|
20:17 |
26. mars 2020 |
Blautklútar eiga ekki að fara í klósettið - Hendið þeim í ruslið
Tilkynning frá Blönduósbæ
Mikið magn af blautklútum, t.a.m. sótthreinsiklútum er í fráveitukerfinu. Svo virðist sem magn slíkra klúta, sem hent er í salerni, hafi aukist undanfarna daga og hefur það skapað mikið álag á allan búnað hreinsistöðvarinnar og hjá starfsfólki. |
|
19:37 |
26. mars 2020 |
Hefur ekki fengið sumarfrí í átta ár
Dýralæknirinn Ingunn Reynisdóttir hefur sagt upp þjónustusamningi sínum við Húnavatnssýslur. Hún hefur séð um dýralækningar fyrir Matvælastofnun í Húnavatnssýslum frá 2012 og er eini dýralæknirinn sem býr á svæðinu. Hún tilkynnti um það á Facebook síðu sinni að hún hefði sagt upp samningnum.
Hún segir að ástæðan fyrir uppsögn sé búin að vera að hlaðast upp á löngum tíma þar sem hún sinni alltof stóri svæði, engar séu afleysingar og að hún hafi ekki fengið sumarfrí í átta ár. |
|
14:59 |
26. mars 2020 |
Óskað eftir fólki í bakvarðasveit HSN
Í heimsfaraldrinum sem nú geisar getur komið upp sú staða að starfsemi viðkvæmra eininga á heilbrigðisstofnunum raskist með mögulegu þjónusturofi viðkvæmra hópa. Til að koma í veg fyrir það leitar Heilbrigðisstofnun Norðurlands til almennings um aðstoð. Hún er fólgin í að einstaklingar sem geta og vilja, fylla út skráningarform á vef stofnunarinnar þar sem fram kemur hvaða störfum viðkomandi getur sinnt. Ef upp kemur sú staða að auka þurfi við mannskap verður haft samband. |
|
13:00 |
26. mars 2020 |
Styrkir úr safnasjóði til húnvetnskra safna
Heimilisiðnaðarsafnið á Blönduósi og Byggðasafn Húnvetninga og Strandamanna hafa fengið styrki úr safnasjóði en tilkynnt var um úthlutun þeirra nýverið. Það er mennta- og menningarmálaráðherra sem úthlutar styrkina úr safnasjóði að fenginni umsögn safnaráðs. Veittir voru 111 styrkir til 48 styrkþega til eins árs og nam heildarfjárhæðin um 139,5 milljónir króna. Einnig voru veittir 13 Öndvegisstyrkir til viðurkenndra safna til næstu þriggja ára. |
|
11:55 |
26. mars 2020 |
Eitt smit bættist við í Húnaþingi vestra í gær
Aðeins fjölgaði um eitt staðfest Covid-19 smit í Húnaþingi vestra í gær. Alls hafa verið tekin 74 sýni og þar af hafa 17 verið jákvæð. Fleiri sýni verða tekin í dag. Fyrirspurnum í gegnum vefsíðu sveitarfélagsins varðandi Covid-19 fer fækkandi með hverju deginum en þær eru nú samtals 43. Flestir fá svör sín á vefsíðunni þar sem algengum spurningum vegna úrvinnslusóttkvíar er svarað. Sértækum spurningum er svarað sérstaklega af aðgerðastjórn, að því er fram kemur á vef Húnaþings vestra. |
|
11:40 |
26. mars 2020 |
Hugmyndaríkir íbúar í Húnaþingi vestra
Íbúar í Húnaþingi vestra sem eru í úrvinnslusóttkví leita margra leiða til að skemmta sér og öðrum. Á samfélagsmiðlum má finna skemmtilegt myndband sem nokkrir tónelskir félagar, sem koma oft saman til að spila og syngja, fundu leið með hjálp tækninnar til að halda því áfram, þrátt fyrir að vera ekki allir á sama staðnum. |
|
07:03 |
26. mars 2020 |
Ásgeir Trausti á tónleikum í kvöld
Húnvetningurinn Ásgeir Trausti ríður á vaðið í kvöld á tónleikum Hljómahallar og Rokksafns Íslands. Þar sem gestir komast ekki á tónleikana í Hljómahöll og loka þurfti Rokksafninu þá geta gestir kíkt í rafræna heimsókn. Boðið verður upp á beina útsendingu frá tónleikunum á Facebook síðu Hljómahallar og hefjast þeir klukkan 20. |
|
21:30 |
25. mars 2020 |
Höfðaskóli opnar á ný
