilraunum hjá brjálaða vísindamanninum Erlu. � jóga og púslsmiðju snerist allt um slökun og notalegheit í afslöppuðu umhverfi sem gott var að geta leitað í þegar uppábrotið er mikið. � leiklistarsmiðju kynntu nemendur sér stutt ævintýri og leikgerðu svo. � Disneysmiðju skoðuðu nemendur Disneybækur, innihald og uppbyggingu þeirra. Þeir sömdu svo sögu í sameiningu og myndskreyttu. Urðu þetta að hinum fallegustu myndabókum.

Skemmtilegur endir á vikunni var að bjóða foreldrum/forráðamönnum að sjá afrakstur nemenda og var boðið upp á flottar veitingar.

Krakkarnir á miðstigi bökuðu, þæfðu, sungu, dönsuðu, tóku viðtöl, sögðu fréttir, lásu og fóru í jóga alla vikuna. Þeir fengu heimsókn frá Óla Ben. íþróttakennara og félaga í Björgunarfélaginu Blöndu og slökkviliðinu. Hann fræddi krakkana bæði um Björgunarfélagið og Brunavarnir A-Hún og slökkviliðið. Páll, ritstjóri Feykis, kom líka í heimsókn með fræðslu um Feyki.

� föstudeginum voru ekki lengur sömu verkefni og hina daga vikunnar, heldur var farið í íþróttahúsið og dansar æfðir fyrir árshátíðina. Svo var líka farið í vettvangsferð í Björgunarfélagið og á slökkvistöðina. � lok dags var sýning fyrir foreldra og ættingja þar sem þeir fengu að sjá hvað krakkarnir eru búnir að gera í þessari viku og auðvitað var boðið upp á ljúffengar heimabakaðar súkkulaðibitakökur.

Vika nemenda á unglingastigi snerist að miklu leyti um undirbúning fyrir árshátíð þeirra sem fram fór á föstudagskvöld. Þeir litu þó upp frá þeim æfingum og dönsuðu, unnu fjölbreytt verkefni í tengslum við rafmagn, um himingeiminn, um risaeðlur og tengsl tónlistar og samfélagsfræði. Þá gáfu nokkrir nemendur aflögðum hlutum framhaldslíf með því að endurnýta þá og bjuggu til pennaveski, púða og alls kyns buddur.

� föstudagskvöld var svo hin árlega árshátíð Blönduskóla. Þar var sýnt leikritið Af unglingum og fleira fólki í leikstjórn Jófríðar Jónsdóttur. Að venju var glæsilegt kökuhlaðborð og hin heimsfræga Blönduvision söngvarakeppni. �tta nemendur spreyttu sig á sex lögum og var það Kristjana Diljá, nemandi í 10. bekk sem sigraði. Að lokum var svo dansað fram á nótt.

Þessi vika var mjög skemmtileg, verkefnin fjölbreytt og lærdómsrík og gaman að sjá hversu vel sýningar nemenda voru sóttar. Ã�rshátíðin stendur alltaf fyrir sínu og er hluti af föstum hefðum í samfélaginu sem íbúar eru duglegir að sækja.