Bændablaðið hefur tekið saman og birt yfirlit um fjárréttir á landinu í haust, þar á meðal í Húnavatnssýslum. Listinn er eins og fyrri ár unninn með þeim hætti að leitað var til sveitarfélaga, ráðunauta og bænda um upplýsingar. Sökum sóttvarnaráðstafana vegna Covid-19 og fjöldatakmarkana verður gestum ekki heimilt að koma í réttir eins og verið hefur. Þá er mælst til þess að ekki verði haft áfengi um hönd.

Fram kemur á vef Bændablaðsins að villur geta slæðst inn í listann og eins getur veðrátta orðið til þess að breyta þarf tímasetningum á smalamennsku og þar með réttarhaldi.

Helstu fjárréttir má nefna Hamarsrétt, Miðfjarðarrétt, Auðkúlurétt, Undirfellsrétt, Stafnsrétt og Skrapatungurétt. Stærsti réttardagurinn á þessu hausti er laugardagurinn 5. september.

Fjárréttir í Húnavatnssýslum haustið 2020 í stafrófsröð.

Auðkúlurétt A.-Hún. laugardaginn 5. sept. kl. 8.00, seinni réttir mán. 28. sept. kl. 13.00
Beinakeldurétt, A.-Hún. sunnudaginn 30. ágúst kl. 9.00
Fossárrétt í A.-Hún. laugardaginn 12. sept.
Hamarsrétt á Vatnsnesi, V.-Hún. laugardaginn 12. sept. kl. 13.00
Hlíðarrétt/Bólstaðarhlíðarrétt, A.-Hún. laugardaginn 5. sept.
Hrútatungurétt í Hrútafirði, V.-Hún. laugardaginn 5. sept.
Hvalsárrétt í Hrútafirði, Strand. laugardaginn 19. sept. kl. 15.00
Hvammsrétt í Langadal, A.-Hún. laugardaginn 29. ágúst
Kjalarlandsrétt, A.-Hún. laugardaginn 12. sept.
Miðfjarðarrétt í Miðfirði, V.-Hún. laugardaginn 5. sept. um kl. 13.00
Rugludalsrétt í Blöndudal, A.-Hún. laugardaginn 29. ágúst kl. 16.00
Skrapatungurétt, A.-Hún. sunnudaginn 6. sept. kl. 9.00 og sun. 13. sept. kl. 11.00
Stafnsrétt í Svartárdal, A.-Hún. laugardaginn 12. sept. kl. 8.30
Sveinsstaðarétt, A.-Hún. sunnudaginn 6. sept. kl. 10.00
Undirfellsrétt í Vatnsdal, A.-Hún. föstudaginn 4. sept. kl. 13.00 og lau. 5. sept. kl. 8.00
Valdarásrétt í Fitjárdal, V.-Hún.  föstudaginn 4. sept. kl. 9.00
Víðidalstungurétt í Víðidal, V.-Hún. laugardaginn 5. sept. kl. 10.00
Þverárrétt í Vesturhópi, V.-Hún. laugardaginn 12. sept. kl. 13.00