Fimmtíu og tveir nemendur hafa skráð sig á fyrstu önn nýs dansskóla í Húnaþingi vestra. Á facebooksíðu Menningarfélags Húnaþings vestra segir að fjöldi skráninga hafi farið fram úr björtustu vonum og það sé sérstaklega ánægjulegt að fjöldi nemenda komi frá Austur-Húnavatnssýslu. Þörfin fyrir dansskóla í Húnaþingi sé greinilega mikil. Vegna mikils nemendafjölda og dreifingu þeirra í mismunandi hópa hefur þurft að endurskoða stundarskrána.

„Nú langar okkur að biðja nemendur eða/og forráðamenn þeirra að sækja um aðgang að sérstökum hópi sem má finna hér þar sem öll frekari upplýsingamiðlun fer fram,“ segir á facebooksíðu menningarfélagsins.