Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Þriðjudagur, 18. desember 2018
NA  6 m/s
C
Olís
huni.is - RSS-efnisveita
 
Á döfinni
Desember 2018
SMŢMFFL
2526272829301
2345678
9101112131415
16171819202122
23242526272829
303112345
FyrriNúnaNćsti
Veðurstofa Íslands
Blönduós 11:00 NA 6  7°C
Reykir í Hr 11:00 ANA 7  6°C
Reykjavík 11:00 ANA 5  7°C
Akureyri - 11:00 SA 2  6°C
Egilsstaðaf 11:00 ANA 2  6°C
Haugur 11:00 ANA 5  6°C
Holtavörðuh 11:00 NA 8  2°C
Þverárfjall 11:00 A 2  4°C
Laxárdalshe 11:00 ANA 10  5°C
Brúsastaðir 11:00 ANA 8  8°C
Vegagerðin
Holtavörđuh. 11:20 NA 9 3°C
Laxárdalsh. 11:20 ANA 12 6°C
Vatnsskarđ 11:20 ANA 8 5°C
Ţverárfjall 11:20 NA 3 5°C
Kjalarnes 11:20 A 10 9°C
Hafnarfjall 11:20 NNA 10 8°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
12. desember 2018
Þó desember sé dimmur
Já það eru dimmir dagarnir núna. Varla að sólin ná ofan í holuna til okkar, nema á hæstu brekkubrúnirnar. En eins og segir í vísunni góðu stendur þetta allt til bóta og svo fáum við blessuð jólin og áramótin í kjölfarið.
::Lesa

Northwest.is


SSNV

Leita í netfangaskrá
 
Eftir Sigurbjörn Þorkelsson
06. desember 2018
Eftir Gunnar Rúnar Kristjánsson
30. nóvember 2018
Eftir Sigurbjörn Þorkelsson
29. nóvember 2018
Eftir Unni Valborgu Hilmarsdóttur
22. nóvember 2018
Eftir Inga Heiðmar Jónsson
16. nóvember 2018
Eftir Guðjón S. Brjánsson
13. nóvember 2018
Eftir Sigurbjörn Þorkelsson
09. nóvember 2018
Eftir Sigurbjörn Þorkelsson
02. nóvember 2018
Nöldriđ | 11. maí 2018 - kl. 10:00
Kynslóðaskipti í bæjarstjórn

Það styttist í að við Blönduósingar, eins og aðrir landsmenn, kjósum okkur nýtt fólk til setu í sveitarstjórn, en kosningar fara fram 26. maí næstkomandi. Það er ljóst að mikil endurnýjun verður í bæjarstjórn Blönduósbæjar og má segja að kynslóðaskipti séu að eiga sér stað. Meðalaldur frambjóðenda á listunum tveimur sem bjóða fram er um 36 ár svo segja má að unga fólkið í bæjarfélaginu sé að taka við af þeim eldri og er það vel. Ég óskar öllu þessu unga dugmikla fólki velfarnaðar í störfum sínum fyrir bæinn okkar og finnst svo sem ekki skipta máli hvor listi fær fleiri atkvæði en veit að þau munu öll vinna af heilindum. Ég skoðaði umfjöllun um Blönduós á stórfínum kosningavef RÚV en þar nefna allir þeir sem rætt var við nauðsyn þess að fjölga íbúðum í bænum og vildu meina að húsnæðisskortur stæði vexti bæjarins fyrir þrifum.

Ég hef oft hugsað um það þegar ég á erindi í eitthvert fyrirtækið í Votmúlanum og ek af Húnabraut eða Hólabraut út á þjóðveg 1, hvers vegna Melabrautinni var lokað í annan endann, þannig að ekki er hægt að aka af henni upp á götuna sem liggur meðfram Votmúlanum. Til að komast af Húnabrautinni eða Hólabrautinni, út á þjóðveginn þarf oft að skjóta sér á milli bíla sem aka á  80 – 90 km. hraða, en það er hraðinn sem margir bílar eru á þegar þeir  bruna í gegnum bæinn. Nú eru margir sem eiga erindi í þau fyrirtæki sem rekin eru í Votmúlanum. Þarna er líka Lífland og fiskbúðin að ég tali nú ekki um gámasvæðið þar sem við losum okkur við ruslið.

