Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Fimmtudagur, 18. apríl 2019
SSV  8 m/s
C
Olís
huni.is - RSS-efnisveita
 
Á döfinni
Apríl 2019
SMŢMFFL
31123456
78910111213
14151617181920
21222324252627
2829301234
FyrriNúnaNćsti
Veðurstofa Íslands
Blönduós 10:00 SSV 8  9°C
Reykir í Hr 10:00 S 12  7°C
Reykjavík 10:00 S 6  7°C
Akureyri - 10:00 S 6  11°C
Egilsstaðaf 10:00 SSV 8  10°C
Haugur 10:00 S 9  8°C
Holtavörðuh 10:00 SSV 13  3°C
Þverárfjall 10:00 SSV 7  7°C
Laxárdalshe 10:00 SSV 12  6°C
Brúsastaðir 10:00 S 6  9°C
Vegagerðin
Holtavörđuh. 10:40 SSV 13 4°C
Laxárdalsh. 10:40 SSV 11 7°C
Vatnsskarđ 10:40 S 7 6°C
Ţverárfjall 10:40 SV 7 7°C
Kjalarnes 10:40 S 6 8°C
Hafnarfjall 10:40 S 9 7°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
14. apríl 2019
Menning kostar
Ekki er hægt að segja að margir hafi skrifað undir kröfuna um að svokölluð Húnavallaleið/Svínavatnsleið verði sett á samgönguáætlun. Þessi undirskriftasöfnun var í gangi í tæplega hálft ár og aðeins 577 lýstu vilja sínum á færslu þjóðvegarins fram hjá Blönduósi.
::Lesa

Northwest.is


SSNV

Leita í netfangaskrá
 
Eftir Sigurbjörn Þorkelsson
12. apríl 2019
Eftir Sigurbjörn Þorkelsson
08. apríl 2019
Eftir Inga Heiðmar Jónsson
01. apríl 2019
Eftir Guðjón S. Brjánsson
21. mars 2019
Eftir Sigurbjörn Þorkelsson
06. mars 2019
Eftir Guðjón S. Brjánsson
01. mars 2019
Eftir Sigurbjörn Þorkelsson
01. mars 2019
Eftir Sigurbjörn Þorkelsson
24. febrúar 2019
Nöldriđ | 14. janúar 2019 - kl. 09:32
Nýtt spennandi ár

Gleðilegt nýtt ár og þakkir fyrir samfylgdina á árinu sem var að ljúka.

Nú er úr vöndu að ráða. Um hvað er hægt að nöldra á þeim góðæristímum sem við Blönduósingar lifum nú. Samkvæmt fréttum er hér allt að gerast. Gagnaverið komið og er farið að auglýsa eftir starfsfólki, byggingar hafnar á atvinnu- og íbúðarhúsum, bygging blokkar væntanleg á þessu ári og fólksfjölgun slík að Blönduós er einn af hástökkvurum í íbúafjölgun á síðasta ári.

Það var mikið um alls konar afþreyingu í desember, jólamarkaðir, tónleikar, upplestur úr nýjum bókum og fleira og fleira. Gaman var að heimsækja gamla bæinn einn laugardag í desember, þegar íbúar hans „buðu heim.“ Flest fyrirtæki þar voru opin og fólk spjallaði saman meðan það naut veitinga sem alls staðar voru í boði. Var það mál manna að vel hefði tekist til og talað um að úr því að sveitarstjórnin héldi sjaldan íbúafundi, ættu íbúarnir bara sjálfir að hafa forgöngu um slíkt og hittast einu sinni á ári og ræða málefni sem á þeim brenna.

