Fyrri mynd
Nćsta mynd
...
Ok
Velkomin á vef Húnahornsins. Við notum vefkökur (e. cookies) til þess að bæta upplifun þína og greina umferð um síðuna.
Með því að nota vefsíðuna samþykkir þú notkun á vefkökum og skilmála okkar.
Húnahornið
Open Menu Close Menu
Húnahornið
Fimmtudagur, 1. desember 2022
   m/s
C
Ókeypt
huni.is - RSS-efnisveita
 
Desember 2022
SMÞMFL
27282930123
45678910
11121314151617
18192021222324
25262728293031
FyrriNúnaNæsti
Veðurstofa Íslands Vegagerðin
Holtavörðuh. 14:00 S 13 0°C
Laxárdalsh. 14:00 SSA 11 3°C
Vatnsskarð 14:00 SSA 6 1°C
Þverárfjall 14:00 S 8 2°C
Kjalarnes 14:00 SA 8 5°C
Hafnarfjall 14:00 SSA 12 5°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
30. október 2022
Stutt hugleiðing um íslenskuna
Sumum finnst ókurteisi að einhver tali íslensku og jafnvel móðgast fyrir hönd þeirra sem ekki tala hana.
::Lesa

SSNV

Leita í netfangaskrá
 
Eftir Sigurbjörn Þorkelsson
28. nóvember 2022
Eftir Högna Elfar Gylfason
24. nóvember 2022
Eftir Inga Heiðmar Jónsson
22. nóvember 2022
Eftir Gný Guðmundsson
21. nóvember 2022
37. þáttur. Eftir Jón Torfason
20. nóvember 2022
Eftir Harald Benediktsson
17. nóvember 2022
Fréttir | 17. febrúar 2022 - kl. 10:15
Telur líklegt að af sameiningu verði hjá Húnavatnshrepp og Blönduósbæ

Jón Gíslason, oddviti Húnavatnshrepps og formaður samstarfsnefndar um sameiningu hreppsins við Blönduósbæ, segir í viðtali við Feyki að líklega verði af sameiningu sveitarfélaganna og að nýtt sveitarfélag muni hafa meiri burði til framkvæmda á næstu árum og efla þjónustu við íbúa. Hann stýrði einnig fyrri samstarfsnefnd, þegar kosið var milli fjögurra sveitarfélaga í Austur-Húnavatnssýslu síðastliðið sumar.

Jón segir sameiningarviðræður Húnavatnshrepps og Blönduósbæjar efnislega mjög líkar þeim fyrri þar sem notuð var sama grunnvinna og unnið út frá henni. „Einnig voru sömu ráðgjafar þ.e. RR ráðgjöf þannig að þetta var svona eins og taka tvö af uppfærðri bíómynd. Að mínu mati var þetta ef til vill dálítið heimilislegra allt saman,“ segir Jón í viðtalinu.

Spurður að því hvaða helstu atriði hann telji að fólk eigi eftir að fagna ef til sameiningar komi segir Jón að það verði að tekist hafi að sameina í eina heild fólkið sem býr á svæðinu, í þéttbýli og dreifbýli, sem geti í raun ekki án hvers annars verið og myndi þar með sterkara afl til að vinna að hagsmunum svæðisins út á við.

Samstarfsnefndin samstíga
Jón segir nefndarmenn ekki hafa þurft að takast hart á um málefnin því samstarfsnefndin hafi frá upphafi verið mjög samstíga í því að vinna sig að niðurstöðu í þeim málaflokkum sem þessi vinna snérist um. „Það sem mest skoðanaskipti urðu um, og lengstan tíma tók að samræma sjónarmið um, var hvernig standa ætti að útfærslu í starfsmannamálum við sameiningu sveitarfélaganna.“

Hann segir að helstu málin sem allir voru sammála um hafi snúist um það að nýtt sveitarfélag hefði burði til að skapa því samfélagi nýja möguleika til eflingar og framþróunar. Einnig eru brýnustu hagsmunamálin, sem þurfi að vinna að, stórátak í samgöngumálum og atvinnumálum svæðisins.

„Þeir sem helst setja fyrir sig sameiningu hafa eflaust áhyggjur af mismunandi fjárhagsstöðu sveitarfélaganna og niðurlagningu skóla á Húnavöllum ásamt einhvers konar hrepparíg sem fyrirfinnst hér eins og alls staðar milli sveitarfélaga á Íslandi,“ segir Jón í viðtalinu aðspurður um hvaða málefni hann telji að kjósendur setji fyrir sig í kosningunum. En hvaða málefni ætli það séu sem íbúar eigi eftir að sakna ef til sameiningar kemur?

„Ég reikna með að í Húnavatnshreppi eigi íbúar eftir að sakna þess að vera hreint dreifbýlissveitarfélag sem hefur ýmsa kosti og er að mörgu leyti einfaldara hvað varðar stjórnskipulag og að sama skapi að vera að stærstum hluta þéttbýlissveitarfélag hvað Blönduósbæ varðar.“ Jón er þó þeirrar skoðunar að fleiri muni samþykkja sameiningu svo framarlega að kosningaþátttaka verði góð. „Sameining mun gera það að verkum að nýtt sveitarfélag hefur meiri burði til framkvæmda á næstu árum og öflugri þjónustu við íbúana en sveitarfélögin sitt í hvoru lagi,“ segir Jón í viðtali við Feyki.

Sjá nánar á Feyki.is.

 

Höf. ass
 
Prenta Prenta  
 
Til baka
 

©2022 Húnahornið