Jólabókakvöld Gleðibankans á Skagaströnd var haldið í Bjarmanesi á dögunum. Mæting var góð og stemningin notaleg. Heimamenn lásu úr nýútkomnum bókum s.s. Sagnaseiði, Kaupthinking, Geðveikt með köflum og Rassafari á steini og fleirum. Ingeborg Knøsen sá um tónlistarflutning á kvöldinu. Gleðibankinn fagnar 10 ára afmæli nú í desember en hann var stofnaður af tæplega 70 manns í Bjarmanesi á Skagaströnd árið 2008.

Gleðibankinn á sína eigin stofnskrá og ein merkasta greinin í henni er sú að bankinn getur aldrei farið á hausinn. Stofnfé hans er um það bil 70 þúsund bros þar sem hver hluthafi á hlutabréf upp á 1.000 bros. Á stofnfundinum í desember 2008 reyndist engum erfitt að standa í skilum með greiðsluna.