|
19:23 |
12. maí 2021 |
Óvissu stig vegna hættu á gróðureldum á Norðurlandi vestra
Ríkislögreglustjóri, í samráði við lögreglustjóra og slökkviliðsstjórana á Norðurlandi Vestra hafa ákveðið að lýsa yfir óvissustigi almannavarna vegna hættu á gróðureldum. Þessi ákvörðun er byggð á því að lítið hefur rignt á svæðinu undanfarið og veðurspá næstu daga sýnir heldur ekki neina úrkomu af ráði. |
|
09:16 |
12. maí 2021 |
Aðalfundur Krabbameinsfélags A-Hún.
Frá stjórn
Aðalfundur félagsins verður haldinn miðvikudaginn 19. maí 2021 klukkan 18:00 á Tene Blönduósi. Venjuleg aðalfundarstörf og önnur mál. Félagsmenn hvattir til að mæta og nýir félagar velkomnir á fundinn.
Við minnum á minningarkort Krabbameinsfélags A-Hún. Sem fást í Lyfju Blönduósi, Lyfju Skagaströnd og á síðu félagsins á www.krabb.is. |
|
22:35 |
11. maí 2021 |
Boðað til íbúafunda um sameiningartillögu
Íbúafundir til kynningar á tillögu samstarfsnefndar um sameiningu Blönduósbæjar, Húnavatnshrepps, Skagabyggðar og Sveitarfélagsins Skagastrandar hafa verið boðaðir á næstu vikum. Kosið verður um tillöguna 5. júní næstkomandi. Fundirnir verða haldnir í öllum sveitarfélögunum en þeim verður einnig streymt og geta þátttakendur sent spurningar rafrænt til samstarfsnefndarinnar. |
|
22:33 |
11. maí 2021 |
Fundað með samgöngu- og sveitarstjórnarráðherra
Oddvitar og sveitarstjórar sveitarfélaga í Austur-Húnavatnssýslu áttu fund með samgöngu- og sveitarstjórnarráðherra nýverið til að fylgja eftir áherslum Húnvetninga sem ræddar hafa verið við þingflokka á Alþingi á undanförnum viku. Ráðherra voru kynnt áform um stofnun Umhverfisakademíu á Húnavöllum sem bjóði upp á nám í umhverfisfræðum og óskað eftir stuðningi Jöfnunarsjóðs sveitarfélaga við stofnun félagsins, að því er fram kemur á vefnum Húnvetningi. |
|
22:21 |
11. maí 2021 |
Níu taka þátt í prófkjöri Sjálfstæðisflokksins í NV-kjördæmi
Níu frambjóðendur, fjórar konur og fimm karlar, taka þátt í prófkjöri Sjálfstæðisflokksins í Norðvesturkjördæmi sem fram fer dagana 16. og 19. júní næstkomandi. Í prófkjörinu velja þeir sem taka þátt fjóra frambjóðendur. Einn frambjóðandi er úr Húnavatnssýslum en það er Magnús Magnússon sóknarprestur í Húnaþingi vestra. |
|
22:15 |
11. maí 2021 |
Listi Samfylkingar í NV-kjördæmi ákveðinn
Samfylkingin í Norðvesturkjördæmi hefur ákveðið framboðslista sinn fyrir komandi alþingiskosningar 25. september. Á auka kjördæmaþingi í mars var kosið í þrjú efstu sætin en uppstillingarnefnd sá um að stilla upp á listann frá fjórða sæti. Valgarður Lyngdal Jónsson, forseti bæjarstjórnar Akraneskaupstaðar leiðir listann og í öðru sæti er Jónína Björg Magnúsdóttir. |
|
18:44 |
11. maí 2021 |
Kartöflugarðarnir í Selvík
Frá knattspyrnudeild Hvatar
Selvíkurgarðurinn verður tilbúinn von bráðar, en það verður auglýst nánar þegar hann verður klár. Það er hins vegar um að gera að hafa samband sem fyrst og panta pláss og eins væri gott að vita ef þeir sem hafa verið með stykki undanfarin ár ætla ekki að vera með í ár.