Það er ánægjulegt að tónlistafólk þjóðarinnar er að uppgötva hvað kirkjan okkar er frábært tónleikahús en tvennir jólatónleika voru haldnir þar í desember. Nánast húsfyllir var á tónleikum Heru Bjarkar, en Eyþóri Inga tókst að troðfylla kirkjuna svo varla var hægt að troða inn fleiri aukastólum. Það ber að þakka þeim listamönnum sem leggja það á sig að koma með tónleika sína til okkar á landsbyggðinni og snjöll hugmynd að bjóða heimamönnum að taka þátt í flutningi með sér. Hera Björk naut liðsinnis barnakórs frá Skagaströnd og frábærra söngvara úr Húnaþingi vestra, ásamt henni Hugrúnu okkar allra. Eyþóri Inga dugði ekkert minna en Karlakór Bólstaðarhlíðarhrepps sem stóð sig með mikilli prýði að vanda. Þar sem ég skrifa nú þessa langloku, Karlakór Bólstaðarhlíðarhrepps, spyr ég hvenær ætla þeir ágætu kallar að breyta nafni kórsins og gera það aðeins þjálla í munni. Í nafni kórsins eru 28 stafir og þykir eflaust mörgum nóg um fyrir nú utan það að Bólstaðarhlíðarhreppur er ekki lengur til og þyrfti kórinn því að heita Karlakór Bólstaðarhlíðarhrepps hins forna og þá væri stafarunan orðin 37 stafir.

Hvað á að verða um Hafíssetrið og hvað á verða um Hillebrandtshús spyr margur. Það var til lítils að gera upp þetta gamla hús og státa af því að það sé elsta timburhús landsins, ef það á að standa autt og engum til gagns. Þegar Hafíssetrinu var komið fyrir þar inni hélt maður að framtíð hússins væri tryggð en alveg frá byrjun hefur alls ekki verið staðið nógu vel að þeirri sýningu. Þar vantar góða leiðsögn á a.m.k. 2-3 tungumálum og það þurfa að vera „lifandi” myndir á skjá í þessu tilfelli, hafís á norðurslóðum og allt sem honum getur fylgt. Það þarf að gera miklu skýrari mynd og frásagnir af  þiðnun íssins á norðurslóðum sem er einmitt í umræðunni um allan heim um þessar mundir. Söfn sem bjóða ekki upp á annað en lestur texta af  spjöldum eru leiðgjörn og gamaldags og fáir nenna að skoða þau. Auðvitað kostar mikið fé að koma upp áhugaverðu safni og uppfæra það svo eftir þörfum og kröfum tímans. En menning kostar peninga og hver vill vera án menningar. Það er óskandi að sveitarstjórn Blönduóss og Þór Jakobsson, sá mæti maður, geti komist að samkomulag um framtíðarskipulag á safninu, svo það verði ekki selt í burtu eins og orðað hefur verið.

Það er varla búið að borða afgangana af  jólamatnum þegar þorramaturinn birtist í búðunum. Nú eru framundan blessuð þorrablótin sem enginn lætur fram hjá sér fara og þeir sem hafa náð af sér tveimur kílóum eftir jólin geta nú náð þeim á sig aftur.

Njótum, hækkandi sólar og um leið og ég óska jólahúsafjölskyldunni til hamingju með sigurinn, minni ég alla á að kjós mann ársins.

Með kveðju, Nöldri.

