|
11:44 |
04. mars 2024 |
Samstarfssamningur um tilraunaverkefni í þágu farsældar barna í Húnaþingi vestra
Ásmundur Einar Daðason mennta- og barnamálaráðherra og Unnur Valborg Hilmarsdóttir sveitarstjóri Húnaþings vestra hafa skrifað undir samstarfssamning um tilraunaverkefni í þágu farsældar barna í Húnaþingi vestra. Í verkefninu felst ráðning tengslafulltrúa ungmenna sem hefur það hlutverk að vinna með börnum og ungmennum í sveitarfélaginu. Mun tengslafulltrúinn vinna með þeim að innleiðingu farsældarlaganna, vera tengiliður þeirra við stjórnkerfið og stofnanir með áherslu á virka þátttöku þeirra í tómstunda- og frístundastarfi. |
|
20:53 |
03. mars 2024 |
Rekstrarstjóri - einstakt tækifæri í fæðubótargeiranum
Frá Foodsmart Nordic
Foodsmart Nordic leitar að aðila til að stýra nýrri og glæsilegri starfsemi á Blönduósi sem hóf framleiðslu í lok síðasta árs.
Starfið felur í sér yfirumsjón og ábyrgð á aðfangakeðju og framleiðslu á fæðubótarvörum, allt frá innkaupum og birgðahaldi á hráefnum til framleiðslu og afhendingar. Foodsmart Nordic starfar eftir BRC-vottuðu gæðastjórnunarkerfi. |
|
19:02 |
02. mars 2024 |
106. ársþing USAH verður laugardaginn 16. mars
Tilkynning frá stjórn USAH
106. ársþing USAH verður haldið í matsal Húnaskóla á Blönduósi þann 16. mars og hefst klukkan 16:00. |
|
09:05 |
01. mars 2024 |
Ný reglugerð um umferðarmerki
Innviðaráðherra hefur undirritað reglugerð um umferðamerki og notkun þeirra númer 250/2024. Um er að ræða nýja heildarreglugerð um umferðarmerki sem unnin var af starfshópi skipuðum í september 2019. Í starfshópnum áttu sæti fulltrúi Vegagerðarinnar sem leiddi hópinn og fulltrúar ráðuneytisins, Samgöngustofu, lögreglunnar á höfuðborgarsvæðinu, Reykjavíkurborgar og Sambands íslenskra sveitarfélaga. |
|
13:12 |
29. feb. 2024 |
Stuðningsmenn safna fyrir myndavél
Nokkrir stuðningsmenn knattspyrnuliðsins Kormáks Hvatar hafa mikinn áhuga á því að liðið eignist svokallaða „Sports camera“ og hafa efnt til söfnunar. Myndavélar þessar eru þeim eiginleikum gæddar að elta boltann sjálfkrafa og ná öllum vellinum í einu. Þeim er komið fyrir á þrífæti sem getur náð upp í 7 metra hæð og hægt er að stilla á upptöku í gegnum síma, og svo sér tæknin um rest. Að leik loknum er honum hlaðið niður og með aðstoð forrits er hægt að draga út og skoða hin ýmsu atriði og nýtist vélin þannig í faglegt starf þjálfara. |
|
10:33 |
29. feb. 2024 |
Auglýst eftir umsjónaraðila 17. júní hátíðarhalda í Húnaþingi vestra
Húnaþing vestra auglýsir eftir aðila, félagasamtökum eða einstaklingum sem eru reiðubúnir að taka að sér umsjón með undirbúningi og framkvæmd hátíðarhalda á Hvammstanga á þjóðhátíðardaginn 17. júní 2024. Áhugasamir geta skilað umsóknum þar um til Tönju Ennigarð, íþrótta- og tómstundafulltrúa tanja@hunathing.is eða skrifstofu Húnaþings vestra fyrir 11. mars næstkomandi. Í umsókn þurfa að koma fram hugmyndir umsækjanda um dagskrá og annað er lítur að framkvæmd hátíðarhaldanna. |
|
10:29 |
29. feb. 2024 |
Dreifnámið sett í endurskoðun
Endurskoða á dreifnám Fjölbrautarskóla Norðurlands vestra á Hvammstanga og Blönduósi og er gert ráð fyrir að stofnaður verði starfshópur um endurskoðunina sem skili tillögum og samantekt 1. júní næstkomandi til sveitarstjórna í Húnavatnssýslum. Félags- og skólaþjónusta A-Hún. hefur sent sveitarstjórnum bréf þar sem fram kemur tillaga að erindisbréfi starfshópsins. |
|
10:17 |
29. feb. 2024 |
Fjörutíu og átta tillögur bárust í nafnasamkeppni
