Húnavatnshreppur auglýsir eftir girðingaverktökum til að sinna viðhaldi girðinga á Auðkúluheiði, Grímstunguheiði, Haukagilsheiði og Víðidalsfjalli. Óskað er eftir tilboði í hverja klukkustund fyrir mann, tæki og fleira, og gjald fyrir hvern ekinn kílómeter en reiknað er með að vinna sem þess sé um 1.500 klukkustundir á ári. Ennfremur má reikna með að viðkomandi verktaki vinni önnur girðingaverk fyrir sveitarfélagið. Umsóknarfrestur er til 1. apríl næstkomandi.

Tilboðum skal skilað inn til Húnavatnshrepps á netfangið einar@hunavatnshreppur.is. Í tilboðinu skal koma fram nafn og kennitala aðila, auk upplýsinga um ofangreint, eftir því sem við á. Sveitarfélagið áskilur sér rétt til að velja fleiri en einn verktaka. Nánari upplýsingar gefur Einar Kristján Jónsson, sveitarstjóri í síma 452 4661.

Húnavatnshreppur auglýsir einnig eftir veiðimönnum til sumarveiða á ref. Samkvæmt reglum Húnavatnshrepps um refaveiðar er einungis veiðimönnum með samning við sveitarfélagið greitt fyrir refaveiði. Með umsókn skal tilgreina svæði þar sem sumarveiði og/eða grenjavinnsla á að fara fram.

Ráðnir veiðimenn sjá sér sjálfir um allan búnað til veiðanna og skal hann ekki brjóta bága við lög og reglugerðir. Umsóknarfrestur er til 1. apríl nk. Umsóknum þarf að fylgja staðfesting á því að veiðikort umsækjanda sé í gildi. Nánari upplýsingar gefur Einar Kristján Jónsson, sveitarstjóri í síma 452 4661.

Hægt er að nálgast umsóknareyðublað, kort af veiðisvæðum og reglur Húnavatnshrepps um refaveiðar hér.