Það er alltaf verið að reyna að stuðla að öruggari akstri og finna öruggari akstursleiðir bæði fyrir bílinn okkar og aðra vegfarendur og það getur oft verið snúið að komast út á þjóðveg 1 ekki síst á sumrin þegar umferðin er mest og bílar koma úr báðum áttum á allt of miklum hraða og heimafólk oft á leið á gámasvæðið með kerru fulla af garðaúrgangi og allskonar rusli. Það mundi draga stórlega úr slysahættu ef Melabrautin yrði opnuð uppúr og væri ekki mikill kostnaður því samfara.

Nú þegar sumarið fer í hönd, en ég hef trú á að það komi nú á endanum, vona ég að bæjarbúar taki höndum saman og lagi til, hver í sínu nærumhverfi. Fólk er farið að gera kröfu um að búa í snyrtilegu umhverfi. Gangstéttir bæjarins geta ekki talist snyrtilegar og vonandi verður gengið í það í sumar að lagfæra a.m.k. eitthvað af þeim. Þá er óþolandi að þurfa ár eftir ár að horfa uppá sama spýtnaruslið og drasl sem fær að liggja, eins og ekki megi hrófla við því. Þeir eru í miklum meirihluta sem vilja fegra umhverfið og hafa bæinn snyrtilegan og geti ruslasafnarar og eigendur bílhræja ekki fjarlægt sitt drasl, þá á bærinn að gera það á þeirra kostnað.

Ég vona að Blönduósingar verði duglegir að mæta á kjörstað þann 26., og er þess fullviss að allir kjósa rétt.

Með sumarkveðju, Nöldri.