Höf. Nöldri
Jón Þór Eyþórsson viðburðarstjóri. Ljósm: Blönduósbær
Jón Þór Eyþórsson viðburðarstjóri. Ljósm: Blönduósbær
Fréttir | 17. apríl 2019 - kl. 21:38
Fréttatilkynning frá Blönduósbæ
Blönduósbær hefur ráðið Jón Þór Eyþórsson sem viðburðarstjóra fyrir Húnavöku 2019, en Jón Þór var valinn úr hópi 11 umsækjenda sem sóttu um starfið, sem var auglýst í mars s.l.
Fréttir | 17. apríl 2019 - kl. 21:30
Tilkynning frá sóknarpresti og organista
Messuhald í Dymbilviku í Þingeyraklaustursprestakalli. Fermingarmessur í Þingeyrarklausturskirkju og hátíðarmessur í Blönduóskirkju, Þingeyraklausturskirkju og Auðkúlukirkju.
Glaðheimar
Grunnskóli Húnaþings vestra
Grunnskóli Húnaþings vestra
Fréttir | 17. apríl 2019 - kl. 09:53
Alls mættu um 40 manns á íbúafund um fyrirhugaða viðbyggingu við Grunnskóla Húnaþings vestra og lóðarskipulag en hann var haldinn í Félagsheimili Hvammstanga í síðustu viku. Magdalena Sigurðardóttir og Gunnhildur Melsted, arkitektar hjá VA arkitektum kynntu viðbyggingu við skólann. Vinna við hönnun á innra skipulagi hefur verið í gangi frá áramótum og stendur nú yfir kynningarferli á tillögunni.
Sameining A-Hún
Tilkynningar | 17. apríl 2019 - kl. 09:22
Frá stjórn
Aðalfundur Félags eldri borgara í Húnaþingi verður haldinn í dag, miðvikudaginn 17. apríl, klukkan 15:00 í Hnitbjörgum. Dagskrá verður samkvæmt lögum félagsins. Kaffiveitingar í boði félagsins. Mætum öll og eigum saman góða stund. Nýjir félagar boðnir velkomnir.
Tilkynningar | 17. apríl 2019 - kl. 09:03
Skírdagur 18. apríl kl. 11.00. Fermingarmessa í Höskuldsstaðakirkju. Kór Hólaneskirkju leiðir söng undir stjórn Hugrúnar Sifjar Hallgrímsdóttur. Fermd verður Stefanía Dúfa Magnúsdóttir. Föstudagurinn langi 19. apríl kl. 17.00. Sóknarbörn lesa Passíusálma, íhugunartónlist er í höndum Hugrúnar Sifjar Hallgrímsdóttur. Páskadagur 21. apríl kl. 9.00. Hátíðarguðsþjónusta í Hólaneskirkju. Kór Hólaneskirkju syngur undir stjórn Hugrúnar Sifjar Hallgrímsdóttur. Boðið er upp á heitt súkkulaði og léttan morgunverð eftir guðsþjónustuna.
Tilkynningar | 16. apríl 2019 - kl. 19:46
Tilkynning frá Blönduósbæ
Blönduósbær óskar eftir að ráða starfsfólk í sumarafleysingar og í framtíðarstarf við heimaþjónustu. Æskilegt er að viðkomandi hafi bílpróf og sé orðinn 25 ára. Vinnutími er samkomulag á milli þjónustuþega og starfsmanns.
Fréttir | 16. apríl 2019 - kl. 17:42
Prjónakvöld í Hnitbjörgum kjallara dagana 16. apríl og 30. apríl frá kl. 19:30 – 21:30. Prjónakvöldin eru öllum opin. Komum saman og eigum notalega stund.
Fréttir | 16. apríl 2019 - kl. 12:26
Tilkynning frá stjórn
Foreldrafélag Leikskólans Barnabæjar stendur fyrir sínum árlega kökubasar í Kjörbúðinni miðvikudaginn 17.apríl frá kl. 14:00 og stendur hann eins lengi og kökur og bakkelsi er fáanlegt.
Elsa Arnardóttir. Ljósm: Textílmiðstöð Íslands.
Elsa Arnardóttir. Ljósm: Textílmiðstöð Íslands.
Fréttir | 16. apríl 2019 - kl. 11:48
Í vefritinu Úr vör, sem fjallar um hvernig fólk á landsbyggðinni notar skapandi aðferðir til að leita lausna, er viðtal við Elsu Arnardóttur, forstöðumann hjá Textílmiðstöð Íslands á Blönduósi. Fjallað er um starfsemi Textílmiðstöðvarinnar, Prjónagleðina, Kvennaskólann, gestavinnustofurnar, stafræna vefstólinn og margt fleira.
