Lögreglan á Norðurlandi vestra auglýsir eftir fólki til að taka þátt í hópslysaæfingu og leika fórnarlamb eða jafnvel óttasleginn ættingja, eins og segir á facebooksíðu hennar. Þar kemur fram að nýverið hafi verið haldin kynning fyrir unglinga í Húnaskóla um hlutverk og mögulega aðkomu að æfingunni. Æfingin verður haldin 11. maí næstkomandi og hægt er að senda tölvupóst á netfangið nordurland.vestra@logreglan.is og tilkynna þátttöku.

„Þátttaka í slíkri æfingu er gríðarlega lærdómsrík, hún eykur skilning á starfi viðbragðsaðila ásamt því að þjálfa innsæi hvers þátttakenda, líka þeirra sem leika slasaða einstaklinga og/eða ættingja,“ segir á facebooksíðu lögreglunnar.