|
09:12 |
13. mars 2024 |
Sveitarstjórn Húnaþings vestra ætlar að leggja sitt af mörkum til að tryggja stöðugleika
Sveitarstjórn Húnaþings vestra hefur ákveðið að þær gjaldskrár sem hækkaðar voru um 5,5% um áramótin verði lækkaðar í sem nemur 3,5% hækkun frá árinu 2023. Sérstaklega verði horft til gjaldskrár sem varða barnafjölskyldur, einkum skólastofnana og íþróttamiðstöðvar. Þá ætlar sveitarfélagið að bjóða gjaldfrjálsar skólamáltíðir frá og með næsta hausti. Tilefnið er nýlega gerður kjarasamningur milli félaga ASÍ og Samtaka atvinnulífsins. |
|
16:02 |
12. mars 2024 |
32. ársþing SSNV haldið á Blönduósi í apríl
Orkunýting, sjálfbærni og nýsköpun er yfirskrift ársþings Samtaka sveitarfélaga á Norðurlandi vestra sem haldið verður í Félagsheimilinu á Blönduósi fimmtudaginn 11. apríl næstkomandi. Dagskrá þingsins hefst klukkan 9 og stendur til 14:30 en það fer með æðsta vald í málefnum samtakanna. Á þinginu eiga sæti fulltrúar sveitarfélaganna og hafa þeir einir atkvæðisrétt sem til þess eru kjörnir. Þingið er opið til áheyrnar kjörnum fulltrúum í sveitarstjórnum, framkvæmdastjórnum og starfsfólki sveitarfélaga, sem og starfsfólki SSNV og tengdra verkefna á Norðurlandi vestra. |
|
10:20 |
12. mars 2024 |
Upplýsingafundur um riðu
Matvælastofnun heldur upplýsingafund um riðu í BHS salnum á Húnabraut 13 á Blönduósi í kvöld klukkan 20. Fulltrúar Matvælastofnunar og Rannsóknarmiðstöðvar landbúnaðarins hafa framsögu og svara spurningum. Fundurinn er opinn öllum. Á vef MAST er fjallað um aðgerðir gegn riðu í Austur-Húnavatnssýslu en eins og fram kom í fréttum í byrjun árs greindist riða í skimunarsýni í sláturhúsi úr kind frá bænum Eiðsstöðum í Blöndudal. |
|
08:56 |
12. mars 2024 |
Aðalfundur Félags eldri borgara í Húnaþingi
Aðalfundur Félags eldri borgara í Húnaþingi verður haldinn 13. mars 2024 klukkan 15.00 í Félagsheimilinu á Blönduósi. Dagskrá: Fundur settur, skýrsla stjórnar, seikningar félagsins, kosningar, kaffihlé, árgjald ákveðið, reikningar og málefni Sólhvamms, önnur mál. Hittumst hress og eigum góða stund saman. Nýir félagsmenn ávallt velkomnir. |
|
10:03 |
11. mars 2024 |
Ljósmyndasýning Héraðsskjalasafns A-Hún.
Ljósmyndasýning verður haldin á morgun þriðjudaginn 12. mars klukkan 16:00 að Hnjúkabyggð 30 í húsnæði Héraðsskjalasafns og Héraðsbókasafns. Þar verða sýndar nokkrar myndir, á tjaldi, frá ýmsum tímum og eru myndirnar að mestu leiti úr safni Sigursteins Guðmundssonar. Að þessu sinni eru myndirnar af fólki sem þarf að bera kennsl á. |
|
09:08 |
11. mars 2024 |
"Fegrunarmörk" - sýningaropnun!
Listsýningin "Fegrunarmörk" verður opnuð í Hillebrandtshúsi laugardaginn 16. mars nk. kl. 16:00.
Vorið er að koma og með því kemur fegurðin í öllum sínum myndum! Komið, fagnið og
veltið fyrir ykkur hugmyndum um mannlega fegurð á þessari sérstöku listsýningu.
Á sýningunni verða verk frá listafólki í héraði sem deila eigin sýn á mannlegri fegurð.
Lifandi tónlist og léttar veitingar - sjáumst fljótlega! |
|
14:51 |
08. mars 2024 |
Snædís Karen fær að snúa heim
Náttúrufræðistofnun Íslands hefur samþykkt beiðni byggðarráðs Húnabyggðar um að uppstoppaða bjarndýrið sem fellt var 17. júní árið 2008 við Hraun á Skaga verði til sýnis í stjórnsýsluhúsinu á Blönduósi. Ísbirnan, fékk nafnið Sædís Karen á sínum tíma, er nokkuð stór þó hún sé lítið dýr miðað við önnur dýr úr Austur-Grænlandsstofninum.