Höf. Nöldri
Þorsteinn Sigurjónsson. Ljósm: hunathing.is.
Þorsteinn Sigurjónsson. Ljósm: hunathing.is.
Fréttir | 18. desember 2018 - kl. 09:39
Þorsteinn Sigurjónsson rafmagnsverkfræðingur og MBA hefur verið ráðinn veitustjóri Húnaþings vestra og tekur hann til starfa 2. janúar 2019. Tvær umsóknir bárust um stöðuna. Staðan var auglýst í kjölfar breytinga sem gerðar voru á skipuriti Húnaþings vestra í kjölfar aukinna umsvifa sveitarfélagsins vegna veitna og annarra framkvæmda. Með breytingunum var starf sviðsstjóra veitu-, framkvæmda- og umhverfissviðs lagt niður og sérstakt starf veitustjóra stofnað.
Jólahús ársins
Tilkynningar | 17. desember 2018 - kl. 14:36
Hólaneskirkja 24. desember - Aðfangadagur jóla. Miðnæturmessa kl. 23.00: ​Í hátíðarmessunni verður nýtt orgel vígt.Kór Hólaneskirkju flytur hátíðarsöngva séra Bjarna Þorsteinssonar og sungnir verða jólasálmar við undirleik Hugrúnar Sifjar Hallgrímsdóttur organista. Hofskirkja 25. desember - Jóladagur. Hátíðarguðsþjónusta kl. 14:00: Kór Hólaneskirkju flytur hátíðarsöngva séra Bjarna Þorsteinssonar og sungnir verða jólasálmar við undirleik Hugrúnar Sifjar Hallgrímsdóttur organista.
Glaðheimar
Frá Hvammstanga.
Frá Hvammstanga.
Fréttir | 17. desember 2018 - kl. 14:23
Niðurstöður ferðavenjukönnunar meðal erlendra gesta á átta áfangastöðum voru birtar á föstudaginn í mælaborði ferðaþjónustunnar og kynntar á fundi sem Ferðamálastofa stóð fyrir í atvinnuvega- og nýsköpunarráðuneytinu. Helstu niðurstöður sýna að ferðavenjur og útgjöld erlendra gesta voru talsvert ólík eftir stöðum og lá helsti munurinn í ástæðum heimsóknar, dvalartíma og neyslumynstri gesta. Lengst dvöldu gestir í höfuðborginni en styst á Hvammstanga.
Frá Stekkjarvík.
Frá Stekkjarvík.
Fréttir | 17. desember 2018 - kl. 10:44
Starfshópur um framtíðarskipan úrgangsmála á Norðurlandi hefur tekur til starfa en hann er sameiginlegt verkefni Samtaka sveitarfélaga á Norðurlandi vestra og Sambands sveitarfélaga í Eyjafirði og Þingeyjarsýslum. Markmið verkefnisins er að leysa meðhöndlun og förgun úrgangs og sorps á Norðurlandi með hagkvæmum og umhverfisvænum hætti.
Frá Hvammstanga
Frá Hvammstanga
Fréttir | 17. desember 2018 - kl. 10:34
Á sveitarstjórnarfundi Húnaþings vestra í síðustu viku var lagt fram erindi frá velferðarráðuneytinu um móttöku flóttamanna. Í því er farið á leit við sveitarfélagið um að taka á móti sýrlensku flóttafólki á næsta ári, um 25 einstaklingum. Í því felst meðal annars aðstoð við að finna húsnæði til leigu og veita því nauðsynlega þjónustu og aðstoð í eitt ár frá komu þess til landsins. Gerður yrði samningur milli Húnaþings vestra og velferðarráðuneytisins þar að lútandi um fjárframlög til verkefnisins.
Fréttir | 16. desember 2018 - kl. 21:40
Fimm umferðaróhöpp urðu í umdæmi Lögreglunnar á Norðurlandi vesta um helgina. Á Facebook síðu hennar segir að aðallega hafi óhöppin verið bílveltur og ein aftanákeyrsla. Sem betur fer hafi engin alvarleg slys orðið á fólki. Lögreglan vill minna vegfarendur á að fara sérstaklega varlega en mikil ísing er á vegum.
Dóra Sigurðardóttir. Ljósm: FB/Listakot Dóru.
Dóra Sigurðardóttir. Ljósm: FB/Listakot Dóru.
Fréttir | 16. desember 2018 - kl. 08:39
Dóra Sigurðardóttir í Vatnsdalshólum opnar vinnustofu sína 22. desember klukkan 14 og verður hún opin fram eftir degi. Hún býður gestum að koma og þiggja kakó og smákökur og skoða aðstöðuna. Í Listakoti Dóru verður starfrækt innrömmunarþjónusta og vinnustofa listamannsins Dóru en hluti af rýminu verður notaður til þess að taka á móti gestum. Einnig verður aðstaða fyrir gestakennara.
Trébekkur við Barnabæ.
Trébekkur við Barnabæ.
Fréttir | 16. desember 2018 - kl. 08:29
Frá Skógræktarfélagi Austur-Húnvetninga
Skógræktarfélag Austur-Húnvetninga vill minna á að í dag milli klukkan 11-15 verður hægt að fella sitt eigið jólatré á Gunnfríðarstöðum. Verð á jólatrjám er 5.500 krónur og ýmsar tegundir í boði. Ekta skógarkaffi við varðeldinn en kakóið verður áfram í boði. Njótið skógarmenningar með skógræktarfélaginu og hjálpið okkur að planta fleiri trjám með því að kaupa af okkur jólatré. Bindum kolefni með skógrækt og minkum sótsporið með því að versla í heimabyggð.