Ljósm: blonduos.is
Ljósm: blonduos.is
Fréttir | 16. apríl 2019 - kl. 10:48
Götur á Blönduósi verða sópaðar á næstu dögum. Á vef Blönduósbæjar eru íbúar hvattir til þess að sópa og hreinsa í kringum sínar lóðir. Þá er bent á mikilvægi þess að ökutæki séu ekki geymd í götum þannig að hægt sé að hreinsa allar götur. Og úr því minnst er á götur, þá er ekki úr vegi að minna vegfarendur á að sýna árvekni og aka ætíð eftir aðstæðum en nú er sá árstími og það tíðarfar sem eykur hættuna á holumyndunum á þjóðvegum.
Tilkynningar | 16. apríl 2019 - kl. 10:34
Í tilefni af Prjónagleðinni sem haldinn verður hvítasunnuhelgina 7.-10. júní 2019 verða sölubásar í Félagsheimilinu á Blönduósi. Þar er áhersla lögð á að kynna prjónavörur og þjónustu sem eru í boði fyrir áhugasama prjónara og líka fyrir þá sem hafa gaman að því að skoða eitthvað fallegt. Þetta er fjórða Prjónagleðin og hefur úrvalið á vörum aukist ár frá ári. Endilega hafði samband ef þið hafið áhuga á að vera með sölubás!
Tilkynningar | 16. apríl 2019 - kl. 10:10
Tilkynning frá sóknarpresti
Fermingarmessa verður í Þingeyraklausturskirkju fimmtudaginn 18. apríl kl. 13:00. Fermdir verða Elvar Már Valsson og Jón Bjarni Magnússon.
Skagaströnd
Skagaströnd
Fréttir | 16. apríl 2019 - kl. 09:34
Sveitarstjórn Skagastrandar vill gera samning við Skógræktina um að gróðursetja þjóðskóg á Skagaströnd. Markmiðið er að binda kolefni og veita skjól. Fyrirliggjandi verkþættir eru m.a. að afmarka svæði sem hægt er að nýta og setja fram ræktunar- og framkvæmdaáætlun í samvinnu við Skógræktina. Málið var rætt á fundi sveitarstjórnar í gær og var samþykkt að fela sveitarstjóra og oddvita að vinna í því áfram.
Frá afhendingu skýrslunnar. Ljósm: althingi.is
Frá afhendingu skýrslunnar. Ljósm: althingi.is
Fréttir | 15. apríl 2019 - kl. 11:03
Afmælisnefnd aldarafmælis sjálfstæðis og fullveldis Íslands hefur gefið út skýrslu þar sem finna má upplýsingar um framkvæmd afmælisársins og yfirlit yfir öll verkefni sem skráð voru á dagskrá afmælisins. Í skýrslunni er m.a. sagt frá merkingum sem settar voru upp í Leifsstöð þar sem tímamótunum voru gerð skil en það var samvinnuverkefni Isavia, Textílseturs Íslands og Prjónagleðinnar. Nemendur og starfsfólk Blönduskóla, Húnavallaskóla og Höfðaskóla prjónuðu stykki í fánalitunum sem nemendur Concordia háskólans í Kanada aðstoðuðu við að sauma saman í ljómandi fín teppi ásamt fleira góðu fólki.
 
Prenta Prenta  
 
 
Húsfrúin
14. september 2018
Samfélagsmiðlar eru mikilvægir fyrirtækjum
Flest öllum notum við samfélagsmiðla eins og Facebook en þeir hjálpa okkur m.a. að vera í góðu sambandi við vini, ættingja, félagasamtök og fyrirtæki. Samfélagsmiðlar verða sífellt mikilvægari þáttur í að viðhalda góðu sambandi milli fyrirtækja og neytenda. Samfélagsmiðlar hafa látið mikið til sín taka á stuttum tíma og má búast við að vægi þeirra og áhrif verði mun áþreifanlegri í framtíðinni.
::Lesa
Spaugið
24. janúar 2018
Lögfræðingurinn
Lögfræðingur nokkur frá Reykjavík ákvað að skreppa á rjúpu. Hann fór upp í Borgarfjörð og fann góðan stað nokkuð frá sveitabæ. Hann var búinn að veiða nokkrar rjúpur og var að enda við að skjóta eina í viðbót og er að sækja hana er bóndi kemur að honum.
::Lesa
©2019 Húnahorniđ