Hæð hennar er um 1,30 metrar og lengdin um 1,75 metrar. Ísbirnan gekk á land 16. júní og hélt sig í æðarvarpinu á Hrauni. Tilraun var gerð til þess að ná henni lifandi enn það tókst ekki og var dýrið því fellt. Birnan er talin hafa verið 12-13 ára og að hún hafi komið upp þremur lifandi húnum. |
|
13:26 |
08. mars 2024 |
Árshátíð Húnaskóla velheppnuð og vel sótt
Hefðbundið skólastarf í Húnaskóla var lagt til hliðar í tvær vikur á meðan æfingar stóðu yfir fyrir árshátíð skólans sem haldin var síðasta dag febrúarmánaðar. Á vef Húnaskóla segir að uppskeran hafi verið mjög góð og að nemendur hafi notið sín vel á sviðinu eftir stífar æfingar. Þá hafi litrík og falleg leikmynd, búningar og förðun stutt vel við leikarana og árshátíðargestir notið glæsilegs kökuhlaðborð og tveggja söngatriða. |
|
21:32 |
07. mars 2024 |
Messa í Blönduóskirkju 8. mars
Frá sóknarpresti
Messa í Blönduósskirkju föstudaginn 8. mars og hefst messan klukkan 17:00. Allur tónlistarflutningur er í höndum nemenda Tónskóla Þjóðkirkjunnar og kórstjóranemum úr LHÍ. Fluttir verða sálmar eftir Hallgrím Pétursson í útsetningu Smára Ỏlasonar.
Sr. Edda Hlíf þjónar fyrir altari og meðhjálpari er Jón Aðalsteinn. Verið hjartanlega velkomin. |
|
14:33 |
07. mars 2024 |
Kvennakórinn Sóldís með tónleika á Blönduósi
Kvennakórinn Sóldís ætlar að syngja lögin hans Magga Eiríks í Blönduóskirkju þriðjudaginn 12. mars næstkomandi klukkan 20. Söngstjóri er Helga Rós Indriðadóttir og einsöngvarar eru Gunnhildur og Kristvina Gísladætur, Helga Rós Indriðadóttir og Elín Jónsdóttir. Hljómsveit skipa Rögnvaldur Valbergsson, Guðmundur Ragnarsson, Steinn Leó Sveinsson og Sigurður Björnsson. Aðgangseyrir er 5.000 krónur. |
|
14:25 |
07. mars 2024 |
Húnabyggð í átaksverkefni er varða stöðuleyfi
Húnabyggð hefur farið að stað með átaksverkefni sem varða stöðuleyfi í sveitarfélaginu. Fram kemur á vef Húnabyggðar að skipulags- og byggingarfulltrúi hafi á síðustu vikum farið um sveitarfélagið og skoðað gáma, báta, hjólhýsi og frístundarhús sem eru í smíðum, sem ætlað er til flutnings og eru ekki með útgefin stöðuleyfi. Tekið er fram að sækja þurfi um stöðuleyfi til að láta lausafjármundi standa lengur en tvo mánuði utan svæða sem sérstaklega eru skipulögð og ætluð til geymslu slíkra lausafjármuna, þar með talið lóðum. |
|
11:33 |
06. mars 2024 |
Brýn þörf á aðstöðu fyrir aðgerðastjórn
Lögreglustjórinn á Norðurlandi vestra hefur sent sveitarstjórnum á svæðinu bréf þar sem fjallað er um brýna þörf á uppsetningu aðstöðu fyrir aðgerðastjórn í landshlutanum. Í bréfinu er lagt til að aðstöðunni verði komið fyrir til bráðabirgða í húsnæði Björgunarsveitarinnar Skagfirðingasveitar. Áfram munu verða starfræktar aðgerðastjórnir í Húnavatnssýslum þegar upp koma atburðir sem þess krefjist. |
|
11:22 |
06. mars 2024 |
Ráðist í endurbætur á Félagsheimilinu Hvammstanga
Húnaþing vestra og menningar- og viðskiptaráðuneytið hafa gert með sér samning um endurbætur á Félagsheimilinu Hvammstanga, sem eru fyrir löngu orðnar tímabærar. Framlag ráðuneytisins nemur 40 milljónum króna. Fyrir liggur úttekt á ástandi hússins sem unnin var árið 2020 og er ráðgert að ráðast í endurnýjun þaks í sumar, að því er segir á vef Húnaþings vestra. |
|
14:07 |
05. mars 2024 |
Aðalfundur Kirkjugarðs Blönduóss
Aðalfundur Kirkjugarðs Blönduóss verður haldinn í salnum í Glaðheimum miðvikudaginn 13. mars 2024 klukkan 17. Dagskrá: Fundur settur, kosning starfsmanna, fundargerð síðasta aðalfundar lesin og afgreidd, skýrsla stjórnar, umræða um skýrslu og reikninga, afgreiðsla reikninga, önnur mál og fundarslit. Kjörið tækifæri fyrir áhugasama að mæta á fundinn og ræða málin. |
|
11:52 |
04. mars 2024 |
Gærurnar gáfu Ỏríon Playstation tölvu
Gærurnar, hópur kvenna sem halda úti nytjamarkaði á Hvammstanga, hafa fært félagsmiðstöðinni Ỏríon á Hvammstanga Playstation tölvu að gjöf, auk fjarstýringa fyrir tölvuna. Unglingarnir í félagsmiðstöðinni leituðu til kvennanna með bréfi þar sem spurt var hvort þær gætu aðstoðað með kaup á tölvunni. Ekki stóð á svörum frá Gærunum og komu þær færandi hendi með tölvuna nýverið. Krakkar í félagsmiðstöðinni og starfsfólk tóku við þessari höfðinglegu gjöf og var gleðin mikil. Sagt er frá þessu á vef Húnaþings vestra. |
Til baka
Loka
Prenta
