|
09:18 |
25. jan. 2023 |
Fyrsta opna húsið á árinu hjá Nesi listamiðstöð
Á morgun, fimmtudaginn 26. janúar klukkan 16:30-18:30, verður opið hús hjá listamiðstöðinni Nesi á Skagaströnd, sem staðsett er á Fjörubraut 8. Dásamlegur og líflegur hópur listamanna bjóða Skagstrendingum og nærsveitungum í heimsókn í vinnustofur sínar þar sem þeir munu sýna m.a. bókmenntir, ljósmyndir, teikningar, málverk og skúlptúra. |
|
10:51 |
24. jan. 2023 |
Garðfuglahelgin 27.-30. janúar
Talning garðfugla
Árlega fitjar Fuglavernd upp á talningu garðfugla yfir eina helgi. Venjulega er um að ræða síðustu helgina í janúar, sem er framundan. Gott er að hefja undirbúning talningar nokkrum dögum áður með því að hefja daglegar fóðurgjafir til að lokka að fugla, að því er segir í tilkynningu frá Fuglavernd. Framkvæmd athugunarinnar er einföld. |
|
15:56 |
23. jan. 2023 |
Glæsilegur árangur á Stórmóti ÍR
Fimm keppendur frá frjálsíþróttadeild Hvatar tóku þátt á Stórmóti ÍR sem fram fór í Laugardagshöll um helgina. Mótið var fyrir alla aldurshópa og voru um 500 keppendur skráðir til leiks. Á facebooksíðu frjálsíþróttadeildar Hvatar er sagt frá árangri keppenda. Þar kemur m.a. fram að Valdimar Logi Guðmannsson sigraði í sínum flokki í hástökki, langstökki og þrístökki. Þá sigraði Harpa Katrín Sigurðardóttir í sínum flokki í þrístökki. |
|
14:57 |
23. jan. 2023 |
Mikil ánægja með Skólabúðir UMFÍ
„Fólk er afar ánægt með Skólabúðirnar og ég heyri ekkert nema jákvætt um þær í sveitarfélaginu,“ segir Unnur Valborg Hilmarsdóttir, sveitarstjóri Húnaþings vestra. Hún fundaði með Auði Ingu Þorsteinsdóttur, framkvæmdastjóra UMFÍ, og Sigurði Guðmundssyni, forstöðumanni Skólabúðanna á Reykjum, um búðirnar í síðustu viku. UMFÍ tók við rekstri skólabúðanna undir lok síðasta sumars og réðst samstundis í umfangsmiklar endurbætur á húsnæðinu með starfsfólki sveitarfélagsins sem kom að þeim af fullum þunga |
|
10:38 |
20. jan. 2023 |
Karlakór Bólstaðarhlíðarhrepps náði loks að halda árshátíð
Á vef Feykis er sagt frá því að loksins hafi Karlakór Bólstaðarhlíðarhrepps náð að halda árshátíð eftir kórónuveirutakmarkanir síðastliðna tvo vetur. Samkvæmt venju var árshátíð kórsins haldin í Húnaveri á laugardaginn og var hún vel sótt. Meðal atriða á dagskrá kvöldsins var að heiðra þá félaga sem átt höfðu merkisafmæli frá síðustu árshátíð sem haldin var í janúar 2020. |
|
12:10 |
19. jan. 2023 |
Fjölbreytt starf fyrir eldri borgara í Húnaþingi
Í Húnabyggð og Húnaþingi vestra er boðið upp á fjölbreytt félagsstarf fyrir íbúa 60 ára og eldri og ættu allir að geta fundið eitthvað við sitt hæfi. Markmið félagsstarfsins er að fyrirbyggja félagslega einangrun og hvetja til skapandi athafna. Áhersla er lögð á fjölbreytt viðfangsefni þannig að það henti sem flestum. Listsköpun, handverk, sundleikfimi og spilamennska eru dæmi um starfsemina. |
|
11:55 |
19. jan. 2023 |
Gul veðurviðvörun vegna asahláku
Veðurstofan hefur gefið út gular veðurviðvaranir í öllum landshlutum vegna asahláku sem spáð er á morgun og varir fram á laugardag. Á Norðurlandi vestra er spáð sunnan 10-18 m/s og rigningu á köflum. Hiti gæti náð allt að 12 stigum og því má búast við talsverðu afrennsli vegna úrkomu og snjóbráðnunar og vexti í ám og lækjum.
