|
21:48 |
03. jan. 2023 |
Félags- og tómstundastarf Húnabyggðar opnar aftur fimmtudaginn 5. janúar
Kæri íbúi/íbúar. Við stelpurnar Sísa, Sissú og Vallý óskum ykkur öllum gleðilegs nýs árs með þakklæti fyrir liðið ár. Opnum félags- og tómstundastarfið aftur fimmtudaginn 5. janúar. Starfsemin er opin hjá okkur á mánudögum og fimmtudögum frá klukkan 13:30-16:30. Um er að ræða þjónustu sem opin er öryrkjum og þeim sem eru 60 ára og eldri. Tómstundir eru mikill og stór þáttur í okkar daglega lífi. |
|
21:38 |
03. jan. 2023 |
Frá félags- og tómstundastarfi Húnabyggðar
Óskum eftir ókláruðum krosssaumspúðum, myndum og fleiru sem er unnið með krossaum. Kostur er að það væri ámálað á stramman en skoðum allt. Ef einhver vill losa sig við og gefa okkur fyrir iðkendur sem sækja starfi værum við mjög þakklát. Þetta mega vera ábyrjuð verkefni. |
|
17:01 |
03. jan. 2023 |
Nýr sóknarmaður til liðs við Kormák Hvöt
Meistaraflokksráð Kormáks Hvatar hefur gert samning við sóknarmanninn Ismael Sidibé um að hann leiki með liðinu næsta sumar. Ismael er frá Fílabeinsströndinni og Spáni og lék í 3. deild á Íslandi árið 2021 með Einherja á Vopnafirði. Skoraði hann 10 mörk í 13 leikjum, þar af tvær þrennur, en hann gekk til liðs við Einherja um mitt sumarið. |
|
16:47 |
03. jan. 2023 |
Byggðakvóta 2022-2023 úthlutað
Matvælaráðuneytið hefur ákveðið úthlutun á almennum byggðakvóta á fiskveiðiárinu 2022-2023. Úthlutað er til 51 byggðarlags í 29 sveitarfélögum. Heildarúthlutun eykst um 262 tonn milli ára og verða því breytingar á magni úthlutaðra þorskígildistonna til einstakra byggðalaga. Byggðalög með færri en 400 íbúa fá 3.271 þorskígildistonnum úthlutað, byggðalög með fleiri en 400 íbúa fá 1.629 þorskígildistonnum úthlutað. Alls fá 14 byggðalög lágmarksúthlutun og fjögur byggðalög fá hámarksúthlutun. |
|
17:29 |
02. jan. 2023 |
Ný heimasíða Húnabyggðar
Rétt fyrir jól opnaði sveitarfélagið Húnabyggð nýja heimasíðu, www.hunabyggd.is. Fram kemur á vefnum að nokkrir þættir síðunnar eru enn í vinnslu, m.a. fundargerðir og ýmis eyðublöð. Allar ábendingar varðandi nýju heimasíðunnar eru vel þegnar og skulu berast á magnus@hunabyggð.is. Búast má við að heimasíður gömlu sveitarfélaganna Blönduósbæjar og Húnavatnshrepps verði teknar niður á næstunni enda ekki uppfærðar lengur. |
|
14:31 |
02. jan. 2023 |
Ný heimasíða Ungmennafélagsins Hvatar
Tilkynning frá aðalstjórn Umf. Hvatar
Ný heimasíða Ungmennafélagsins Hvatar hefur nú verið sett í loftið, www.hvot.is. Er það von félagsins að ný heimasíða muni gjörbreyta upplýsingagjöf varðandi starfsemi félagsins til iðkenda, félaga, foreldra og annarra hagsmunaaðila. |
|
20:59 |
01. jan. 2023 |
Val á manni ársins 2022 í Austur-Húnavatnssýslu
Allir lesendur Húnahornsins eru hvattir til að taka þátt í valinu
Líkt og undanfarin 17 ár býður Húnahornið lesendum sínum að velja mann ársins í Austur-Húnavatnssýslu. Við biðlum til lesenda að senda inn tilnefningu í gegnum þar til gerðan rafrænan atkvæðaseðil. Hver og einn getur sent inn eina tilnefningu og er jafnframt óskað eftir ástæðu tilnefningarinnar. Maður ársins í Austur-Húnavatnssýslu getur verið einn einstaklingur eða hópur manna. |
|
00:01 |
01. jan. 2023 |
Gleðilegt nýtt ár og takk fyrir það gamla
Nýárskveðja frá Húnahorninu
Húnahornið óskar Húnvetningum og landsmönnum öllum farsældar á nýju ári 2023 og þakkar fyrir góð samskipti og samfylgdina á árinu 2022. Megi nýja árið reynast öllum Húnvetningum gæfuríkt og gott. |
