Við leitum að frístundaleiðbeinanda til starfa í Skólabúðum UMFÍ. Viðkomandi þarf að geta hafið störf sem fyrst eða eftir samkomulagi. Frístundaleiðbeinandi vinnur með ungmennum á námskeiðum, hefur umsjón með dagskrá og á í samskiptum við þá sem fylgja nemendahópum í Skólabúðir.

Í Skólabúðir UMFÍ á Reykjum í Hrútafirði koma nemendur í 7. bekk úr skólum af öllu landinu og taka þátt í skipulögðu starfi. Við gerum kröfu um að viðkomandi hafi reynslu af því að starfa með ungmennum, sé reyklaus og góð fyrirmynd og hafi hreint sakavottorð í samræmi við íþrótta- og æskulýðslög.

Hæfniskröfur

• Háskólamenntun sem nýtist í starfi eru skilyrði (á sviði kennslu, íþrótta eða tómstunda)
• Reynsla af sambærilegu starfi er kostur
• Reynsla og þekking á þjálfun kostur
• Gott er að viðkomandi hafi frumkvæði og hressleika í fyrirrúmi
• Sjálfstæði í störfum er kostur
• Viðkomandi þarf að búa yfir góðri samskiptahæfni og þjónustulund og hafa gaman af því að vinna með fólki.

Umsóknarfrestur er til 28. apríl.

Allar upplýsingar eru veittar í síma 861 3379 og umsóknir sendar á siggi@umfi.is.