Fyrri mynd
Nćsta mynd
...
Ok
Velkomin á vef Húnahornsins. Við notum vefkökur (e. cookies) til þess að bæta upplifun þína og greina umferð um síðuna.
Með því að nota vefsíðuna samþykkir þú notkun á vefkökum og skilmála okkar.
Húnahornið
Open Menu Close Menu
Húnahornið
Fimmtudagur, 6. ágúst 2020
SSV  2 m/s
11°C
Olís
huni.is - RSS-efnisveita
 
Ágúst 2020
SMÞMFL
2627282930311
2345678
9101112131415
16171819202122
23242526272829
303112345
FyrriNúnaNæsti
Veðurstofa Íslands
Blönduós 00:00 SSV 2  11°C
Þverárfjall 00:00 S 3  9°C
Vatnsskarð 00:00 SSA 4  7°C
Brúsastaðir 00:00 SSA 5  10°C
Haugur 00:00 SSA 3  9°C
Holtavörðuh 00:00 SSA 7  7°C
Laxárdalshe 00:00 SSA 4  8°C
Reykir í Hr 00:00 SSA 4  10°C
Reykjavík 00:00 SSA 4  9°C
Akureyri - 00:00 SA 5  11°C
Egilsstaðaf 00:00 VSV 4  11°C
Vegagerðin
Holtavörðuh. 00:40 SSA 7 7°C
Laxárdalsh. 00:40 SSA 4 8°C
Vatnsskarð 00:40 SA 3 8°C
Þverárfjall 00:40 SSA 3 9°C
Kjalarnes 00:40 ASA 5 10°C
Hafnarfjall 00:40 SSA 6 10°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
21. júní 2020
Menningin nærir, huggar og kætir
Mikið dáist ég að nágrönnum okkar í Húnaþingi vestra. Nú er nýjasta afrek þeirra í menningarmálum uppbygging á hljóðveri og hugsanlega kvikmyndaveri í hótelinu á Laugarbakka.
::Lesa

SSNV

Leita í netfangaskrá
 
Eftir Inga Heiðmar Jónsson
02. ágúst 2020
Eftir Guðjón S. Brjánsson
29. júlí 2020
Eftir Sigurbjörn Þorkelsson
23. júlí 2020
Eftir Lárus Ægi Guðmundsson
20. júlí 2020
Eftir Sigurbjörn Þorkelsson
08. júlí 2020
Eftir Guðjón S. Brjánsson
01. júlí 2020
Eftir Sigurbjörn Þorkelsson
30. júní 2020
N 65° 39' 32.04" V 20° 16' 55.2"
Sólsetur við Húnafjörð. Ljósm: Róbert Daníel Jónsson.
Sólsetur við Húnafjörð. Ljósm: Róbert Daníel Jónsson.
Pistlar | 13. maí 2020 - kl. 13:46
Stökuspjall: Frá Dalvík kom Guðmundur Ingi
Eftir Inga Heiðmar Jónsson

Fagnandi menn flykkjast að
fleiri en nokkurn varði.
Erindið mun einkum það
að yrkja í Skúlagarði. JJ

Jakob á Varmalæk orti þessa hlýlegu vísu um hagyrðingamót nr. 4 sem haldið var 1992, hinn 15. ágúst í Kelduhverfi norður við Skjálfandaflóa með Þorgrím Starra sem heiðursgest en Björn Ingólfsson Grenivík veislustjóra.

Þorfinnur á Ingveldarstöðum setti mótið og sæmdi Björn tigninni með vísu:

Hætti lestri og brjóti blað
best mun gleðja vini.
Boltanum því beini að
Birni Ingólfssyni. ÞJ

Björn sinnti ágæta vel nýju hlutverki og þar í Skúlagarði hófst nýr og glæsilegri kafli í hagyrðingamótunum sem hófust á vinafundi vestur á Skagaströnd þremur árum áður en höfðu síðan eignast samastað á Hveravöllum 1990 og ´91 í Sælingsdal í Dölum.

Á annan tug veislugesta í Skúlagarði kynntu sig með vísu, s.s.