Alls bárust 48 tillögur í nafnasamkeppni Sveitarfélagsins Skagastrandar fyrir nafn á nýja fuglaskoðunarhúsið á Spákonufellshöfða. Sveitarstjórn hefur tekið ákvörðun um nafngiftina en hún verður ekki opinberuð fyrr en í vor þegar húsið verður formlega tekið í notkun. Síðastliðið haust hófst smíði við fuglaskoðunarhúsið eftir langan aðdraganda en húsið er hannað af Auði Hreiðarsdóttur arkitekt hjá ESJA Architecture. |
|
21:24 |
27. feb. 2024 |
Norðanpaunk fékk úthlutað úr nýjum Tónlistarsjóði
Nýverið var úthlutað í fyrsta sinn úr nýjum Tónlistarsjóði. Sjóðurinn byggir á tónlistarstefnu til ársins 2030 og heildstæðri löggjöf um tónlist sem samþykkt var á Alþingi í fyrra. Hlutverk hans er m.a. að efla íslenska tónlist, hljóðritagerð og þróunarstarf í íslenskum tónlistariðnaði með fjárhagslegum stuðningi. Sjóðurinn skal einnig stuðla að kynningu á íslensku tónlistarfólki og tónsköpun þeirra hér á landi sem erlendis. Norðanpaunk var á meðal verkefna sem fékk úthlutað úr sjóðnum. |
|
18:27 |
27. feb. 2024 |
Norskt leiðangursskip í Hvammstangahöfn
Norska leiðangursskipið Sjovejen liggur við bryggju í Hvammstangahöfn. Skipið er 331 brúttótonn og er komið til að taka upp farþega á leið í fjögurra daga siglingu til Grænlands á vegum franskrar ferðaskrifstofu, að því er segir á vef Húnaþings vestra. Rúmar það 12 farþega. Skipið mun hafa þrjár viðkomur í Hvammstangahöfn í febrúar og mars. |
|
18:20 |
27. feb. 2024 |
Landsvirkjun býður í fræðslumolakaffi á Blönduósi
Miðvikudaginn 20. mars næstkomandi verður opið hús í félagsheimilinu á Blönduósi þar sem til umfjöllunar eru málefni tengd Blöndustöð. Húsið opnar með kaffiveitingum klukkan 16:30 og eru íbúar í nærsamfélaginu og nágrannasveitum sérstaklega hvattir til að mæta. Dagskráin hefst svo klukkan 17 og er áætlað að hún standi til 18:30. Dagkránni verður streymt fyrir þau sem ekki eiga heimangengt en hlekkur á streymið verður auglýstur síðar. |
|
11:32 |
27. feb. 2024 |
Minnum á skráningu í sumarferðina
Frá Félagi eldri borgara í Húnaþingi
Minnum á að skráningu í ferðina um Austurland 23.-25. ágúst 2024 lýkur föstudaginn 1. mars næstkomandi. Áhugasamir skrái sig í ferðina hjá Magnúsi Ỏlafssyni s. 8985695 netfang mao@centrum.is og Ásgerði Pálsdóttur s. 8974341 netfang geitaskard@emax.is í síðasta lagi föstudaginn 1. mars 2024. |
|
16:41 |
26. feb. 2024 |
Skákmót Skagastrandar 2024
Einkahlutafélagið H-59 á Skagaströnd hefur í hyggju að standa árlega fyrir skákmóti sem kallast Skákmót Skagastrandar. Þrenn verðlaun verða veitt fyrir þrjú efstu sætin og sá aðili sem verður efstur á hverju ári fær titilinn Skákmeistari Skagastrandar. „Um langt árabil fyrir nokkuð löngu síðan voru svona mót haldin árlega og nú viljum við reyna að taka upp þráðinn á nýjan leik,“ segir á vef Skagastrandar. |
|
16:36 |
26. feb. 2024 |
Árshátíð Húnaskóla 2024
Árshátíð Húnaskóla 2024 verður haldin fimmtudaginn 29. febrúar klukkan 19 í Félagsheimilinu á Blönduósi. Húsið opnar hálftíma fyrr. Aukasýning verður sunnudaginn 3. mars klukkan 14. Nemendur í 7. bekk sýna leikritið Kardemommubæinn í leikstjórn Jóhönnu Stellu Jóhannsdóttur og nemendur í 8.-10 bekk sýna Dýrin í Hálsaskógi í leikstjórn Gunnars Sturlu Hervarssonar. Eftir leiksýningu verður söngkeppni og veislukaffi í danssalnum. Þegar formlegri dagskrá lýkur verður ball fyrir 7.-10 bekk til klukkan 23. |
|
15:44 |
26. feb. 2024 |
Umsóknir um orlofshús 2024
Frá Stéttarfélaginu Samstöðu
Nú er komið að sumarumsóknum orlofshúsa 2024 og geta félagsmenn okkar sótt um vikudvöl á eftirfarandi stöðum: Illugastöðum, Einarsstöðum, Ölfusborgum, Jötnagarðsás við Munaðarnes og Reynivelli hjá Reykholti. Félagsmenn geta nálgast umsóknareyðiblöð til útprentunar á heimasíðu félagsins: www.samstada.is eða nálgast það á skrifstofum félagsins á Blönduósi eða Hvammstanga. |
Til baka
Loka
Prenta