Ísilagðar ár geta rutt sig og fólk er hvatt til að sýna aðgát vegna þess. |
|
11:49 |
19. jan. 2023 |
Byggðasamlögum slitið
Sveitarfélagið Skagaströnd vill verða leiðandi sveitarfélag í rekstri Tónlistarskóla Austur-Húnvetninga, náist samkomulag um það. Þetta kemur fram í fundargerð sveitarstjórnar Skagastrandar frá því í gær. Til umræðu var erindi Húnabyggðar um vilja sveitarfélagsins til þess að slíta samstarfsverkefnum sem rekin eru í byggðasamlögum eins og um félags- og skólaþjónustu, tónlistarskóla og menningar- og atvinnumál. |
|
16:16 |
18. jan. 2023 |
Íbúum á Norðurlandi vestra fækkar milli mánaða
Íbúum á Norðurlandi vestra fækkar um 20 milli mánaða samkvæmt tölum Þjóðskrár yfir fjölda íbúa eftir sveitarfélögum í janúar 2023. Íbúum fjölgar í öllum landshlutum nema á Norðurlandi vestra og eystra. Hlutfallslega mest hefur fjölgunin verið á Vesturlandi eða um 0,4%, sem er fjölgun um 72 íbúa. Af 64 sveitarfélögum fækkar íbúum í 25 sveitarfélögum en fjölgaði eða stóð í stað í 39 sveitarfélögum. Íbúum fækkaði í Skagafirði, Húnaþingi vestra og Húnabyggð á tímabilinu. |
|
15:59 |
18. jan. 2023 |
Húsnæðisáætlun Húnaþings vestra uppfærð
Húsnæðisáætlun Húnaþings vestra hefur verið uppfærð og gildir frá 2023-2032. Húsnæðisáætlanir voru fyrst unnar í fyrra en þeim er ætlað að draga fram mynd af því hver staða húsnæðismála er í hverju sveitarfélagi fyrir sig, greina framboð og eftirspurn eftir margvíslegum húsnæðisformum og setja fram áætlun um hvernig sveitarfélög ætla að mæta húsnæðisþörf til skemmri og lengri tíma. |
|
15:44 |
18. jan. 2023 |
Húsnæðisstuðningur fyrir 15-17 ára námsmenn
Á vef Húnabyggðar er athygli vakin á því að 15-17 ára námsmenn þurfi að sækja um húsnæðisstuðning fyrir hverja skólaönn. Húsnæðisstuðningur greiðist mánaðarlega fyrir mánuðinn á undan. Umsóknir vegna húsnæðisstuðnings þurfa að berast sveitarfélaginu eigi síðar 31. janúar næstkomandi. Umsókn er rafræn og gerð á vef Húnabyggðar. |
|
09:14 |
18. jan. 2023 |
Messufall í Blönduóskirkju
Því miður er kvöldmessu í Blönduóskirkju sem vera átti í kvöld, 18. janúar aflýst vegna veikinda. |
|
21:25 |
17. jan. 2023 |
Áttu efni í Húnavökuritið?
Nú er hafin vinna við öflun og undirbúning efnis í næsta Húnavökurit USAH sem mun koma út í sumarbyrjun. Við viljum benda á að efni í ritið þarf að berast til ritnefndar sem fyrst og eigi síðar en 20. febrúar. |
|
15:30 |
17. jan. 2023 |
Hunda og ketti þarf að skrá
Í tilkynningu á vef Skagastrandar eru hunda og kattaeigendur í sveitarfélaginu, sem ekki hafa skráð dýrin sín, hvattir til að drífa í því enda segja samþykktir sveitarfélagsins að það skuli gert. Dýr sem eru skráð stendur til boða ormahreinsun á vorin endurgjaldslaust. Þá eru skráðir hundar með ábyrgðartryggingu í gegnum tryggingar sveitarfélagsins en henni er ætlað að mæta skaðabótakröfum vegna tjóns sem hundur þriðja aðila. |
|
15:19 |
17. jan. 2023 |
FNV úr leik í Gettu betur
Fjölbrautaskóli Norðurlands vestra og Fjölbrautaskólinn í Garðabæ öttu kappi 16-liða úrslitum í Gettu betur í gærkvöldi. FG gekk betur í hraðaspurningunum og leiddi keppnina 16-8 að þeim loknum. Lið FNV tók við sér í bjölluspurningunum og unnu þann hluta keppninnar 10-6. Keppnin endaði því með 22-18 sigri Garðbæinga og þátttöku FNV í Gettu betur því lokið þennan veturinn. |
Til baka
Loka
Prenta