María í Vogum:

María Pálsdóttir heitið hef
helst vil um aldurinn þegja.
Bóndakona, hjá Kútta sef.
Ég kann ekki meira´um það segja. MP

Þær áttu sviðið konurnar ekki síður en karlarnir þetta kvöld:

Emma Hansen sagði:

1. Emma Hansen heiti eg
í Húnaþingi alin
þar sem Giljá glæsileg
gljúfra prýðir salinn.

2. Ungabarn eg óðar vék
yfir í fjörðinn Skaga
þar sem æviönnin frek
átti flesta daga. EH

Guðmundur Ingi á Kirkjubóli kynnti sig:

1. Guðmundur Ingi gengur enn
glaður hér að borði.
Kasta vill á kvæðamenn
kveðnu vísuorði.

2. Fallið er hið fyrra gengi
fundið hef ég orðaskort.
Ég hef ekki langalengi
lausavísu getað ort. GIK

Heimamaðurinn Ósk  Þorkelsdóttir kvað:

Í indæla sveit hér við Axarfjörð
var efniviðurinn sóttur.
Ef til vill kannast sú uppsveitarjörð
við Óskina Þorkelsdóttur. ÓÞ

Iðunnarfélagar úr Reykjavík stigu á svið og kváðu vísur Orms Ólafssonar þarna í Skúlagarði, þar með voru þrjár eftirfarandi stökur:

1.Virðum þjóðar tungutak
tökum ljóðaglettum.
Megi óðar breddubak
bylja á Hljóðakettum.

2. Úrvals manna eflum lið
óðinn sanna myndum.
Andinn spanni okkar svið
inn að Hvannalindum.

3. Hvergi slökum hefðum á
hefjum vöku glaðir.
Beittum rökum beiti þá
Bragi stökufaðir. OÓ

Til mótsins norður við Skjálfanda komu þrír menn frá Dalvík á þessu merkiskvöldi og sá sem forystu hafði um þá för, var Guðmundur Ingi Jónatansson, náfrændi Jóa í Stapa, forystumannsins um þessar samkomur. Guðmundur átti líka eftir að leggja mikið af mörkum til þeirra, hann rak litla prentsmiðju á Dalvík, var sjálfur hagorður og góður penni og hann tók að sér að gefa út kver með vísum eftir hvert mót. Þarna bættist við að vísu mikið aukaálag á forstöðumenn mótanna en þó mest á Guðmund Inga sem lagði síðustu hönd á þetta efni og prentaði. Samband hans við landsnefndir mótanna urðu farvegur fyrir rit sem safnað var í vísum frá flestum mótanna.

Þessi árlegu hagyrðingamót/Bragaþing stóðu samfellt í 24 ár eða til ársins 2012 þegar það síðasta var haldið aftur hjá Þingeyingum en nú á Húsavík.

Ótal vísur voru ortar og mörg kynni áttu þar upphaf sitt.
Guðmundur Ingi var lærður kennari og með réttindi til húsasmíða, vann við hvorutveggja, mest kennsluna en var sívinnandi að menningarmálum og hafði þar lagt mikið af mörkum þegar illvígur sjúkdómur lagði hann að velli 4. des. 2015.  

Næsta sunnudag, hinn 17. maí, hefði Guðmundur Ingi orðið sjötugur.

Kveikjum á kerti, vinir kærir og félagar og minnumst þannig þessa góða drengs, sem var snemma og svo óvænt hrifinn frá okkur.

Áður en þessar línur voru skrifaðar, mi. 13. maí, hringdi ég norður á Krók að leita frétta af Jóa í Stapa, þess sem fylgdi í upphafi hagyrðingamótunum úr hlaði norður á Skagaströnd 1989. Hann er orðinn 96 ára og hefur nú verið á Sjúkrahúsinu á Sauðárkróki í allmargar vikur, fær þar prýðis umönnun, en síðastliðinn rúman áratug hefur hann átt sér hlýlegt hosiló í kjallaranum hjá Stefáni söngstjóra í Varmahlíð og notið umhyggju þeirra hjónanna, Margrétar og Stefáns.

Jói hefur verið frekar slæmur til heilsu síðustu misserin, svimagjarn og óstyrkur og hefur þá farið þá af og til út á Sjúkrahús í nokkurra daga heilsubót – en sótti alltaf mjög heim í Varmahlíð þegar hann hresstist þó reynt væri að halda í hann útfrá.

En nú unir hann sér vel úti á sjúkrahúsi,  en ekki er lengur hægt sé að tala við hann í síma þó hann geti rabbað við kunningjana með því að sjá framan í þá. Og nú koma til sóttvarnir samtímans en vonandi er stutt til þess að hægt verði að kíkja til skáldsins frá Stapa.

Ingi Heiðmar Jónsson

Höf. rzg
 
Prenta Prenta  
 
Til baka
 
Húsfrúin
04. febrúar 2020
Róbinson Krúsó meðferðin
Við getum flest verið sammála um að jákvæð hugsun sé forsenda þess að samþykkja það að jákvæðni auki líkurnar á skilningi og að skilningur sé ein helsta breytan í góðum mannlegum samskiptum.
::Lesa
Spaugið
04. febrúar 2020
Sherlock og Watson
Sherlock Holmes og Dr. Watson fóru í útilegu. Eftir að hafa gætt sér á góðum mat og drukkið flösku af víni, bjuggu þeir um sig og fóru að sofa.
::Lesa

©2020 Húnahornið