Sýni sem tekið var á Skagaströnd vegna hugsanlegs Covid-19 smits reyndist neikvætt. Höfðaskóli var lokaður í dag í varúðarskyni vegna gruns um smit en í ljósi þessara gleðilegu tíðinda getur skólinn opnað aftur á morgun. Sama fyrirkomulag verður á kennslu og í byrjun vikunnar. Yngsta stig og unglingastig mæta í skóla en miðstig verður heima. |
|
15:09 |
25. mars 2020 |
Lyfja breytir opnunartíma
Lyfja á Blönduósi hefur breytt opnunartíma apóteksins. Nú er opið frá klukkan 11-16 mánudaga til föstudaga. Á lyfja.is er hægt að panta lyf rafrænt og fá þau send í næsta apótek Lyfju. |
|
12:23 |
25. mars 2020 |
Afgreiðslum lögreglu á Norðurlandi vestra lokað
Lögreglan á Norðurlandi vestra hefur lokað tímabundið afgreiðslum sínum og er það liður í auknum smitvörnum vegna Covid-19 faraldursins. Ef ná þarf sambandi við skrifstofu lögreglunnar á Norðurlandi vestra er hægt að hafa samband í síma 444 0700 á milli klukkan 9-15 alla virka daga eða í gegnum netfangið nordurland.vestra@logreglan.is. Þetta kemur fram í tilkynningu á Facebook. |
|
10:07 |
25. mars 2020 |
Góð gjöf fyrir íbúa Sæborgar
Dvalar- og hjúkrunarheimilið Sæborg á Skagaströnd barst góð gjöf í gær. Nokkur fyrirtæki tóku sig saman og gáfu heimilinu Ipad ásamt öllu sem til þarf svo íbúar geti haft samband í mynd við ættingja og vini. Á Facebook síðu Sæborgar kemur fram að íbúar taki heimsóknarbanninu, sem staðið hefur yfir í 18 daga, með miklu jafnaðargeði, enda „kannski ekki við öðru að búast af fólki sem hefur upplifað tímanna tvenna.“ |
|
08:48 |
25. mars 2020 |
Smitum fjölgar í Húnaþingi vestra
Sextán Covid-19 smit hafa verið staðfest í Húnaþingi vestra og eru 290 einstaklingar skráðir í sóttkví í sveitarfélaginu eða um 24% íbúa. Alls hafa 69 sýni verið tekin, þarf af eru 43 neikvæði, en ekki eru komnar niðurstöður úr tíu sýnum. Vegna ástandsins eru daglegir fundir hjá vettvangsstjórn og aðgerðastjórn á Sauðárkróki og hjá stjórnendum sveitarfélagsins. Þá funda skólastjórnendur daglega með sínu fólki. Allar stofnanir sveitarfélagsins eru lokaðar fyrir gestakomum. |
|
22:06 |
24. mars 2020 |
Höfðaskóla lokað í varúðarskyni
Upp er kominn grunur um Covid-19 smit í Höfðaskóla á Skagaströnd. Skólanum hefur því verið lokað í varúðarskyni. Kennsla færist alfarið yfir í fjarkennslu frá og með morgundeginum 25. mars. Fyrirkomulag kennslunnar verður með þeim hætti þangað til niðurstöður eru komnar úr sýnatöku. Þetta kemur fram í tilkynningu á vef Höfðaskóla í dag. |
|
21:47 |
24. mars 2020 |
Fimm gjaldfrjáls fjarnámskeið í boði
Farskólinn í samstarfi við Samtök sveitarfélaga á Norðurandi vestra og Stéttarfélögin Ölduna, Verslunarmannafélag Skagafjarðar, Sameyki, Samstöðu og Kjöl býður íbúum Norðurlands vestra á fimm fjarnámskeiða sem öll verða haldin fyrir páska. „Námskeiðin eru sniðin að aðstæðum sem við öll búum við á þessum fordæmalausu tímum og geta vonandi nýst íbúum svæðisins. Þessi námskeið eru öllum opin og gjaldfrjáls fyrir alla íbúa svæðisins. Það er von okkar allra sem að þessu stöndum að þetta nýtist og þið hafið gagn og gaman af,“ segir í tilkynningu á vef SSNV. |
|
18:13 |
24. mars 2020 |
Miðlæg afleysingaþjónustu fyrir bændur
Bændasamtökin, í samstarfi við aðildarfélög sín, vinna að því að koma á fót miðlægri afleysingaþjónustu fyrir bændur. Óskað er eftir áhugasömum aðilum á viðbragðslista sem geta leyst tímabundið af á búum komi til þess að bændur veikist af Covid-19 veirunni. Bændur þurfa að hafa vinnuhandbók aðgengilega komi til þess að kalla þurfi eftir afleysingu. |
Til baka
Loka
Prenta