Líkt og í fyrra munum við eingöngu vinna syðra stykkið og er nóg pláss þar fyrir alla sem vilja vera með garð. Verð á fermetra er 100 kr. |
|
09:57 |
11. maí 2021 |
Vettvangsliðar útskrifaðir á Skagaströnd
Um síðustu helgi þreyttu átta Skagstrendingar próf og útskrifuðust sem vettvangsliðar eftir 40 stunda námskeið frá Sjúkraflutningaskólanum á Akureyri. Skagstrendingar eiga því nú átta fullgilda vettvangsliða sem tryggja fyrstu hjálp þegar útköll berast og annast einstaklinga þangað til sjúkrabíll og læknir mæta á staðinn. Sagt er frá þessu á vef Skagastrandar. |
|
16:09 |
10. maí 2021 |
Óskað eftir tillögum að nafni á Textíllistamiðstöðina
Textílmiðstöð Íslands óskar eftir góðu nafni á Textíllistamiðstöðina sem staðsett er í Kvennaskólanum á Blönduósi. Listamiðstöðin er ætluð listafólki, fræðafólki og hönnuðum sem vinna með textíl og hefur hún verið starfrækt frá 2013. Textíllistamiðstöðin er nú undir sameiginlegri stjórn með Textílmiðstöð Íslands - Þekkingarsetur á Blönduósi. „Það sem Textíllistamiðstöðinni og Textílmiðstöðinni er oft ruglað saman, leitum við eftir nýju sérnafni fyrir listamiðstöðina,“ segir í tilkynningu. |
|
12:38 |
10. maí 2021 |
Sumarstarf hjá SSNV
Samtök sveitarfélaga á Norðurlandi vestra (SSNV) auglýsa sumarstarf fyrir námsfólk. Starfið er í samræmi við átaksverkefni ríkisstjórnarinnar til fjölgunar sumarstarfa fyrir námsfólk og lýtur stuðningi þess verkefnis. Skilyrði er að námsmaðurinn séu á milli anna, þ.e. hafi stundað nám á vormisseri, sé skráður í nám á haustmisseri og geti framvísað staðfestingum þar um. |
|
09:31 |
10. maí 2021 |
Hertar aðgerðir í gildi í Skagafirði
Vegna fjölda kórónuveirusmita í Skagafirði hefur verið gripið til hertra aðgerða og takmarkana í Skagafirði til þess að reyna að takmarka frekari útbreiðslu veirunnar og ná tökum á ástandinu. Tilslakanir á samkomutakmörkunum sem taka gildi í dag samkvæmt reglugerð heilbrigðisráðuneytisins taka því ekki gildi í Sveitarfélaginu Skagafirði og Akrahreppi fyrr en mánudaginn 17. maí. |
|
20:46 |
09. maí 2021 |
Kirkjugarðsvinir á Blönduósi stofna síðu á Facebook
Stofnun hefur verðið síða á Fésbókinni af nokkrum einstaklingum sem hafa hug á því að stofna einskonar Hollvinasamtök kirkjugarðsins á Blönduósi. Það segir m.a. á síðunni að alltaf sé þörf a fjármagni í framkvæmdir og eðlilegt viðhald við garðinn og það beri að þakka þeim sem þar hafa átt hlut að máli í gegnum tíðina. |
|
20:15 |
09. maí 2021 |
Skóflustunga tekin að nýju iðnaðarhúsnæði á Blönduósi
Laugardaginn 8. maí tók Jóhannes Torfason, stjórnarformaður Protis og Vilko, fyrstu skóflustungu að nýju húsi á Ægisbraut 2 á Blönduósi. Stefnt er að því að byggja um 1.200 fermetra hús, en í fyrsta áfanga verða byggðir um 440 fermetrar, ætlaðir fyrir sérhæfða matvæla- og heilsuvöruframleiðslu. |
|
12:09 |
08. maí 2021 |
Fjögur kórónuveirusmit í Skagafirði
Fjögur kórónuveirusmit greindust í Skagafirði í gær og var einn þeirra smituðu utan sóttkvíar. Unnið er að smitrakningu og er af þeim sökum töluverður fjöldi kominn í úrvinnslusóttkví. Niðurstöður úr skimunum ættu að liggja fyrir í kvöld eða í fyrramálið, að því er fram kemur í tilkynningu frá aðgerðastjórn almannavarna á Norðurlandi vestra. Nú eru 72 í sóttkví í Skagafirði, þar af 58 á Sauðárkróki. |
|
21:59 |
07. maí 2021 |
Íbúum Húnavatnhrepps hefur fjölgað um 8 talsins frá 1. desember 2020
Íbúum Norðurlands vestra hefur fækkun örlítið frá 1. desember 2020 til 1. maí 2021 eða um 10 manns eða 0,1%. Samkvæmt tölum Þjóðskrár hefur íbúum fjögað og fækkað til skiptis á þessu tímabili. Íbúum Húnavatnshrepps hefur fjölgað um 8 eða 2,2%. |
Til baka
Loka
Prenta
