|
11:16 |
21. mars 2024 |
Golfklúbburinn Ỏs hlaut hvatningarverðlaun Ungmennasambands Austur-Húnvetninga
Ungmennasamband Austur-Húnvetninga hélt ársþing sitt nýverið. Næstum fullt hús var á þinginu en af 36 þingfulltrúum frá aðildarfélögum mættu 35. Átta tillögur voru lagðar fyrir þingið og voru þær allar samþykktar með smávægilegum breytingum. Snjólaug Jónsdóttir var kosin áfram formaður USAH. Eyþór Franzson Wechner gaf ekki kost á sér til áframhaldandi setu sem varaformaður USAH og tók Brynhildur Erla Jakobsdóttir við sæti hans. |
|
11:22 |
20. mars 2024 |
Norðaustan stórhríð á morgun
Veðurstofan hefur gefið út gula veðurviðvörun fyrir Strandir og Norðurland vestra á morgun fimmtudag en hún gildir frá klukkan 08:00 til 02:00. Spáð er norðaustan 15-23 m/s og snjókomu eða slyddu og talsverðri ofankomu á Ströndum. Búast má við slæmu skyggni og versnandi færð. Gefin hefur verið út appelsínugul veðurviðvörun fyrir Vestfirði á sama tíma. |
|
11:11 |
20. mars 2024 |
Leikflokkur Húnaþings vestra verðlaunaður
Leikflokkur Húnaþings vestra hefur hlotið viðurkenninguna framúrskarandi verkefni á sviði menningar 2023 sem veitt er af Samtökum sveitarfélaga á Norðurlandi vestra. Leikflokkurinn fær viðurkenninguna fyrir leikritið Himinn og jörð eftir Ármann Guðmundsson en söngleikurinn var saminn fyrir leikflokkinn við 16 lög Gunnars Þórðarsonar. Þá hefur leikflokkurinn getið af sér gott orðspor við uppsetningu á á öðrum verkefnum. |
|
16:13 |
19. mars 2024 |
Fróðleiksmolakaffi Landsvirkjunar og vefstreymi
Á morgun, miðvikudaginn 20. mars, verður dagskrá á vegum Landsvirkjunar í Félagsheimilinu á Blönduósi. Húsið opnar klukkan 16:30 með kaffi og kleinum, en í framhaldinu koma þrjú 20-30 mínútna erindi tengd náttúrunni við Blöndu. Þau sem ekki eiga heimangengt geta fylgst með í streymi (https://www.youtube.com/watch?v=nuFIw1MpJcE) sem hefst klukkan 17 og líkur um 18:30. |
|
13:22 |
19. mars 2024 |
Vinnustofa um mótun loftslagsstefnu
FRESTAÐ VEGNA VEÐURS
Á föstudaginn klukkan 12:30-16:00 verður haldin vinnustofa á Hótel Laugarbakka til að ræða framtíðarsýn sveitarfélaganna í Húnavatnssýslum í loftslagsmálum. Allir sem hafa áhuga á loftslagsmálum og framtíð sveitarfélaganna Húnabyggðar, Húnaþings vestra, Skagabyggðar og Sveitarfélagsins Skagastrandar eru hvattir til að taka þátt. „Til þess að móta vel ígrundaða stefnu er mikilvægt að fá ólík sjónarmið að borðinu. Hvetjum ykkur til að taka þátt og eiga góða vinnustund með okkur,“ segir í auglýsingu um vinnustofuna. |
|
15:45 |
18. mars 2024 |
Rúmar 17 milljónir úr húsfriðunarsjóði til Húnavatnssýslna
Húsfriðunarsjóður úthlutaði nýverið styrkjum til 176 verkefna, samtals að upphæð 297,6 milljónum króna. Fjölmörg verkefni í Húnavatnssýslum fengu styrki. Í flokki friðlýstra kirkna fengu m.a. Auðkúlukirkja, gamla kirkjan á Blönduósi, Holtastaðakirkja og Þingeyraklausturskirkja styrk. Í flokki friðaðra húsa og mannvirkja fengust styrkir m.a. til gamla sæluhússins á Hveravöllum, gamla læknisbústaðarins á Blönduósi og gamla Spítalans á Blönduósi. Í flokknum rannsóknir og húsakannanir fékk verkefnið Torfhús í Húnavatnssýslum styrk að fjárhæð 2,5 milljónir króna. |
|
09:06 |
18. mars 2024 |
Brjóstamiðstöð Landspítalans er með brjóstaskimun í samstarfi við Heilsugæsluna á Blönduósi 2. - 5. apríl / 2 - 5 Kwiecień
Brjóstamiðstöð Landspítala verður í samstarfi við Heilsugæsluna á ferð um landið vorið 2024 með brjóstaskimun. Lögð er rík áhersla á að konur nýti sér þessa þjónustu, sjá leiðbeiningar um bókun hér að neðan. Með brjóstaskimun er hægt að greina brjóstakrabbamein á byrjunarstigi og draga þannig verulega úr dánartíðni vegna sjúkdómsins.
