Veiðifélag Blöndu og Svartár telur að banna þurfi notkun á frjóum laxi í sjókvíaeldi. Erfðablöndun sé langhættulegasta og varanlegasta afleiðing sjókvíaeldis á villta laxastofna. Félagið telur að herða þurfi reglur um strok og að afleiðingar þess þurfi að vera miklar. Þá þurfi að herða reglur um lús þannig að villtum stofnum stafi ekki hætta af. Þetta er á meðal athugasemda sem félagið gerir í umsögn við frumvarp matvælaráðherra til laga um lagareldi sem nú er til meðferðar hjá atvinnuveganefnd.

�hugakonur um golfíþróttina ætla að hittast í Glaðheimum í dag fimmtudaginn 16. maí kl. 17:00. Allar áhugasamar eru velkomnar og takið vinkonur ykkar með.

Jón Gnarr forsetaframbjóðandi og fyrrverandi borgarstjóri Reykjavíkur heimsækir Blönduós, Borgarnes, Sauðárkrók, Stykkishólm og Akranes á næstu dögum. Jón verður Hótel Blönduósi laugardaginn 18. maí klukkan 11 og býður öllum áhugasömum í spjall. Sama dag verður hann í Sauðárkróksbakaríi klukkan 14. Allir eru velkomnir.

Viðbragðsaðilar á Norðurlandi vestra héldu hópslysaæfingu við Blönduós um síðustu helgi og tóku um 200 manns þátt þar sem æfð voru viðbrögð við fjölmennu slysi. Gerður var tilbúinn vettvangur rétt ofan við Blönduós þar sem hópbifreið hafði lent í árekstri við þrjár fólksbifreiðar. Eldur var í einum bílnum og nota þurfti klippur til að ná slösuðum úr tveimur þeirra. Söfnunarsvæði slasaðra var í �þróttamiðstöðinni á Blönduósi, sem er skilgreind fjöldahjálparstöð.

Skógræktarfélag Austur-Húnvetninga er 80 ára í dag, 14. maí. Félagið var stofnað lýðveldisárið 1944 á Blönduósi og hefur vaxið og dafnað með héraðsbúum í skjóli stækkandi skóga. � tilefni dagsins gróðursettu Pétur Bergþór Arason, sveitarstjóri Húnabyggðar og Páll Ingþór Kristinsson, formaður félagsins fyrstu greniplönturnar sem eru gjöf frá skógræktarfélaginu til íbúa.

� heimasíðum Húnabyggðar og Skagabyggðar má finna tilkynningu um kosningar um sameiningu sveitarfélaganna. Boðað er til íbúakosninga á grundvelli 119. gr. sveitarstjórnarlaga um sameiningu sveitarfélaga en sveitarstjórnir beggja sveitarfélaga hafa fjallað um álit samstarfsnefndar á grundvelli greinargerðar sem nefndin vann um sameiningu sveitarfélaganna.

Við gullborgarar viljum þakka þeim Birni Þór og Söndru eigendum B&S hjartanlega fyrir boð í fiskihlaðborð á veitingastað þeirra. þann 9. maí sl. Gullborgurum Húnabyggðar var öllum boðið í mat og gátum þeir um leið styrkt uppbyggingu salernis fyrir fatlaða í Blönduóskirkju með frjálsum framlögum. Virkilega verðugt verkefni. Þarna var fjölmenni að vanda og ekki í fyrsta skipti sem þessi hjón gleðja eldriborgarana.

Utankjörfundaratkvæðagreiðsla vegna forsetakjörs þann 1. júní 2024 er hafin. Greiða má atkvæði utan kjörfundar á kjörstöðum innan umdæmisins sem hér segir: Blönduósi, aðalskrifstofu, Hnjúkabyggð 33, Blönduósi, virka daga, kl. 09:00 - 15:00. Sauðárkróki, sýsluskrifstofu, Suðurgötu 1, Sauðárkróki, virka daga, kl. 09:00 - 15:00. Hvammstanga, ráðhúsi Húnaþings vestra að Hvammstangabraut 5, Hvammstanga, mán - fim kl. 09:00 - 16:00 og fös kl. 09:00 - 12:00. Skagaströnd, stjórnsýsluhúsi að Túnbraut 1-3, Skagaströnd, virka daga kl. 10:00 - 12:00 og 13:00 - 15:00.