Sameining A-Hún
F.v.: Sigurjón, Sigurður, Elín og Jón. Ljósm: textile.is.
F.v.: Sigurjón, Sigurður, Elín og Jón. Ljósm: textile.is.
Fréttir | 14. desember 2018 - kl. 11:21
Heimilisiðnaðarsafnið á Blönduósi stendur á hverju ári fyrir viðburðinum Upplestur á aðventu. Í ár var tekið forskot á sæluna og hann haldinn rétt fyrir aðventu eða sunnudaginn 25. nóvember síðastliðinn. Hátt í 40 manns mættu í safnið og hlýddu á upplestur úr nýjum bókum. Allir höfundar bókanna sem lesið var upp úr eiga sterk tengsl við Austur-Húnavatnssýslu; Jón Björnsson frá Húnsstöðum, Sigurður Pétursson, fyrrum dýralæknir, frá Merkjalæk og Hólmfríður K. Gunnarsdóttir frá Æsustöðum.
Fv. Magnús, Elísa, Ólöf og Jenný. Ljósm: hunathing.is.
Fv. Magnús, Elísa, Ólöf og Jenný. Ljósm: hunathing.is.
Fréttir | 14. desember 2018 - kl. 11:03
Velferðarsjóður Húnaþings vestra fékk veglega gjöf frá Ólöfu Ólafsdóttur á Tannstaðabakka. Ólöf mætti á fund stjórnar sjóðsins á miðvikudaginn og færði honum 504.000 krónur. Ólöf hefur unnið að gerð bútasaumsteppa undanfarið ár og selt gestum og gangandi m.a. á jólamarkaðnum í Félagsheimili Hvammstanga fyrir skömmu. Raunar gerði Ólöf slíkt hið sama í fyrra og lét þá umtalsverða upphæð af hendi rakna til Velferðarsjóðsins.
Ásmundur á spjalli við Valgarð Hilmarsson í gær. Ljósm: FB/Ásmundur Einar Daðason.
Ásmundur á spjalli við Valgarð Hilmarsson í gær. Ljósm: FB/Ásmundur Einar Daðason.
Fréttir | 14. desember 2018 - kl. 10:38
Ásmundur Einar Daðason, félags- og jafnréttismálaráðherra, skoðaði gagnaversuppbygginguna á Blönduósi í gær. Segir hann frá heimsókninni á Facebook síðu sinni og finnst ánægjulegt að sjá kraftinn í uppbyggingunni. „Þetta er gott dæmi um mikilvægi þess fyrir byggðina að íslensk orka sé nýtt til uppbyggingar í heimabyggð en ekki flutt úr landi með sæstreng,“ segir Ásmundur.
Tilkynningar | 14. desember 2018 - kl. 09:19
Ungmennafélagið Hvöt tekur á móti jólapósti á skrifstofu félagsins fimmtudaginn 20. desember og föstudaginn 21. desember frá klukkan 17-22. Bréf kosta 100 krónur og bögglar 800 krónur. UMF Hvöt óskar öllum Húnvetningum gleðilegra jóla og farsæls nýs árs og þakkar stuðninginn á árinu sem er að líða.
Riddarar næturinnar samankomnir að plotta við gömlu braggana. Ljósm: Ólafur Tómas Guðbjartsson
Riddarar næturinnar samankomnir að plotta við gömlu braggana. Ljósm: Ólafur Tómas Guðbjartsson
Fréttir | 13. desember 2018 - kl. 18:02
Eftir Ólaf Tómas Guðbjartsson brottfluttan Blönduósing
Út er komin smásagnabókin „Rækjublús“ eftir Ólaf Tómas Guðbjartsson. Ólafur Tómas eða Óli Tómas, eins og flestir þekkja hann, bjó á Blönduósi á hans yngri árum og inniheldur bókin 12 smásögur sem gerast á Blönduósi milli 1986 – 1999.
Frá Húnavöllum.
Frá Húnavöllum.
Fréttir | 13. desember 2018 - kl. 14:56
Fjárhagsáætlun samstæðu A- og B-hluta sveitarsjóðs Húnavatnshrepps fyrir árið 2019 var samþykkt á fundi sveitarstjórnar í gær. Gert er ráð fyrir jákvæðri rekstrarniðurstöðu sem nemur um tæplega 27 milljónum króna. Tekjur eru áætlaðar 507 milljónir og gjöld með fjármagnsliðum 480 milljónir. Skuldahlutfallið er áætlað 50% fyrir árið 2019 sem má vera mest 150%.
 
Prenta Prenta  
 
 
Húsfrúin
14. september 2018
Samfélagsmiðlar eru mikilvægir fyrirtækjum
Flest öllum notum við samfélagsmiðla eins og Facebook en þeir hjálpa okkur m.a. að vera í góðu sambandi við vini, ættingja, félagasamtök og fyrirtæki. Samfélagsmiðlar verða sífellt mikilvægari þáttur í að viðhalda góðu sambandi milli fyrirtækja og neytenda. Samfélagsmiðlar hafa látið mikið til sín taka á stuttum tíma og má búast við að vægi þeirra og áhrif verði mun áþreifanlegri í framtíðinni.
::Lesa
Spaugið
24. janúar 2018
Lögfræðingurinn
Lögfræðingur nokkur frá Reykjavík ákvað að skreppa á rjúpu. Hann fór upp í Borgarfjörð og fann góðan stað nokkuð frá sveitabæ. Hann var búinn að veiða nokkrar rjúpur og var að enda við að skjóta eina í viðbót og er að sækja hana er bóndi kemur að honum.
::Lesa
©2018 Húnahorniđ