Áhersla er lögð á að konur nýti sér þjónustuna sem er að jafnaði í boði á hverjum stað árlega eða á tveggja ára fresti. |
|
11:42 |
17. mars 2024 |
Norðaustan hríð í kortunum
Veðurstofan hefur gefið út gula veðurviðvörun fyrir Norðurland vestra sem gildi í sólarhring frá hádegi í dag. Spáð er norðaustan hríð, 13-18 m/s og snjókomu. Búast má við skafrenning með takmörkuðu eða lélegu skyggni og versnandi akstursskilyrðum. Afmarkaðar samgöngutruflanir eru líklegar, lokanir á vegum og tafir í flugsamgöngum. Fólki er bent á að sýna varkárni og fylgjast með veðurspám. |
|
15:41 |
14. mars 2024 |
Húnaþing vestra og ríkið gera samkomulag um uppbyggingu íbúðarhúsnæðis
Sigurður Ingi Jóhannsson, innviðaráðherra, Unnur Valborg Hilmarsdóttir, sveitarstjóri í Húnaþingi vestra og Anna Guðmunda Ingvarsdóttir, aðstoðarforstjóri HMS, undirrituðu í dag samkomulag um að auka framboð á íbúðarhúsnæði í sveitarfélaginu á tímabilinu 2024-2029 og fjármagna uppbyggingu á hagkvæmum íbúðum og félagslegu húsnæði. Stefnt er að því að byggðar verði rúmlega 50 íbúðir á fimm árum og þar af verði 19 þeirra byggðar án hagnaðarsjónarmiða fyrir fólk undir tilteknum tekju- og eignamörkum, íbúðir sem falla undir skilyrði hlutdeildarlána. |
|
13:15 |
14. mars 2024 |
Ert þú næsti verkefnastjóri hjá SSNV?
SSNV, Samtök sveitarfélaga á Norðurlandi vestra auglýsa laust til umsóknar starf verkefnastjóra. Leitað er að drífandi, framsýnum og sjálfstæðum verkefnastjóra sem býr yfir einstökum hæfileikum í mannlegum samskiptum.
Við óskum eftir samstarfsfélaga sem hefur ástríðu fyrir uppbyggingu samfélagsins sem við búum í og vill taka þátt í fjölbreyttum verkefnum sem heyra undir málaflokka landshlutasamtakanna. Við lofum góðu starfsumhverfi og metnaðarfullum verkefnum. |
|
13:11 |
14. mars 2024 |
Leikhúsferð til Eyjafjarðar
Frá Félagi eldri borgara í Húnaþingi
Ákveðið er að fara í leikhúsferð 5. apríl nk., á Gaukshreiðrið í Freyvangsleikhúsinu Eyjafirði. Farið verður með rútu kl. 15.00 frá Félagsheimilinu á Blönduósi. Stansað á Akureyri og þar getur fólk fengið sér kvöldmat. Áætluð heimkoma stuttu eftir miðnætti ef veður og færð eru góð. Pantanir þurfað að berast sem fyrst en í síðasta lagi á skírdag. |
|
15:29 |
13. mars 2024 |
Viltu taka þátt í að móta öruggara Norðurland vestra?
Öruggara Norðurland vestra er heiti á vinnustofu sem haldin verður í Félagsheimilinu á Blönduósi miðvikudaginn 20. mars næstkomandi klukkan 08:30-15:00. Um er að ræða svæðisbundið samráð gegn ofbeldi, öðrum afbrotum og til að stuðla að bættri þjónustu fyrir jaðarsetta hópa. Á vinnustofunni verða fjölmörg örerindi um málefni barna og ungmenna, jaðarsetta hópa, þjónustu við fólk með geðrænan vanda sem og ofbeldi í nánum samböndum. |
|
11:37 |
13. mars 2024 |
Húnabyggð hyggst bjóða upp á gjaldfrjálsar skólamáltíðir næsta haust
Sveitarstjórn Húnabyggðar fagnar því að samningar hafa náðst á vinnumarkaði og er reiðubúin til að leggjast á árarnar um að samstaða náist um mál er varða aðkomu sveitarfélaga á samningunum. Sveitarstjórn ætlar að bjóða upp á gjaldfrjálsar skólamáltíðir fyrir grunnskólabörn frá og með næsta hausti og til loka samningstíma samninganna en með þeim fyrirvara að ríkisvaldið komið að málum eins og lagt er upp með. Þá leggur sveitarstjórn áherslu á að tryggja þurfi aðkomu ríkisins til framtíðar að málaflokknum svo kostnaður hafni ekki í fanginu á sveitarfélögum að samningstímanum loknum. |
|
11:19 |
13. mars 2024 |
Bygging nýs leikskóla í undirbúningi
Í undirbúningi er að byggja nýjan 685 fermetra leikskóla á Blönduósi sem staðsettur yrði norðan við núverandi leikskóla. Nýta á núverandi húsnæði áfram fyrir elstu árganga en því breytt, m.a. verður eldhúsi breytt í listasmiðju. Nýbyggingin er ætluð fyrir yngri árganga ásamt móttökueldhúsi og matsal sem nýtist leikskólanum í heild ásamt starfsmannarými. Breyta á skólalóð í tengslum við nýbygginguna og er gert ráð fyrir ungbarnaleiksvæði. |
|
10:59 |
13. mars 2024 |
Samkomulag um aukið framboð íbúðarhúsnæðis í Húnaþingi vestra
Áætlað er að byggðar verði 12 íbúðir í Húnaþingi vestra á þessi ári og allt að 40 íbúðir á næstu fjórum árum þar á eftir. Gert er ráð fyrir að hluti íbúðanna verði seldur á almennum markaði en hluti verði leiguíbúðir fyrir tekjulægri einstaklinga. Áform þessi eru í samræmi við samkomulag milli innviðaráðuneytisins, Húsnæðis- og mannvirkjastofnunar og Húnaþings vestra um aukið framboð íbúðarhúsnæðis í sveitarfélaginu. |
Til baka
Loka
Prenta