|
11:50 |
31. des. 2022 |
Árið kvatt með brennum og flugeldasýningum
Gamla árið verður kvatt í kvöld með brennum og flugeldasýningum í Húnavatnssýslum. Á Hvammstanga verður flugeldasýning við höfnina og hefst hún klukkan 21. Á Blönduósi verður kveikt í brennunni á Miðholti klukkan 20:30 og flugeldasýning hefst stuttu síðar. Á Skagaströnd hefst blysför að áramótabrennunni klukkan 20:30 og flugeldasýning hefst 20:45. Húnahornið brýnir fólk að sýna fyllstu aðgát við notkun flugelda og blysa. Brýnt er að gæta þess að börn séu ekki að nota skotelda sem þau hafa ekki þroska til að fara með og að þau séu í öruggu skjóli. |
|
18:03 |
30. des. 2022 |
Skotfélagið Markviss veitti viðurkenningar fyrir góðan árangur á árinu
Skotfélagið Markviss veitti í gær keppnisfólki sínu viðurkenningar fyrir árangur á árinu sem er að líða. Skotíþróttafólk ársins hjá félaginu voru valin Jón B. Kristjánsson í kúlugreinum og Snjólaug M. Jónsdóttir í haglagreinum. Í flokknum Ungir og efnilegir fengu Ólafur Benóný Hafliðason og Samúel Ingi Jónsson viðurkenningar fyrir ástundun, framfarir og góðan árangur. |
|
17:52 |
30. des. 2022 |
Slökkvilið Skagastrandar gerir upp árið
Á facebooksíðu Slökkviliðs Skagastrandar er litið um öxl og farið stuttlega yfir starf þess á árinu sem er að líða. Þar kemur meðal annars fram að slökkviliðið samanstendur af 15 einstaklingum og að töluverð endurnýjun mannskaps hafi orðið á árinu, menn hætt sökum aldurs og af öðrum ástæðum. |
|
13:38 |
30. des. 2022 |
Brekkubyggð 5 er Jólahús ársins 2022 í Húnabyggð
Valið af lesendum Húnahornsins
Lesendur Húnahornsins hafa valið Brekkubyggð 5 sem Jólahús ársins 2022 í Húnabyggð. Húsið er ríkulega skreytt jólaljósum sem fangar hinn sanna jólaanda og sannarlega vel að viðurkenningunni komið. Eigendur hússins eru Lára Dagný Sævarsdóttir og Ási Hrafn Grétarsson. Þetta er í þriðja sinn sem hús á Brekkubyggð fær viðurkenningu í jólaleiknum, fyrst árið 2001, þegar leikurinn hóf göngu sína, og svo árið 2019. |
|
12:59 |
30. des. 2022 |
Sigríður Soffía Þorleifsdóttir er Íþróttamaður ársins 2022 hjá USAH
Kjör Íþróttamanns ársins 2022 hjá USAH var tilkynnt í gær við athöfn í Íþróttamiðstöðinni á Blönduósi. Íþróttamaður ársins var valin Sigríður Soffía Þorleifsdóttir frá Ungmennafélagi Bólstaðarhlíðarhrepps en hún keppir í frjálsum íþróttum. |
|
23:38 |
29. des. 2022 |
Flugeldasala Björgunarfélagsins Blöndu
Flugeldasala Björgunarfélagsins Blöndu er hafin og er á Hafnarbraut 6 á Blönduósi. Á morgun föstudag er opið klukkan 14-22 og á gamlársdag klukkan 10-14. Heitt er á könnunni. Klukkan 20:30 á gamlárskvöld verður brenna á Miðholti og flugeldasýning í kjölfarið. Þeir sem ekki vilja kaupa flugelda en vilja styrkja sveitina er bent á að hægt er að leggja inn á reikning hennar númer 0307-26-1999, kt. 671299-2569. |
|
10:20 |
29. des. 2022 |
Styrktarbingó á Skagaströnd
Haldið verður bingó á veitingastaðnum Harbour á Skagaströnd föstudagskvöldið 30. desember klukkan 20 til styrktar fjölskyldu Evu Hrundar. Bingóið verður einnig í beinu streymi. Í auglýsingu um viðburðinn segir að í boði verða flottir og veglegir vinningar, m.a. frá Ölgerðinni, Fiskmarkaðnum, Nuddstofu Ernu, Kjörbúðinni, Blöndusport og Ísgel. Spjaldið kostar 1.500 krónur og þrjú spjöld eru á 4.000 krónur. Fólk nær og fjær getur spilað, þar sem hægt er að senda spjöldin í pósti. |
Til baka
Loka
Prenta