Rúmar 200 þúsund krónur söfnuðust á fiskhlaðborði B&S Restaurant sem haldið var 9. maí síðastliðinn fyrir eldri borgara í Húnabyggð, 70 ára og eldri. Björn Þór og Sandra, eigendur B&S, buðu eldri borgurum á hlaðborðið og á staðnum var hægt að leggja fram frjáls framlög sem runnu til viðhalds Blönduóskirkju og uppsetningu á hreinlætisaðstöðu. Eldri borgarar fjölmenntu á hlaðborðið og nutu veitinga Björn Þórs og Söndru auk þess sem að Skarphéðinn og Benni stýrðu fjöldasöng.

Þá er alveg að koma að því! Sumaropnun á skotíþróttasvæði Markviss verður á miðvikudagskvöldum frá 19.30-21.00. Fyrsta opnunarkvöld verður 22 maí. � haglavöllum verður Sporting og Skeet í fyrirrúmi,og svo verður riffilbrautin að sjálfsögðu opin. Allir velkomnir,hvort sem er til að skjóta úr gamla Brno eða bara kíkja í kaffi og spjall.

Félag eldri borgara í Húnaþingi vestra sendi þrjár þriggja manna sveitir, undir styrkri stjórn Flemmings Jessen á Vesturlandsmótið í boccia sem haldið var í Ỏlafsvík á föstudaginn. Alls tóku 20 sveitir þátt í mótinu og komu þær frá Akranesi, Mosfellsbæ, Borgarnesi, Stykkishólmi, Grundarfirði, Snæfellsbæ og Hvammstanga. Ã� facebooksíðu Félags eldri borgara í Húnaþingi vestra kemur fram að í fyrsta skipti náði lið félagsins að vinna sinn riðil og komast í úrslit. Liðið endað í 4. til 6. sæti.

Lögreglan á Norðurlandi vestra segir frá því á facebooksíðu sinni að reiðifé hafi fundist í Húnabyggð fyrir skemmstu. Ekki sé unnt að veita frekari upplýsingar um hið fundna reiðufé en í samræmi við rótgróna réttarheimild um meðferð á fundnu fé í kaupstöðum geti eigandinn vitja fjárins á lögregluvarðstofunni á Blönduósi. Réttarheimildin sem vísað er til er opið bréf frá kansellíinu og er frá árinu 1811.

Fulltrúar Samtaka sveitarfélaga á Vesturlandi heimsóttu systursamtök sín á Norðurlandi vestra í síðustu viku. Fyrst var farið í Skagafjörðinn þar sem Byggðastofnun var heimsótt og síðan fékk hópurinn kynning á tveimur nýsköpunarverkefnum á Norðurlandi vestra. Daginn eftir var farið yfir í Húnavatnssýslur og þar fékk hópurinn kynningu á uppbyggingunni í gamla bænum. � Hvammstanga fór fram vinnustofu þar sem rædd voru verkefni landshlutasamtakanna tveggja og gerð nýrrar sóknaráætlunar.

Kormákur Hvöt tók á móti Reyni Sandgerði í fyrsta „heimaleiknum“ í 2. deildinni í knattspyrnu karla í gær. Leikið var á Dalvík, en upphaflega stóð til að leika á Sauðárkróki þar sem grasvellir í Húnaþingi eru ekki klárir eftir veturinn. Gervigrasið á Sauðárkróki fór illa í vatnsveðri á dögunum og því var ákveðið að færa leikinn til Dalvíkur. Fyrri hálfleikur var fjörugur og á 20. mínútu skoruðu gestirnir fyrsta mark leiksins.