Fyrri mynd
Nćsta mynd
...
Ok
Velkomin á vef Húnahornsins. Við notum vefkökur (e. cookies) til þess að bæta upplifun þína og greina umferð um síðuna.
Með því að nota vefsíðuna samþykkir þú notkun á vefkökum og skilmála okkar.
Húnahornið
Open Menu Close Menu
Húnahornið
Miðvikudagur, 18. maí 2022
   m/s
C
Olís
huni.is - RSS-efnisveita
 
Maí 2022
SMÞMFL
1234567
891011121314
15161718192021
22232425262728
2930311234
FyrriNúnaNæsti
Veðurstofa Íslands Vegagerðin
Holtavörðuh. 00:20 N 3 4°C
Laxárdalsh. 00:20 A 5 4°C
Vatnsskarð 00:20 VSV 2 8°C
Þverárfjall 00:20 ASA 2 8°C
Kjalarnes 00:20 ANA 12 11°C
Hafnarfjall 00:20 N 5 13°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
03. apríl 2022
Vorið kemur
"Vorið er komið og grundirnar gróa," segir í texta Jóns Thoroddsen sem fjallar um vorið. Vorið er svo sem ekki alveg komið hér um slóðir en eitt er víst að það kemur. Í maí verður kosið til sveitarstjórna í öllum sveitarfélögum landsins, þar á meðal í sameinuðu sveitarfélagi Blönduósbæjar og Húnavatnshrepps.
::Lesa

SSNV

Leita í netfangaskrá
 
24. þáttur. Eftir Jón Torfason
15. maí 2022
Eftir Zophonías Ara Lárusson sem skipar 3.sæti lista sjálfstæðismanna og óháðra.
13. maí 2022
Eftir Guðmund Arnar Sigurjónsson
13. maí 2022
Eftir Elínu Aradóttur
13. maí 2022
Eftir Eyjólf Ármannsson
13. maí 2022
Eftir Halldór Skagfjörð Jónsson
13. maí 2022
N 65° 39' 32.04" V 20° 16' 55.2"
Pistlar | 13. maí 2022 - kl. 14:58
Setjum X við B á kjördag

Á morgun er sögulegur dagur, en þá verður í fyrsta skipti gengið til kosninga í nýja sameinaða sveitarfélaginu okkar. Kjósendur fá jafnframt að kjósa um tillögur að nýju nafni á sveitarfélagið, svo það er tvöföld ástæða til að mæta á kjörstað. Það að kjósa fulltrúa í sveitarstjórn er mikilvægur þáttur lýðræðis okkar og það að bjóða fram starfskrafta sína á framboðslista er jafnframt stór ákvörðun. Hinir kjörnu fulltrúar eru nefnilega fulltrúar fólksins og þeim ber að nálgast starf sitt með mikilli varfærni, vinnusemi og virðingu. Til þeirra verkefna erum við á B-lista Framsóknar og annarra framfarasinna tilbúin að leggja allt okkar í.

B-listinn gaf út ítarlega málefnaskrá sem unnin var af samheldnum hópi fólks. Frambjóðendur stýrðu þeirri vinnu, en einnig var leitað upplýsinga og ráða hjá breiðum hópi fólks utan listans. Verkefnin sem bíða okkar í ný sameinuðu sveitarfélagi eru ærin. Þau verða skemmtileg, krefjandi og fjölbreytt og erum við staðráðin í að standa þannig að málum að almenningur geti treyst því að það sem gert verði, sé í almannaþágu og með hagsmuni sveitarfélagsins að leiðarljósi.

Í hópnum okkar má finna mikla reynslu víða úr samfélaginu. Því teljum við okkur eiga fullt erindi í nýja sveitarstjórn sameinaðs sveitarfélags sem nú er kosið til í fyrsta sinn. Við á B-listanum erum klár í verkefnið og teljum okkur geta leitt nýja sveitarstjórn með gott fólk í hverju sæti.

Sem dæmi um áherslumál okkar á B-listanum má nefna að okkur finnst að allir íbúar sveitarfélagsins eigi að fá tækifæri til að stunda alhliða heilsurækt því gott íþróttalíf og möguleikar til hreyfingar eru grundvallarstoðir góðs samfélags. Að stjórnsýsla í nýju sveitarfélagi eigi að einkennast af faglegum vinnubrögðum, áætlanagerð að vera vel unnin og öll ákvarðanataka gegnsæ og skilvirk. Við viljum að rekin verði öflug félags- og öldrunarþjónusta þar sem tekið verði tillit til þarfa ólíkra hópa. Sveitarfélagið á að marka sér heilstæða umhverfisstefnu þar sem fjallað verði um loftslagsmál, finna megi öfluga fræðslu um umhverfismál og tekin ákveðin stefna varðandi innkaup, sorphirðu, flokkun og urðun í sveitarfélaginu svo dæmi séu tekin. Þá viljum við að vandað verði til uppbyggingar nýrra skólastofnana á leik- og grunnskólastigi. Huga þarf vel að þörfum yngstu íbúanna óháð búsetu og þeim mikla mannauði sem þegar er til staðar í skólasamfélaginu. Þetta eru einungis nokkrir helstu áherslupunktar B-listans sem býður fram kröftugan lista til komandi sveitarstjórnarkosninga.

Kjósandi góður, við heitum því að leggja okkur öll fram við að standa undir því trausti sem þú leggur á fólkið okkar og málefni okkar. Við erum tilbúin að hlusta á raddir fólksins og gera okkar allra besta til að standa undir þeim væntingum sem gerðar verða til okkar. Nálgast verkefnin af auðmýkt og sýna það í verki með því að vinna verkin vel og með sóma.

Ég set X við B á kjördag og bið þig kæri kjósandi að gera slíkt hið sama, framtíðin er okkar í nýju sameinuðu sveitarfélagi.

Auðunn Steinn Sigurðsson

Skipar 1. sæti á lista Framsóknar og annarra framfarasinna

Höf. rzg
 
Prenta Prenta  
 
Til baka
 

©2022 Húnahornið